Daniyɛli 4:32 - ALLALA KUMƐ

³² I hadama-den-nyɔgɛnu si i gben anu tɛma. I si ta basan sogenu na binyɛ rɔ. San wɔrɔnfila, i ye binyɛ dɔnna wonu fɛ iko ninki. San wɔrɔnfila wo wa ban tumɛ min, i si a lɔn worɔ ko sɛnbɛ ye nde, Alla Min Bi Fan Bɛɛ Kun Na bolo duninya-mansɛnu kun na. Min ba diya n ye, n si ke le mansayɛ dila wo ma.’

Daniyɛli 4:32 Iomraidhean Croise

2 Ko-Kɔrɔta-Karan 33:13

Alla ya ala matarali-kan wo lamɔɛn. A ya a ma, a sɛgira a warɛ Yerusalɛm ka ma mansɛ la tun. Wo ya a yira Mansa Manasa la ko Mari le Alla la.

Yobu 9:12

Alla wa fen bɔ mɔgɛ do bolo, mɔgɔ-wo-mɔgɔ ti ke tɔn sigila a ma. Mɔgɔ-wo-mɔgɔ ti ke a manyinikala ko, “Ile ye nfen kun na kɛ la?”

Yaburi 115:3

Mata Alla ye Arinyɛni tɔ. Min ba diya a ye, a ye wo le mala.

Yaburi 135:6

San-kole kuma wo, dugu-kole kuma wo, kɔgɔ-yi rɔ wo, kɔgɔ-yi-dumɛ rɔ wo, min ba diya ale ye, a ye wo le mala.

Bɔ-Koe-Iyipiti 8:10

Mansɛ ko, “Nba, sina i ni na madiyali kɛ n ye.” Musa ko, “N si a ma iko i wara a fɔ n ye nya min alako i ni a lɔn ko Alla-dogbɛrɛ sa nyɔ min bi iko mata Mari Alla.

Bɔ-Koe-Iyipiti 9:14

N si tɔrɔya-fitinɛ lana mansɛ nyɛrɛ anubɛ ala mɔgɔ-banu anubɛ ala nyamanita-mɔgɛnu kuma. Anu ni a lɔn ko nde, Alla nyɔgɔn sa duninya kɛ rɔ.

Bɔ-Koe-Iyipiti 9:29

Musa ya a fɔ a ye ko, “N ba ta soe kɔma tumɛ min, n si n bole sigi Mari ye ka a madiya. San-sɛran si ban, banda-kole ti na tun alako ile mansɛ ni a lɔn ko duninya-tigi le maleta Mari la.

Aiseya 37:20

I yandi, mata Mari Alla, ma tanka Asiriyanu masibɛ ma alako duninya bɛɛ ni a lɔn ko ile Mari kelen pe le Alla la.”

Aiseya 40:15

Fenfen ma sibolenu na Mari yala. Anu mani de iko yi-tinti kelan. Yi-tɛma-duginu fɛyanɛ iko gbangban.

Aiseya 40:17

Fenfen ma sibolenu na a yala. Anu ti ko-wo-ko nyinya ale ma.

Aiseya 45:3

Mari ko fen-kolomɛ minnu dogonnɛ pinpi rɔ, a si wonu di a ma. Wo kɔma, ale si a lɔn ko Mari le Mari la. A si a lɔn fanan ko Isirɛlata Alla ya a sereka-tɔgɛ rakele.

Yɛrɛmaya 27:5

a mɔgɔ wo, a sogo wo, a dugu-kolo wo, Mari ko ale le ya wonu nadan a sɛnbɛ-makawanɛ la. A ko mɔgɛ min ba diya ale ye, a ye fan kɛ bɛɛ latenbila wo le ma.

Daniyɛli 2:21

Ale le ye samɛ ladonna. Ale le ye telemɛ labɔla. Ale le ye mɔgɛ mala mansɛ la. Ale le ye mɔgɛ bɔla mansayɛ la. Ale le ye hɛnkili dila mɔgɛ ma, ado ale le ye a mala fanan, mɔgɛ ni ko nya-yen.

Daniyɛli 4:31

“Yanni n ni ban kumɛ wo fɔla, kuman-kan bɔra san ma. Wo ye a fɔla ko, ‘Ile Mansa Nɛbukanasa, i tole masɔ n kuman-kan la. Ila sɛnbɛ ara bɔ i bolo bi.

Daniyɛli 5:21

Mɔgɛnu ya a gben anu kurun tɔ. A hɛnkili mara iko sogenutɛ. A tora tagamana sogenu fɛ binyɛ rɔ ka binyɛ dɔn iko ninki. A tora kila gbɛkole ma. Duri tora yigila a ma nyɔ. Kɔnɔ tɔ-a-la, a sɔnta ko Alla Min Bi Fan Bɛɛ Kun Na, wo le ye duninya-mansɛ-bɛɛ kun na. Min ba diya a ye, a si mansayɛ di le wo ma.

Yasowa 4:24

Mari ya kɛ ma alako mɔgɛ bɛɛsi ni a lɔn ko sɛnbɛ-bɛɛ-tigi le ale Mari la. Woletɔ anu fanan ni to Mari Alla gbiliyala habadan!”