Daniyɛli 3:25 - ALLALA KUMƐ

²⁵ Ale mansɛ ko, “Nfenna worɔ, n bi mɔgɔ nani yenna tagamana tɛ wo rɔ? Wo ni wo yɛ lata. Anu kirini ma tun, ado n ma la a la ni anu tanbannɛ le. Anu nani nyɔgɛ wo mani de iko Allata melika.”

Daniyɛli 3:25 Iomraidhean Croise

Yobu 1:6

Lunyɛ do, melikanu tara anu sɔ Alla yakɔrɔ a kɔndɔn tinɛ, mɔgɛnu fɛɛ-donnɛ fanan ye anu tɛma nun, Setanɛ, kɔni.

Yobu 38:7

wo tumɛ lolenu ya sigi sa anu nyɔgɔn fɛ? Melikanu fanan ya a lawɔyɔ sewɛ bolo.

Yobu 5:19

Mɔgɔ wa gbalo sɔrɔn tumɛ min, Alla si to a kunyɛ bɔla wo rɔ.

Yaburi 34:7

Minnu bi Mari gbiliyala, ata melika si wonu kandan. A si anu tanka masibɛ ma.

Hɛnkilimaya-Kumɛnu 30:4

Kɔnɔ mɔgɔ yon bara yɛlɛ Arinyɛni tɔ ka sɛgi tun? Mɔgɛ yon bara ke a bole lagburula fɔnyɔ ma? Mɔgɛ yon bara ke kɔgɔ-yi-mumɛ bɛɛsi kɛla ala duruki rɔ ka ala duruki lagburu a ma? Mɔgɛ yon bara dugu-kole dan sa? Mɔgɛ kɛ anubɛ ala dan tɔgɛ ye kama? Ni min ya wonu tɔgɔ lɔn, i ni anu tɔgɔ ratɛgɛ n ye.

Aiseya 43:2

A ko ma tenbi dumɛ tɛma, a ye ma fɛ nyɔ rɔ. Ma kunyɛ ti to tɔrɔyɛ wo rɔ. Hali ma tenbi tɛ tɛma, a ko ma ti mintan. Ma kunyɛ ti to gbɛlɛyɛ wo rɔ.

Yɛrɛmaya 1:19

Anu si i kɛlɛ kɔnɔ anu ti i nɔ bawo n bi i fɛ. Nde le si i lakanan.”

Yɛrɛmaya 1:8

A ko n kana kilan mɔgɔ-wo-mɔgɔ la bawo a ye n fɛ. A si n nakanan. Ale Mari kan le.

Yɛrɛmaya 15:21

A ko a si n nakanan wola karagbɛlɛyɛ-masibɛ ma. A si n tanka wola wunduyogoyɛ ma. Ale Mari kan le kɛ la.

Daniyɛli 3:18

Min tenbira wo la, hali a ma ma latanka wo ma, ma ye a rɔ le mansɛ ni a lɔn ko male ti ila bɛsɛ kɛ matɔgɔ ka ma madu ila bɛsi-toenu kɔrɔ.”

Daniyɛli 3:24

Tiriyante wo rɔ, Mansa Nɛbukanasa ya a lasɔ bawo a ara kabana-koe min tayen tɛ wo rɔ. A ya ala makawandilɛnu manyinika. A ko, “Ma ma mɔgɔ sawa le lakɛ tɛ kɛ rɔ nun, wa?” Wonu ko, “Ma tigi, mɔgɔ sawa le, yɔ!”

Daniyɛli 3:28

Ale mansɛ ya a fɔ ko, “N si mɔgɔ sawɛ kɛnuta Alla tanto bawo ale le ya ata melika lana alako ka anu natanka tɛ kɛ ma. Anu lara anuta Alla la feu! Yanni anu ni anu madu nta bɛsɛ kɛ kɔrɔ, anu ya nna tɔn tinya hali ka anu niyi fili bawo a ma di anu ye, anu ni bɛsi-wo-bɛsi matɔgɔ anuta Alla kɔma.”

Daniyɛli 6:23

Mansɛ sewara dɔgɔma-ma-de! Ale mansɛ ya a fɔ ala wɔli-kɛlɛnu ye ko anu ni Daniyɛli layɛlɛ ka a bɔ denkɛ rɔ yarɛnu kɔrɔ. Anu ya a layɛlɛ tumɛ min, hali a mawɔrɔ gbɛ, anu ma a yen a ma bawo ale lara Alla la.

Maraka 16:18

Anu ba duguma-fan bira, wo ti anu madumɛ. Ni anu ya faga-fan min, a ti ko ma anu na. Anu ba anu bole sa kirayatoenu kuma, wonu si kɛndɛya.”

Luka 1:35

Melika ya a yabi ko, “Allata Ni-Sɛnimɛ si yigi i kuma. Allatalata sɛnbɛ si na i kuma iko ninɛ. Ka a tɛgɛ wo ma, anu si den-sɛnimɛ wo kele ko Allatalata den-kei.

Kɛwɔlɛnu 28:5

Kɔnɔ Pɔli ya a bole lalɛsi, fɔnfɔnɛ buira tɛ rɔ. A ma a madumɛ hali!

Romu 1:4

Ata Allayɛ kilɛ fɛ, Allatalata dan le ma Mari Yisa, Allata-Mɔgɔ-Yabɔnɛ la. Alla ya Yisa lawuli ka bɔ furinu tɛma tumɛ min, ata Niyi le ya a sɛnbɛ yira nyɔ le ko Allata dan le ale la.

1 Pita 3:13

Ni wo ye gbaranna wo nyɛrɛ la ko-nyima-kɛ-koe la, yon si wo tɔrɔ worɔ?