Daniyɛli 3:27 - ALLALA KUMƐ

²⁷ Mɔgɛ bɛɛ ya mɔgɔ sawɛ kɛnu mafɛlɛn, a pati-mansa wo, a sigisɔn-mansa wo, a so-tigi wo, a makawandila wo. Wonu damasi ya mɔgɔ sawɛ kɛnu mafɛlɛn bawo tɛ ma ko-wo-ko ma anu na. Hali anu fɛrɛma-siyinu, tɛ ma ko ma wonu denu gbuyɛ la. Anuna kurɛnu ma mintan mumɛ, ado hali ta-sisi-sumɛ ma sigi anu ma.

Daniyɛli 3:27 Iomraidhean Croise

1 Mansɛnu 13:28

A tara ka Allata mɔgɛ furi sanɛ yen kilɛ la, yarɛ wonubɛ sofɛlɛ sɔnɛ a dafɛ. Kɔnɔ yarɛ ma furi wo soge fenfen dɔn hali ka ko ma sofɛlɛ wo la.

2 Mansɛnu 19:19

I yandi, mata Mari Alla, ma tanka Asiriyanu masibɛ ma alako duninya bɛɛ ni a lɔn ko ile Mari kelen pe le Alla la.”

Yaburi 83:18

Alamɛ anu ya a lɔn ko ile le kelen pe le Mari la. Ile le ye duninya fan bɛɛ kun na.

Aiseya 26:11

Mari, i yogenu ma a lɔn mumɛ, ko i si anu tɔrɔ dɛɛ! Anu namiliya le serr, anu ni tɔrɔ. I ya tɔrɔ-dagɛ min namara anu ye, i ni wo rawuya anu kunyɛ ma. Ita mɔgɛnu di i ye nya min, i ni wo yira anu na.

Aiseya 43:2

A ko ma tenbi dumɛ tɛma, a ye ma fɛ nyɔ rɔ. Ma kunyɛ ti to tɔrɔyɛ wo rɔ. Hali ma tenbi tɛ tɛma, a ko ma ti mintan. Ma kunyɛ ti to gbɛlɛyɛ wo rɔ.

Daniyɛli 3:21

Wonu ya anu kiri gben! Anu ma anuna durukinu bɔ anu kan na anubɛ anuna kurusinu, hali anuna fulɛnu. Anu ya anubɛ wonu nafili sulubondon tɛ rɔ.

Daniyɛli 6:23

Mansɛ sewara dɔgɔma-ma-de! Ale mansɛ ya a fɔ ala wɔli-kɛlɛnu ye ko anu ni Daniyɛli layɛlɛ ka a bɔ denkɛ rɔ yarɛnu kɔrɔ. Anu ya a layɛlɛ tumɛ min, hali a mawɔrɔ gbɛ, anu ma a yen a ma bawo ale lara Alla la.

Daniyɛli 6:7

Male pati-mansɛ minnu bi i dɛnbɛna ila nyamanɛ marala, anubɛ a sigisɔn-mansɛ wo, a so-tigi wo, anubɛ a kemini-tigi wo, male damasi ara sɔn ko i ni tɔn kelen sa ila nyamanɛ kɛ rɔ ka tɔn wo mabalan. Kɔnɔ a sɔgɛ ye ma la, tele bi-sawa kɔrɔ, mɔgɔ-wo-mɔgɔ kana fenfen madiya ile kɔma. Ni min ya ila tɔn wo tinya, i si wo tigi lakɛ ila yarɛnu kɔrɔ denkɛ rɔ.

Matiyu 10:30

Nba, wole don, hali wo kun-sigi, Alla ya wo bɛɛ yatɛ lɔn.

Kɛwɔlɛnu 26:26

ado ale Mansa Agaripa ya koe kɛnu lɔn serr! Woletɔ n si ke kumala i ye yisi-latɛgɛ rɔ. N lanɛ a la ko i wara koe kɛnu lɔn bɛrɛkɛ, bawo koe kɛnu ma kɛ dogɔn tɔ.”

Kɛwɔlɛnu 27:34

Woletɔ n bi wo madiyala, wo yandi, wo ni fen dɔn. Wo makoe ye wo la wo niyila ko la. Ni wo ya fen dɔn, wo fenfen ti to-a-rɔ.”

Hiburunu 11:34

Anuna dɛnkɛninyɛ le ya a ma, ta-belebelenu nadufenta, anu natankara faga-koe ma faan la. Anu sɛnbɛ sa nun kɔnɔ anu mara kɛlɛ-kurugbɛnu na. Anu ya sɛnbɛ sɔrɔn kɛlɛ rɔ hali ka nyamanɛ gbɛrɛkɛnuna kɛlɛ-dannu nɔ.