Daniyɛli 3:29 - ALLALA KUMƐ

²⁹ Ale mansɛ ya a fɔ tun ko, “N bara ban a latɛgɛla bi, n ko ni mɔgɔ-wo-mɔgɔ ya mɔgɔ sawɛ kɛnuta Alla lafɛya, wo tigi si gbegbe ka ala bɔn ma sundu-kunyɛ la. Bɛsi-wo-bɛsi sa nyɔ min si ke mɔgɛ latankala iko kɛnutɛ.”

Daniyɛli 3:29 Iomraidhean Croise

2 Mansɛnu 10:27

Anu ya Beyali anubɛ a kɔ tinɛ wo nyɛrɛ tinya ka le. Anu ya kɔ tinɛ wo nyɛrɛ ma bo-kɛ-tinɛ la ha bi.

Ɛsira 6:11

Ni min ya n kan kɛ bɔ a gbɛ rɔ, wo si wo tigila bon-kɔn do sagan a rɔ ka a lasulen ka wo sɔrɔngbɔ ale mɔgɛ wo rɔ. Wo wa ka-a-la, wo si ala bɔn wo ma sundu-kunyɛ la.

Yaburi 3:8

Ile Mari kelen pe le si ke ila mɔgɛnu kisila gbalo ma. Alamɛ ita mɔgɛnu ya ila duwɛ sɔrɔn.

Yaburi 76:10

Hali mɔgɛnuna diminyɛ, a laban si ma ile Mari ye gbiliyɛ la. Minnu kunyɛ ma to kɛlɛ rɔ, wonu si anu taya ka ladiyɛ bɛɛ kɛ i gbiliya-koe rɔ a kilɛ fɛ.

Daniyɛli 1:19

Mansɛ kumara anu dama la. Kɔnɔ Daniyɛli wo, Hananaya wo, Misiyɛli wo, anubɛ Asaraya, wonu kuma-nya ya a diya don mansɛ rɔ ka tenbi doi wonu na. Mɔgɔ nanɛ wonu kofura mansɛla mɔgɔ-banu ma.

Daniyɛli 1:7

Anu karan-mɔgɛ ya tɔgɔ-kura sa anu kuma. A ya Daniyɛli tɔgɔ yɛlɛma Bɛlitisasa. A ya Hananaya tɔgɔ yɛlɛma Sadiraki. A ya Misiyɛli tɔgɔ yɛlɛma Mɛsaki. A ya Asaraya tɔgɔ yɛlɛma Abɛdinigɔ.

Daniyɛli 2:17

Koe min bɛɛ tenbira, Daniyɛli tara bɔn la ka wonu takaran a diyana-mɔgɛnu ye, Hananaya wo, Misiyɛli wo, anubɛ Asaraya.

Daniyɛli 2:47

Mansɛ wo ya a fɔ Daniyɛli ye ko, “Tonyɛ, i wara kɛ bɛɛ rakaran n ye min kɛ, wo ara a yira n na ko ileta Alla tenbira mata bɛsɛnu na, ado mansɛ-bɛɛta-Mari le ale la. Ale le ye ko-dogonnɛ bɛɛsi labɔla gbɛ ma.”

Daniyɛli 2:49

Sadiraki wo, Mɛsaki wo, anubɛ Abɛdinigɔ, Daniyɛli ya wonu masigima-kuma fɔ mansɛ ye alako ka wonu ma sigisɔn-mansɛnu na Babilɔn nyamanɛ rɔ. Ale Mansa Nɛbukanasa sɔnta wo ma kɔnɔ a ya Daniyɛli to ata bolɔn la.

Daniyɛli 2:5

Mansɛ ya a fɔ anu ye ko, “N bara ban a latɛgɛla, n ko, fɔ wo wa kiyo wo fɔ n ye. Wo kɔma, wo ni a kɔrɛ rakaran. Ni wo ma ke wo mala, n si wo gbegbe ka wola bɔnnu ma sundu-kunyɛ la.

Daniyɛli 3:12

Kɔnɔ Yahudiya donu bi nyɔ, mansɛ nyɛrɛ ara minnu ma kun-tigi la ala nyamanɛ kɛ rɔ, Sadiraki wo, Mɛsaki wo, anubɛ Abɛdinigɔ, kɔni, wonu ma ma tigita kumɛ to a gbɛ rɔ. Anu ti sɔn anu madu-koe ma mansɛla bɛsɛ kɔrɔ i wara min nadan anubɛ a bɛsi-toenu.”

Daniyɛli 3:15

Kɔnɔ ni wo ya tolon-kan lamɔɛn gbɛ ka wo madu nna bɛsɛ kɔrɔ, wo kin. Kɔnɔ ni wo ma sɔn wo madu-koe ma, anu si wo lafili sulubondon tɛ rɔ tiriya! Wola bɛsɛ nyamintan si ke wo kunyɛ bɔla wo rɔ nde bolo?”

Daniyɛli 3:17

Ni ile, ma tigi, ya ma lafili sulubondon tɛ rɔ, male ye Alla min batola, wo si ke ma latankala ma tigita sɛnbɛ ma hali sulubondon tɛ wo.

Daniyɛli 3:28

Ale mansɛ ya a fɔ ko, “N si mɔgɔ sawɛ kɛnuta Alla tanto bawo ale le ya ata melika lana alako ka anu natanka tɛ kɛ ma. Anu lara anuta Alla la feu! Yanni anu ni anu madu nta bɛsɛ kɛ kɔrɔ, anu ya nna tɔn tinya hali ka anu niyi fili bawo a ma di anu ye, anu ni bɛsi-wo-bɛsi matɔgɔ anuta Alla kɔma.”

Daniyɛli 6:28

Daniyɛli wara-koe sabatira Mansa Dariyasi anubɛ Pasiya kɛ Mansa Sairasita wati rɔ.

Tɔn-Fɔɛ-Fila-Nyɔgɛ 32:31

Wo yogenu ya a lɔn ko fanka sa anuta bɛsɛnu na. Anuta farɛnu mani ma iko wota Fara-Kole Mari ye nya min.