Daniyɛli 3:28 - ALLALA KUMƐ

²⁸ Ale mansɛ ya a fɔ ko, “N si mɔgɔ sawɛ kɛnuta Alla tanto bawo ale le ya ata melika lana alako ka anu natanka tɛ kɛ ma. Anu lara anuta Alla la feu! Yanni anu ni anu madu nta bɛsɛ kɛ kɔrɔ, anu ya nna tɔn tinya hali ka anu niyi fili bawo a ma di anu ye, anu ni bɛsi-wo-bɛsi matɔgɔ anuta Alla kɔma.”

Daniyɛli 3:28 Iomraidhean Croise

Ko-Dabirɛnu 9:26

“Ma ni baraka bira Sɛmata Mari Alla ye. Alamɛ Kenan bɔnsɔn mara yɔɔnnu na Sɛma bɔnsɔn kɔrɔ.”

1 Ko-Kɔrɔta-Karan 5:20

Anu ya anu yigi sa Alla rɔ ka a matara anu dɛnbɛn-koe la. Alla ya anuna matarali-kan wo lamɔɛn ka nɔlɛ di anu ma Hagaranu anubɛ wonu madɛnbɛnɛnu kuma.

2 Ko-Kɔrɔta-Karan 20:20

Wo banda kɛ subaga, mɔgɛ bɛɛ ya a lawuli ka ta wula-da-rakolɔn wo ma min bi Tekoya soe wara la. Yanni anu ni wuli, Mansa Yɛhosafati ya a fɔ anu ye ko, “Wole Yuda nyamanita-mɔgɛnu anubɛ Yerusalɛm so-burɔ-mɔgɛnu, wo bɛɛsi ni lanayɛ sa wota Mari Alla rɔ. Wo wa ke, wo ni wo sɔ gben! Wo ni la Marita kumɛ la ala nɛbinu ya min fɔ wo ye. Wo si a ma, wo ni nɔlɛ sɔrɔn anu kuma.”

2 Ko-Kɔrɔta-Karan 32:21

Mari le ya melika do sɔ min ya Asiriya kɛlɛ-den-kunyɛnu anubɛ kɛlɛ-dannu faga. Wo le ya a ma, Asiriya mansɛ wo yarabinɛ sɛgira ala nyamanɛ rɔ. Min tenbira wo la, lunyɛ do, Mansa Sɛnakaribu ye ala bɛsi-kɔ-tinɛ tumɛ min, ala den-kei donu ya a faga faan la.

Ɛsira 1:3

Wole Allata mɔgɛnu, alamɛ Alla tora wo fɛ. Wo ta Yerusalɛm ka Mari Bato-Bɔn sɔ a kurɛ la Isirɛlata Alla ye nyɔ, anu bi Alla min batola Yerusalɛm soe burɔ, kɔni.

Ɛsira 6:11

Ni min ya n kan kɛ bɔ a gbɛ rɔ, wo si wo tigila bon-kɔn do sagan a rɔ ka a lasulen ka wo sɔrɔngbɔ ale mɔgɛ wo rɔ. Wo wa ka-a-la, wo si ala bɔn wo ma sundu-kunyɛ la.

Yaburi 103:20

Wole melika-makawanɛnu, wo ni Mari tanto! Wo ye ala tɔnnu birala. A ye kumɛ min fɔla, wo ye wo tole masɔla wonu na.

Yaburi 147:11

Kɔnɔ a kolan si bɔ a gbiliyalɛnu denu na. Minnu yigi bɛnnɛ ala hinɛ ma, a makoe ye wonu denu na.

Yaburi 33:18

Mari kolan bɛnnɛ a gbiliyalɛnu ma. Minnu bara la Mari la ka anu yigi sa ata keninteya-dannatɛgɛbɛlɛ rɔ, a kolan bɛnnɛ wonu fanan ma.

Yaburi 33:21

Ma sewanɛ ala wɔli-nyimɛla ko la. Ma lanɛ a la bawo a sɛnima.

Yaburi 34:22

Mari si ata mɔgɛnu kisi. Minnu bi tala a wara alako Mari ni anu natanka, Mari ti wo tigi tɔrɔ.

Yaburi 62:8

Nta mɔgɛnu, wo ni la Alla la tumɛ bɛɛ. Wo ni wola tɔrɔyɛ bɛɛ sa ale kɔrɔ bawo wola kan-tina-latankanɛ le ale la.

Bɔ-Koe-Iyipiti 20:5

wo si wo nyɛnkin min kɔrɔ ka a kɔ. Nde le wota Mari Alla la min sa nyinina a senɛ ma. Ni nde, Mari sɔgɔ labɔra mɔgɛ minnu na ka bɛsɛ kɔ, n si wonu tɔrɔ, hali anuna dannu anubɛ anuna mamanɛnu ha ka ta a sigi anu tolo-birɛnu na.

Aiseya 12:2

Nna kisilɛ le Alla la. N si la a la, ado n ti kilan tun. Mari ye fanka anubɛ sɛnbɛ dila n ma. Nna kisilɛ le ale la.

Aiseya 37:36

Marita melika yigira Asiriyanuna dagɛ rɔ. A ya mɔgɔ waga kɛmɛ kelen mɔgɔ waga bi-segin ani mɔgɔ waga loli faga Asiriyanu tɔ (185,000). Bandɛ kanɛ, wonu furi taranta nyɔ.

Aiseya 50:10

Mɔgɔ-wo-mɔgɔ wa Mari gbiliya ka ala wɔli-kɛlɛla kumɛ bira, hali a tagama-kilɛ lapinpinɛ, a ni la Mari la. A dunnɛ ni to ata Alla ma.

Daniyɛli 2:47

Mansɛ wo ya a fɔ Daniyɛli ye ko, “Tonyɛ, i wara kɛ bɛɛ rakaran n ye min kɛ, wo ara a yira n na ko ileta Alla tenbira mata bɛsɛnu na, ado mansɛ-bɛɛta-Mari le ale la. Ale le ye ko-dogonnɛ bɛɛsi labɔla gbɛ ma.”

Daniyɛli 3:25

Ale mansɛ ko, “Nfenna worɔ, n bi mɔgɔ nani yenna tagamana tɛ wo rɔ? Wo ni wo yɛ lata. Anu kirini ma tun, ado n ma la a la ni anu tanbannɛ le. Anu nani nyɔgɛ wo mani de iko Allata melika.”

Daniyɛli 4:34

“San wɔrɔnfila tenbinɛ, n ya n yɛ layɛlɛ san ma, n hɛnkili sɛgira a gbɛ rɔ. Alla Min Bi Fan Bɛɛ Kun Na, n ya gbiliyɛ di wo ma ka a tanto. N ko, ‘Allata mansayɛ ti ban. A si to mansayɛ la burubukai!

Daniyɛli 6:16

Wo le ya a ma, mansɛ ya a fɔ ko Daniyɛli la ni kɛ yarɛnu kɔrɔ. Nba, anu nara Daniyɛli la ka a lafili yarɛnu kɔrɔ. Mansɛ duwara ale Daniyɛli ye ko, “Ile ye Alla min batola tuma-wo-tuma, alamɛ wo ya i kisi.”

Daniyɛli 6:26

Min sanɛ wo kuma, n bara ban a latɛgɛla nun nyamanɛ kɛ rɔ, n ko, mɔgɛ bɛɛsi ni kilan Daniyɛlita Alla la ka a gbiliya. Alla-nimɛ le ale la, Aado ale le ye ma lamarala burubukai! Ala mansayɛ ti tinya mumɛ, ado ala fanka dan sa.

Matiyu 4:10

Yisa ya a yabi ko, “Setanɛ, bɔ n fɛ! A sɛbɛnɛ Allatalata kitabu rɔ ko, ‘I ni ita Mari Alla kelen pe le bato ka ata wɔlɛ kɛ!’ ”

Kɛwɔlɛnu 4:19

Pita anubɛ Yɔni ya anu yabi ko, “Ka wota kumɛ bira wo, ka Allatɛ bira wo, nyamintan telennɛ Alla yala? Wo nyɛrɛ ni wo kiti tɛgɛ

Kɛwɔlɛnu 5:19

Kɔnɔ suyi wo rɔ, Marita melika ya yele wo dɛ laka ka kilayɛnu nabɔ. A ya a fɔ anu ye ko,

Romu 12:1

Nba, n na-kelen-nyɔgɛnu, ka a tɛgɛ Allata kinikini-belebele-wɛla ko ma male ye, n bi wo madiyala ko wo ni wo nyɛrɛ ma saraka-nimɛ la Alla ye. Wo sɛninyanɛ ni taran Alla yala ka a kɔntɔ-diya-koenu kɛ. A bato-nya-bɛrɛ le wo la wo si min ma.

1 Kɔrɛnti 13:3

Ni n ya n bolo-fan bɛɛ ni, ni n ya n bagbuyi ni alako n ni n nyɛrɛ matɔgɔ, ni keninteya sa n yisi rɔ, wo ti ko-wo-ko nyinya n ma.

Filipai 1:20

A sɔgɛ ye n na, ado n yili latɛgɛnɛ ko n ti bandan nna wɔlɛ kɛ la mumɛ! N bi a fɛ, n ni fa yisi-latɛgɛ la wati bɛɛ, katarala kaka ma. Woletɔ n tenbi n niyi la wo, n faganɛ wo, fɔ n ni Kirasiti gbiliya tumɛ bɛɛ.

Hiburunu 1:14

Niyi le melikanu na dɔrɔn. Anu bi wɔlila Alla le ye. A ya anu sɔ alako minnu bi nala kisila, anu ni to wonu dɛnbɛna.

Hiburunu 11:37

Anu ya donu mabon kuri la ha anu fagara. Anu ya donu kundu bɔ sɛrɛ la. Anu ya donu faga faan la. Donuna bolo-kolonyɛ ya a ma, anu bi saga-gbolenu anubɛ baa-gbolenu denu donna ka anu bɛnsɛnkɔninya. Mɔgɛnu ya anu bira boloko-yogomɛ-kɛ.

1 Pita 1:21

Wo dɛnkɛninyanɛ Alla ma ale le baraka rɔ. Alla min ya a lawuli ka a bɔ furinu tɛma, wo le ya gbiliyɛ di ale ma. Woletɔ wola dɛnkɛninyɛ anubɛ wo yigi sanɛ ale Alla kuma.

Lankɛnimayɛ 12:11

Ma na-kelen-nyɔgɛnu ya Setanɛ nɔ saga-dan-yele anubɛ anuta sereyɛ fɛ. Anu sɔnta ko anu ni anu niyi fili ka faga.