Daniyɛli 2:49 - ALLALA KUMƐ

⁴⁹ Sadiraki wo, Mɛsaki wo, anubɛ Abɛdinigɔ, Daniyɛli ya wonu masigima-kuma fɔ mansɛ ye alako ka wonu ma sigisɔn-mansɛnu na Babilɔn nyamanɛ rɔ. Ale Mansa Nɛbukanasa sɔnta wo ma kɔnɔ a ya Daniyɛli to ata bolɔn la.

Daniyɛli 2:49 Iomraidhean Croise

Ɛsita 2:19

Yanni Ɛsita ni ta musi doinu kurun tɔ, wo ya a taran, mansɛ nyɛrɛ ara sɔ tinɛ di Mɔdekɛyai kɛ ma.

Ɛsita 2:21

Mɔdekɛyai ye ala mɔgɔ-bayɛ la wati min mansɛ warɛ, mansɛla bonda-da-makandanna fila ye nyɔ, Bigitan anubɛ Tirɛsa, wonu ya yanfɛ don mansɛ Sakasi ma. Anu ko anu ni a faga.

Ɛsita 3:2

Mansɛ ya a fɔ ala mɔgɔ-banu ye ko min ba Heman kɛ yen kan-bo-kan, wo ni a nyɛnkin a kɔrɔ ka a gbiliya. Bɛɛ ya a nyɛnkin a kɔrɔ, fɔ Mɔdekɛyai min ma sɔn wo ma-koe ma mumɛ!

Hɛnkilimaya-Kumɛnu 28:12

Ni mɔgɔ-nyimɛ ya sɛnbɛ sɔrɔn, mɔgɛ bɛɛ si sewa. Kɔnɔ ni wunduyoge ya sɛnbɛ sɔrɔn, mɔgɛ bɛɛ si anu dogon a kɔrɔ.

Yɛrɛmaya 39:3

(Yerusalɛm birɛ anu bolo, Babilɔn mansɛla mɔgɔ-banu nara anu sigi tarɛ don-dɛ tɛmatɛ dafɛ. Mɔgɔ-ba wo donu denu bi kɛnu na, Nɛragali Sarisa, Samika Nibɔ, Sasakim, anubɛ Nɛragali Sarisa gbɛrɛ.)

Daniyɛli 1:17

Alla ya hɛnkili di kemini-mɔgɔ nanɛ kɛnu ma ka buku-sɛbɛnɛ damasi kɔrɛ lɔn. Min sanɛ wo kuma, Alla ya a ma, Daniyɛli mara kiyo-kɔrɛ anubɛ ko-rayennɛ-takarannɛ la.

Daniyɛli 1:7

Anu karan-mɔgɛ ya tɔgɔ-kura sa anu kuma. A ya Daniyɛli tɔgɔ yɛlɛma Bɛlitisasa. A ya Hananaya tɔgɔ yɛlɛma Sadiraki. A ya Misiyɛli tɔgɔ yɛlɛma Mɛsaki. A ya Asaraya tɔgɔ yɛlɛma Abɛdinigɔ.

Daniyɛli 2:17

Koe min bɛɛ tenbira, Daniyɛli tara bɔn la ka wonu takaran a diyana-mɔgɛnu ye, Hananaya wo, Misiyɛli wo, anubɛ Asaraya.

Daniyɛli 3:1

Lunyɛ do, Mansa Nɛbukanasa ya sɛnɛ do ladan ka wo ma ata bɛsɛ la. Ala yanyɛ, nunkan-nya bi-wɔrɔ. A kɔnɛ, nunkan-nya wɔrɔ. Lɛɛ min tɔgɛ Dura, Babilɔn nyamanɛ rɔ, a tara bɛsɛ wo sigi nyɔ.

Daniyɛli 6:2

A ya mɔgɔ fila sa Daniyɛli kuma ka wonu sigi ata mɔgɔ-siginɛ kɛnu kun na pati-mansayɛ la alako wonu kana ale mansɛ yakɔrɔ-mamɔ.

Emɔsi 5:15

Koe min yogo, wo ni wo kɔn. Koe min telennɛ, wo ni wo keni. Wo ni wo raya alako ko-latelennɛ ni kɛ kiti tɛgɛ tinɛ. Tumado Isirɛla mɔgɛ toe min tonɛ, mata Mari si kinikini wonu ma.