Daniyɛli 3:15 - ALLALA KUMƐ

¹⁵ Kɔnɔ ni wo ya tolon-kan lamɔɛn gbɛ ka wo madu nna bɛsɛ kɔrɔ, wo kin. Kɔnɔ ni wo ma sɔn wo madu-koe ma, anu si wo lafili sulubondon tɛ rɔ tiriya! Wola bɛsɛ nyamintan si ke wo kunyɛ bɔla wo rɔ nde bolo?”

Daniyɛli 3:15 Iomraidhean Croise

2 Mansɛnu 18:35

A ko fanan, bɛsɛ kɛ do-wo-do ma ke ala nyamanɛ kunkala a ma. Nfenna wole mirinɛ ko Mari si Yerusalɛm soe kɛ kunka a bolo?”

Bɔ-Koe-Iyipiti 32:32

kɔnɔ ni i sɔnta ka anu hakɛ makoto, wo kin. Ni i ti sɔn, i yandi, i ni nde fanan tɔgɛ firan ila buku ma.”

Bɔ-Koe-Iyipiti 5:2

Mansɛ wo ko, “Mari kɛ ye yon na, n bi min kuman-kan birala ka Isirɛla mɔgɛnu boloka? N ma Mari wo lɔn hali! N ti Isirɛla mɔgɛnu boloka muk!”

Aiseya 37:23

A ko ale Sɛnakaribu mirinɛ ko a ye yon nafɛyala? A sa Isirɛlata Mari Alla-sɛnimɛ gbiliyala,

Daniyɛli 2:47

Mansɛ wo ya a fɔ Daniyɛli ye ko, “Tonyɛ, i wara kɛ bɛɛ rakaran n ye min kɛ, wo ara a yira n na ko ileta Alla tenbira mata bɛsɛnu na, ado mansɛ-bɛɛta-Mari le ale la. Ale le ye ko-dogonnɛ bɛɛsi labɔla gbɛ ma.”

Daniyɛli 3:17

Ni ile, ma tigi, ya ma lafili sulubondon tɛ rɔ, male ye Alla min batola, wo si ke ma latankala ma tigita sɛnbɛ ma hali sulubondon tɛ wo.

Daniyɛli 6:16

Wo le ya a ma, mansɛ ya a fɔ ko Daniyɛli la ni kɛ yarɛnu kɔrɔ. Nba, anu nara Daniyɛli la ka a lafili yarɛnu kɔrɔ. Mansɛ duwara ale Daniyɛli ye ko, “Ile ye Alla min batola tuma-wo-tuma, alamɛ wo ya i kisi.”

Daniyɛli 6:20

A ke denka don-dɛ la nyɔ, a ya a kuli mayɛlɛ. A yisi-gbalanɛ ya Daniyɛli rakele. A ko, “Allata wɔli-kɛlɛ Daniyɛli, i ye Alla-nimɛ min batola tuma-wo-tuma, wo ara i lakisi, wa?”

Matiyu 10:19

Anu ba ta wo la nyɔ, wo si min fɔ anubɛ wo si a fɔ nya min, wo kana hami wola ko la. A wati wa ke, wo ye nala min fɔla, wo si wo sɔrɔn

Matiyu 27:43

A lara Allatala la. A ko Allala dan le ale la. Nba, ma ni a mafɛlɛn, ni a sɔgɛ ye Alla la ka a lakisi!”

Maraka 13:11

Anu ba wo bira ka ta wo la kiti-bɔn la, wo si min fɔ anubɛ wo si a fɔ nya min, wo kana haminya wola ko la. A wati wa ke, wo ye nala min fɔla, wo si wo sɔrɔn bawo wo ye min fɔla, wota kuma ma wonu na. Kumɛ wonu bi bɔla Allata Ni-Sɛnimɛ le bolo min bi kumala wo rɔ.

Luka 12:11

“Anu ba ta wo la Yahudiya-dina-bɔnnu na tumɛ min ka wo niyi ragbɛrɛn, ni wo ma, kun-tiginu yakɔrɔ, ni wo fanan ma, mansɛ yakɔrɔ, wo si wo nyɛrɛ fɛka nya min wo, wo si min fɔ wo, wo kana hɔn wonu na.

Luka 13:9

Ni tore kɛ gbɔra yari, wo kin, ni wo ma, nba, i si a fɔ n ye ko n ni a kuri tɛgɛ.’ ”

Kɛwɔlɛnu 4:19

Pita anubɛ Yɔni ya anu yabi ko, “Ka wota kumɛ bira wo, ka Allatɛ bira wo, nyamintan telennɛ Alla yala? Wo nyɛrɛ ni wo kiti tɛgɛ

Kɛwɔlɛnu 5:29

Pita anubɛ Marita kilayɛnu ya a yabi ko, “A fɛrɛ sa fɔ ma ni Allala kumɛ bira ka mɔgɛnutɛ to nyɔ.

Kɛwɔlɛnu 6:15

Mɔgɛ min bɛɛ siginɛ kun-tiginuna ladɛn wo rɔ, wonu ya anu yɛ sɔ Sitifen la. Anu ya a yen a yakɔrɛ manɛ iko melika yakɔrɛ.