Daniyɛli 3:26 - ALLALA KUMƐ

²⁶ Ale mansɛ wo nyɛrɛ-nyɛrɛ tara sulubondɔn wo don-dɛ la. A ya a kuli mayɛlɛ ka kemini-mɔgɔ sawɛ wonu takele. A ko, “Sadiraki! Mɛsaki! Abɛdinigɔ! Alla Min Bi Fan Bɛɛ Kun Na, wole, a batolɛnu, wo bɔ tɛ rɔ. Wo ni na yan.” Mɔgɔ sawɛ wonu bɔra tɛ rɔ.

Daniyɛli 3:26 Iomraidhean Croise

Ko-Dabirɛnu 14:18

Selam so-tigi Mɛlikisidaki nara biredi anubɛ nɔnbɔ-gbɔ-yi la Burama ye. Alla Min Bi Fan Bɛɛ Kun Na, wola saraka-masɔlɛ do le Mɛlikisidaki kɛ la.

1 Mansɛnu 8:51

bawo ita mɔgɛ le kɛnu na i nara minnu na ka bɔ Iyipiti, anuta sulubondɔn, kɔni.

Ɛsira 5:11

“Anu ya a fɔ ma ye ko Alla min bi san-kole anubɛ dugu-kole kuma ko wota wɔli-kɛlɛ le anu denu na. Anu ko anu benbanu ya San-Kole-Alla ladiminya min kɛ, wo le ya a ma, Alla ya anu kunyɛ don Babilɔn Mansa Nɛbukanasa bolo, Kaladiya kɛ, kɔni. Anu ko Nɛbukanasa le ya anuta Bato-Bɔn tinya, anuta mansa-makawanɛ do ya min sɔ kɔrɔma la nun. Wo kɔma, a tara anu denu na Babilɔn nyamanɛ rɔ. Anu ko anu bi San-Kole-Alla wo leta Bato-Bɔn sɔla tun.

Yaburi 66:12

I ya a ma, ma yogenu ya ma ratɛntɛn anu kian la. Ma tɔrɔta nun iko mɔgɛ min bi tɔrɔya-dagɛ rɔ. Kɔnɔ kaka gbɛ, i wara na ma la ma lafɛrɛ tinɛ.

Aiseya 28:16

Kɔnɔ Mari ye min fɔla wo ye, wo ni wo tole masɔ wo la. A ko a ye nala bɔn min sɔla ata kɔnkɔ-sɛnimɛ kuma, a si bɔn wo kurukɛ fanka rɔ. A ko a ye kuru fɔlɔtɛ min sigila, a kuru-toe bɛɛ ye sigila sɛbɛna-kuru-tɔnɔnamɛ wo le kuma, ado min bɛɛ lanɛ kuru fɔlɔtɛ kɛ la, a ko wonu yigi ti tɛgɛ muk!

Aiseya 52:12

Wo wa bɔ kɛ rɔ, hali wo ma bɔ tiriya! Hali wo ma buri kɛ rɔ. Wota Mari Alla si sɔ wo yarɔ ka wo kumafunfan kan bɛɛ rɔ.

Yɛrɛmaya 11:4

A ko a ye kumala sarama-kan wara-koe la ale Mari anubɛ ma benbanu ya min kiri. Anu bɔɛ Iyipiti, anubɛ Alla nara to sarama-kan kirila anu nyɔgɔn tɛma. A ko Iyipiti manɛ wo ye iko sulubondɔn. A ya a fɔ Isirɛla mɔgɛnu ye ko ni anu ya a kan to a gbɛ rɔ, ale si ma anuta Alla la, anu denu fanan si ma ata mɔgɛnu na.

Daniyɛli 2:47

Mansɛ wo ya a fɔ Daniyɛli ye ko, “Tonyɛ, i wara kɛ bɛɛ rakaran n ye min kɛ, wo ara a yira n na ko ileta Alla tenbira mata bɛsɛnu na, ado mansɛ-bɛɛta-Mari le ale la. Ale le ye ko-dogonnɛ bɛɛsi labɔla gbɛ ma.”

Daniyɛli 3:17

Ni ile, ma tigi, ya ma lafili sulubondon tɛ rɔ, male ye Alla min batola, wo si ke ma latankala ma tigita sɛnbɛ ma hali sulubondon tɛ wo.

Daniyɛli 4:2

Alla Min Bi Fan Bɛɛ Kun Na, wo ara kabana-ko-siyaman yira n na. Wo ni wo tole masɔ. A di n ye, n ni wonu takaran wo ye.

Daniyɛli 6:20

A ke denka don-dɛ la nyɔ, a ya a kuli mayɛlɛ. A yisi-gbalanɛ ya Daniyɛli rakele. A ko, “Allata wɔli-kɛlɛ Daniyɛli, i ye Alla-nimɛ min batola tuma-wo-tuma, wo ara i lakisi, wa?”

Daniyɛli 6:21

Daniyɛli ya a labira. A ko, “N tigi, alamɛ i ya simayɛ sɔrɔn. Alamɛ i kɛndɛyara.

Daniyɛli 7:25

Alla Min Bi Fan Bɛɛ Kun Na, mansɛ wo si wo rasɛ ka ala mɔgɔ-sɛnimɛnu nyankankantan. A si anuta ladɛn-sɛnimɛnu tinya anubɛ anuta tɔnnu, ado Allata mɔgɛnu si taran ata sɛnbɛ kɔrɔ san sawa anubɛ a tala.

Kɛwɔlɛnu 16:17

Wo bilara mabɛ Pɔli fɛ. A ye gbele-gbelenna ko, “Alla Min Bi Fan Bɛɛ Kun Na, wola wɔli-kɛlɛ le kɛnu na. Wo si kisi nya min, anu bi wo le fɔla wo ye!”

Kɛwɔlɛnu 16:37

Kɔnɔ Pɔli ya a fɔ polisi-kun-tiginu ye ko, “Anu ya male, Romu kɛnu, gbesi gbɛ rɔ ka ma ladon yele la hali ma yilikini ma! Nba kaka, anu bi a fɛ ka ma boloka dogɔn rɔ, wa? Wo ti ma dɛɛ! Fɔ Romu kun-tiginu nyɛrɛ ni na yan ka ma labɔ.”

Kɛwɔlɛnu 27:23

N bi Alla min bolo, n bi wo le batola. Wola melika nara n bara su-tenbinɛ.

Kalesiya 1:10

N sa n tayala ka mɔgɛ hɛnɛ koe kɛnu tɔ! N bi a fɛ ka Alla kelen pe le hɛnɛ. Wo miri ko n bi n tayala ka diya mɔgɛnu ye, wa? Ni n bi n tayala ka diya mɔgɛnu ye, n ti ma Kirasitila wɔli-kɛlɛ la nun mumɛ!

Tɔn-Fɔɛ-Fila-Nyɔgɛ 4:20

Wo mɔgɛ le wole la Mari ya minnu nabɔ tɔrɔya-fafanɛ rɔ Iyipiti nyamanɛ rɔ min manɛ iko wɔnkɔrɔ-tɛ. A ya wo labɔ nyɔ alako wo ni ma aletɛ la. Wo ye wo nya na le ha bi.

Yasowa 3:17

Saraka-masɔlɛnu tara tun tɔn-kenkirɛ la anu bolo ka sɔ Yorodan tɛma ha mɔgɛ bɛɛ tenbira dugu-gbalanɛ kuma.

Yasowa 4:10

Saraka-masɔlɛ minnu bi tala tɔn-kenkirɛ la, wonu sɔnɛ tora Yorodan tɛma ha koe bɛɛ kanbalita iko Mari ya a fɔ Yasowa ye nya min anubɛ iko Musa fanan ya a fɔ nya min. Mɔgɛnu ya anu nakaliya bɛ tɛgɛla ka ta bɛ tɔnkɔn kelan rɔ.

Lankɛnimayɛ 19:5

Wo kɔma, kuman-kan bɔra mansaya-sigi-fan wo rɔ. A ko, “Mata Allata wɔli-kɛlɛ bɛɛ ni a tanto anubɛ mɔgɛ bɛɛ minnu kilannɛ a la, a dɔgɔma wo, a kinama wo!”