Daniyɛli 4:27 - ALLALA KUMƐ

²⁷ “Ale Daniyɛli ya a fɔ n ye tun ko n ni aleta kawandili-kan bira. A ko n ni fara ko-yogoma-kɛ la. N ni ko-nyimɛ-kɛ dabira. A ko n ni kinikini bolo-kolɔnnu ma. Wo kɔma, a ko tumado, n si taran n diya.

Daniyɛli 4:27 Iomraidhean Croise

Ko-Dabirɛnu 11:4

Anu ya a fɔ anu nyɔgɔn ye tun ko, “Wo na, ma ni so-karantan sɔ. Wo kɔma, ma ni san-bon-nayan-bɛ sɔ min si tugu san-kole la. Woletɔ ma tɔgɛ si bɔ. Ni ma ma wo ma, ma ra si nyɛnsɛn dugu-kole bɛɛ kuma.”

1 Mansɛnu 21:29

“I wara a yen Mansa Ehabu ye a famayigila n ye nya min? Ka a tɛgɛ ala famayigi wo ma, n ti kasarɛ wo lana anubɛ ala denbayɛnu kuma a siyi-tele-bɛɛ kɔrɔ. Fɔ ala danta wati rɔ, n ni na to kasarɛ lanala anu kuma.”

Yaburi 119:46

N si ita tɔnnu wara-koe fɔ mansɛnu ye, ado n ti miliya mumɛ!

Hɛnkilimaya-Kumɛnu 11:2

Mɔgɔ-wasinɛ ti mɛ yarabila kɔnɔ hɛnkilimayɛ ye mɔgɔ-mafaganɛ bolo.

Hɛnkilimaya-Kumɛnu 16:6

Keninteyɛ anubɛ tonyɛ si a ma, mɔgɔ hakɛ ma si koto. Mɔgɛ min bi kilanna Mari la, wo si fara le ko-yogoma-kɛ la.

Hɛnkilimaya-Kumɛnu 28:13

Mɔgɛ min si a hakɛ dogon, wo tigi ti ta yarɔ. Kɔnɔ mɔgɛ min bi a hakɛ bɛɛ labɔla gbɛ ma ka anu boloka, Mari si kinikini wo tigi ma.

Aiseya 10:13

Asiriya mansɛ ye a nyɛrɛ matɔgɔla ko a kelen pe le ya wo dama ma ata sɛnbɛ anubɛ kɛwuyɛ la. A ko ale le ya nyamani-siyaman nana ata fanka kɔrɔ. Fan min bɛɛ maranɛ nyɔnu tɔ, a ko ale le ya wonu toronde anu na. A ko a ya nyɔ-mansɛnu don a kian kɔrɔ iko tura-feremɛ wa bore radondon.

Aiseya 47:10

Mari ko ile Babilɔn min bara la i nyɛrɛta karagbɛlɛyɛ la, i miri ko mɔgɔ-wo-mɔgɔ ya sa i la. Ila hɛnkilimayɛ anubɛ ila ko-lɔn ara i lasama kilɛ ma. I ye a fɔla ko Alla le ile la. I ko i nyɔgɔn sa.

Aiseya 47:8

Ile Babilɔn soe, i tole masɔ, sewɛ di ile min ye wɛ kɛ, kɔni, i miri ko i siginɛ lafɛrɛ rɔ. I ye i nyɛrɛ matagbala. I ko i rakɛn fenfen sa nyɔ. Ile ma a lɔn nun ni i si ma kɛɛ-musi la. I ma a lɔn ko i si foo ila dannu na.

Yɛrɛmaya 29:7

A ko a ya wo lata birɛ rɔ soe min tɔ, wo ni wɔli-nyimɛnu kɛ nyɔ. Wo ni Mari madiya wola soela ko la wo siginɛ min tɔ. Ni yisi-kimɛ ye soe wo rɔ, wole fanan si taran yisi-kimɛ rɔ.

Yɛrɛmaya 38:20

N ya a fɔ a ye ko, “Anu ti i don anu bolo. I yandi, Mari kan kɛ bira. Ni i ya wo ma, i wara-koe bɛɛ si ta a kilɛ fɛ. I si to i niyi la.

Isikiyɛli 18:7

A ti mɔgɔ-niyi ragbɛrɛn a ma anubɛ a ti kankanyɛ kɛ. Ni min ya tulumɛ sigi a ma, a ti balan a ma. A ye kɔnkɔtoenu de-nyinina. A ye fɛrɛyatoenu fɛrɛya-bɔla.

Isikiyɛli 29:3

Nde, i Tigi Marita kilayɛ kɛ latenbi a ma ko a yogo-finyɛ le nde la. Mɔgɔ-dɔn-banbɛ le ale mansɛ la min sanɛ bɛ rɔ. A ye a fɔla ko atɛ le Nayɛli bɛ la iko ale le ya a ladan.

Isikiyɛli 29:9

Iyipiti si ma nyamani-tinyanɛ la. Anu bi a lɔnna wo le ma ko Mari le nde la. “A fɔɛ a bolo ko Iyipiti mansɛ letan Nayɛli bɛ la, ado a ko ale le ya a ladan,

Yowɛli 2:14

Tumado, wota Mari Alla si a miriya yɛlɛma ka kinikini wo ma alako wola fui-fannu anubɛ wola ki-fannu si sabati nya min. Wo si a ma, wo ni ke dɛgɛ-munku-sarakɛ anubɛ minni-sarakɛnu dila a ma tun.

Emɔsi 6:13

Wo ye wo nyɛrɛ matɔgɔla ko wo ara Lodiba soe wo bira. Wo ye wasila a la ko wo ragbɛlɛ bawo wo ara Kanam soe bi.

Yona 3:9

Tumado, Alla si a fonde yɛlɛma ma wara la. Tumado, ma ti faga tun ata diminyɛ bolo.’ ”

Habakuku 1:11

Anu bi nala le iko fɔnyɔ ka tenbi. Anu yilikinɛ bawo anu yigi sanɛ anu fanka rɔ iko mɔgɛ doinu si a yigi sa Alla rɔ nya min.”

Sɛfanaya 2:15

Minnu bi Ninɛfa soe burɔ, wonu wasinɛ dɔgɔma-ma-de! Anu mirinɛ ko laa-wo-laa sa anu na. Anu kɛnɛna a fɔla ko, “Mala soe kɛ makawara ka tenbi soe dama la.” Kɔnɔ tɔ-a-la, nyɔ si ma tonbon-bɛrɛbɛrɛ la. Fɔ sogenu dɔrɔn, wonu denu si taran nyɔ. Mɔgɔ-wo-mɔgɔ wa tenbi nyɔ, a si nyima a rɔ, wo kɔma, a si a bole sa a dɛ la ka a dɛ bosi a kɔrɔ.

Matiyu 3:8

Wo ni koe donu kɛ minnu si a yira ko wo ara wo kɛ-nyanu yɛlɛma.

Luka 11:41

Kɔnɔ min bi wola yi-lafɛnu anubɛ piletinu burɔ, wo ni wo di bolo-kolɔnnu ma, fan bɛɛ si sɛninya wo ye worɔ.

Kɛwɔlɛnu 24:25

Kɔnɔ Pɔli wulita kumala ko-nyima-kɛ-koe anubɛ nyɛrɛ-bira-koe anubɛ kiti-tɛgɛ-tele-koe ma min kɛ, Mansa Filikisi kilanta. A ko, “Wo ara a bɔ. Ta fɔlɔn. N ba fɛrɛ sɔrɔn tumɛ min, n si i kele.”

Kɛwɔlɛnu 26:20

Ka a dabira Damasika ha ka ke Yerusalɛm anubɛ Yudiya nyamanɛ bɛɛ ha sibolo-gbɛrɛnu tɛma, n ya kawandili bɔ wo bɛɛ rɔ. N ya a fɔ anu ye ko anu ni fara hakɛ kɛla ko anu ni na Alla wara. N ko anu ni kɛwɔlɛ wonu kɛ min si a yira ko anu bara yɛlɛma.

Kɛwɔlɛnu 8:22

I ni miriya-yogomɛ kɛ boloka ka Mari madiya. A ni i makoto miriya sifa kɛla ko la.

2 Kɔrɛnti 5:11

Ma kilannɛ Mari la min kɛ, ma ye ma rayala ko mɔgɛ bɛɛ ni a yɛ lamunun Mari la. Alla ya ma lɔn feu, ado wole ya nde lɔn wo yisi rɔ wo nya na le fanan.

Kalesiya 5:13

N na-kelen-nyɔgɛnu, wo keleta hɔrɔyɛ le ma kɔnɔ wola hɔrɔyɛ kana ma masigima-koe la wo fɛrɛ-natanu ma-tinɛ. Min fisa, wo ni to wo nyɔgɔn dɛnbɛna keninteyɛ rɔ,

Kalesiya 5:22

Kɔnɔ Allata Ni-Sɛnimɛ si wo labila min na, wo le kɛnu na, keninteyɛ wo, sewɛ wo, yisi-kimɛ wo, munyɛ wo, dinyɛ wo, nyimayɛ wo, lanayɛ wo,

Kalesiya 5:6

ado ni ma lara Yisa Kirasiti la, ma kemininyanɛ anubɛ ma kemininyabɛlɛ, kelen de wonu na. Min kolo, wo le mala dɛnkɛninyɛ min si a ma, keninteyɛ ni to ma tɛma.

Ɛfɛsa 4:28

Ni min bara duru kankanyɛ la, wo ni kankanyɛ boloka ka a sɛbɛ don wɔlɛ ma. Wo si a ma, a ni ke a nyɛrɛ-beli-fannu sɔrɔnna ka bolo-kolɔnnu fanan dɛnbɛ.

Tɔn-Fɔɛ-Fila-Nyɔgɛ 24:13

Wura-wo-wura, a si ala duruki wo lasɛgi a tigi ma, a ni to a donna a kan na. Sɔgɔma, a ni a don a ta-nyɔgɛ wo bolo. Wo ko-sunu si ma Mari anubɛ bolo-kolɔn wo diyana-koe la.

Tɔn-Fɔɛ-Fila-Nyɔgɛ 32:27

Kɔnɔ a ma di Mari ye wo yogenu ni anu wasi wo la ko anu denu-denu ya wo nɔ bawo ale Mari nyɛrɛ-nyɛrɛ gbɛ le wo la.

Tɔn-Fɔɛ-Fila-Nyɔgɛ 8:17

Wo tenbi sewɛ wo rɔ, wo kana wo miri ko wo ye fan wonu sɔrɔnna wo nyɛrɛta fanka anubɛ wola kɛwunteyɛ le la.

1 Pita 4:8

Min tenbira wo bɛɛ la, wo ni wo nyɔgɔn keni bɛrɛkɛ, bawo keninteyɛ ye hakɛ siyaman yamatogonna.