Daniyɛli 3:12 - ALLALA KUMƐ

¹² Kɔnɔ Yahudiya donu bi nyɔ, mansɛ nyɛrɛ ara minnu ma kun-tigi la ala nyamanɛ kɛ rɔ, Sadiraki wo, Mɛsaki wo, anubɛ Abɛdinigɔ, kɔni, wonu ma ma tigita kumɛ to a gbɛ rɔ. Anu ti sɔn anu madu-koe ma mansɛla bɛsɛ kɔrɔ i wara min nadan anubɛ a bɛsi-toenu.”

Daniyɛli 3:12 Iomraidhean Croise

Ɛsita 3:8

Wo kɔma, Heman ya a fɔ Mansa Sakasi ye ko, “Sibole donu basannɛ ila nyamanɛ kɛ la. Wonuta namunyɛ anubɛ mɔgɔ-wo-mɔgɔta ma kɛn. Min sanɛ wo kuma, ile nyɛrɛta tɔn siginɛnu, anu sa sɔnna wonu bira-koe ma. A ma bɛn, mɔgɔ-sufa wonu ni to anu niyi la ila nyamanɛ kɛ rɔ.

Hɛnkilimaya-Kumɛnu 27:4

Yisi-bɔɛ si ko-yogoma-siyaman ma ka fen-siyaman tinya kɔnɔ kei-keli tenbira wo la.

Makawandili Kumɛnu 4:4

N bara a lɔn gbɛ, mɔgɛ bɛɛ sɛbɛ donnɛ wɔlɛ ma minna ko la. Ni i ya mɔgɔ-sɛbɛ-donnɛ yen, a sɔgɛ le a la, a ni tenbi a sigi-nyɔgɛ la. Hali wo, wo fanan tagbɛlɛ. Wo mani de fanan iko mɔgɔ tenbi fɔnyɔ birala.

Daniyɛli 1:7

Anu karan-mɔgɛ ya tɔgɔ-kura sa anu kuma. A ya Daniyɛli tɔgɔ yɛlɛma Bɛlitisasa. A ya Hananaya tɔgɔ yɛlɛma Sadiraki. A ya Misiyɛli tɔgɔ yɛlɛma Mɛsaki. A ya Asaraya tɔgɔ yɛlɛma Abɛdinigɔ.

Daniyɛli 2:48

A ya fen-koloma-siyaman di Daniyɛli ma. Wo kɔma, a ya a ma ala kandɛ la ka a sigi a hɛnkilimɛnu kun na ala nyamanɛ bɛɛsi rɔ.

Daniyɛli 2:49

Sadiraki wo, Mɛsaki wo, anubɛ Abɛdinigɔ, Daniyɛli ya wonu masigima-kuma fɔ mansɛ ye alako ka wonu ma sigisɔn-mansɛnu na Babilɔn nyamanɛ rɔ. Ale Mansa Nɛbukanasa sɔnta wo ma kɔnɔ a ya Daniyɛli to ata bolɔn la.

Daniyɛli 3:11

Ni min ma sɔn kɛ ma, ile, ma tigi, ko ka wo mɔgɛ lakɛ sulubondon tɛ rɔ.

Daniyɛli 3:16

Sadiraki wo, Mɛsaki wo, anubɛ Abɛdinigɔ ko, “Ma tigi, miriya-gbɛrɛkɛ mumɛ sa kumɛ kɛ rɔ.

Daniyɛli 3:29

Ale mansɛ ya a fɔ tun ko, “N bara ban a latɛgɛla bi, n ko ni mɔgɔ-wo-mɔgɔ ya mɔgɔ sawɛ kɛnuta Alla lafɛya, wo tigi si gbegbe ka ala bɔn ma sundu-kunyɛ la. Bɛsi-wo-bɛsi sa nyɔ min si ke mɔgɛ latankala iko kɛnutɛ.”

Daniyɛli 3:30

Woletɔ mansɛ ya Sadiraki wo, Mɛsaki wo, anubɛ Abɛdinigɔ sɔ-tinɛ mayɛlɛ Babilɔn nyamanɛ rɔ.

Daniyɛli 6:13

Anu ya a fɔ mansɛ ye tun ko, “Kɛlɛ bɔra mɔgɛ minnu na Yuda nyamanɛ rɔ, wo mɔgɔ kelen bi nyɔ, a sa sɔnna ila tɔn birala, ila kandɛ, Daniyɛli, kɔni. A ye matarali-kɛla a nyɛrɛ ma iko sawa tele la.”

Daniyɛli 6:14

Mansɛ ya wo lamɔɛn tumɛ min, a yisi tinyara Daniyɛlila ko la. Ale mansɛ ya a raya ka Daniyɛli kunyɛ bɔ nanparan wo rɔ. A tora a rayala ha wurɛla-tumɛ la.

Kɛwɔlɛnu 17:7

ado Yeson kɛ ara anu yiya ala bɔn la. Anu bi Romu nyamani-kun-tigila tɔn bɛɛ tinyana ko mansa-gbɛrɛ ye nyɔ tun min tɔgɛ Yisa.”

Kɛwɔlɛnu 5:28

“Ma ara wo makawandi nun bɛrɛkɛ, ko wo kana mɔgɛnu karan kei kɛ tɔgɛ rɔ tun. Kɔnɔ wo ara min kɛ, wo ma a yen? Wo ara wola karan kɛ nyɛnsɛn Yerusalɛm fan bɛɛ. Wo ye a fɛ ka male ma ala saya-sabuyɛ la!”