Daniyɛli 3:10 - ALLALA KUMƐ

¹⁰ Ile, ma tigi, ara a fɔ nun ko tolonnɛnu ba a kɛ-a-rɔ tumɛ min, a fulu-fɛla wo, a buru-fɛla wo, a bɔlon-fɔla wo, a sɔrɔn-fɔla wo, a bala-fɔla wo, anubɛ a fɔli-fen-toenu, ko mɔgɛ bɛɛsi ni a madu ala bɛsɛ kɔrɔ ka a matɔgɔ.

Daniyɛli 3:10 Iomraidhean Croise

1 Ko-Kɔrɔta-Karan 15:16

Mansa Dawuda ya a fɔ Lifayi mɔgɔ-banu ye ko anu ni anu ya-lakalan anu kurun tɔ ka anu bole sɔ sigi-salɛnu anubɛ fɔli-fen-fɔlɛnu na minnu bi sɔrɔnnu anubɛ karanyanu fɔla. Wo kɔma, anu ni tolɔn kɛ a rɔ.

1 Ko-Kɔrɔta-Karan 15:28

Isirɛla mɔgɔ damasi ye tala tɔn-kenkirɛ wo la anu bolo tumɛ min Yerusalɛm soe burɔ, anu bi gbele-gbelenna sewɛ bolo. Tolɔn kɛnɛ a rɔ, a buru wo, a karanya wo, a sɔrɔn wo.

2 Ko-Kɔrɔta-Karan 29:25

Marita Nɛbi Kadi anubɛ Nɛbi Netan, wonu ya Mansa Dawuda makawandi nun ko Lifayi bɔnsɔn ni to karanyanu gbesila anubɛ seremanu anubɛ sɔrɔnnu fɔla Bato-Bɔn la. Ale Mansa Hɛsakaya ya kumɛ wonu to a gbɛ rɔ ata wati rɔ.

Yaburi 94:20

Kiti-tɛgɛla-yogomɛ minnu bi ko-latelennɛ mala ko-radunɛ la, minnu bi yanfɛ donna mɔgɔ-nyimɛnu ma, ado anu bi mɔgɔ-magbalanɛnu faga-koe latɛgɛla, ile hayu-wo-hayu sa mɔgɛ wonu na.

Bɔ-Koe-Iyipiti 1:16

“Wo wa ta Hiburu musinu dɛnbɛ tinɛ den sɔrɔn tinɛ, ni min ya a keimɛ sɔrɔn, wo si dan wo faga kɔnɔ ni min ya a musumɛ sɔrɔn, wo kana wo faga de!”

Bɔ-Koe-Iyipiti 1:22

A laban, mansɛ ya a fɔ mɔgɛ bɛɛsi ye ko, “Den-kei minnu ba sɔrɔn, wo ni wonu bi ka ta anu nafili Nayɛli bɛ rɔ ka dunmusinu kɛndɛ to.”

Makawandili Kumɛnu 3:16

N sigira ka duninya lakɔrɔsi. N ya a yen ko a fisa, telenbagayɛ ni taran kan min, yaga, telenbɛlitayɛ ye nyɔ le!

Aiseya 10:1

Gbalo ye wole sereya-radunɛ nadannɛnu ma minnu bi nna mɔgɛnu tɔrɔla.

Daniyɛli 3:11

Ni min ma sɔn kɛ ma, ile, ma tigi, ko ka wo mɔgɛ lakɛ sulubondon tɛ rɔ.

Daniyɛli 3:15

Kɔnɔ ni wo ya tolon-kan lamɔɛn gbɛ ka wo madu nna bɛsɛ kɔrɔ, wo kin. Kɔnɔ ni wo ma sɔn wo madu-koe ma, anu si wo lafili sulubondon tɛ rɔ tiriya! Wola bɛsɛ nyamintan si ke wo kunyɛ bɔla wo rɔ nde bolo?”

Daniyɛli 6:12

anu dama tara anu nyɔgɔn fɛ mansɛ wara ka Daniyɛli maburi. Anu ya a fɔ mansɛ wo ye ko, “Ma tigi, i wara tɔn sa nun ka a sɛbɛ. I ko ni mɔgɔ-wo-mɔgɔ ya fenfen matara ile kɔma tele bi-sawɛ kɛ kɔrɔ, i ko i si wo tigi lafili ila yarɛnu kɔrɔ denkɛ rɔ.” Mansɛ wo ya a fɔ ko, “Tonyɛ le. Wo ara ma Midiya anubɛ Pasiya kɛnuta tɔn la, ado a ti yɛlɛma muk!”

Emɔsi 6:5

Sigi-kurɛnu-sɛ di wo ye seremanu tɔ. A sɔgɛ ye wo la ka wo nyɛrɛ sanka Mansa Dawuda ma.

Yɔni 11:57

Saraka-masɔla-wɛnu anubɛ Farisinu bara a fɔ nun ko Yisa ye kan tinɛ min, ni mɔgɔ-wo-mɔgɔ ya wo lɔn, a ni wo fɔ anu ye. Woletɔ anu si a bira.