Daniyɛli 2:4 - ALLALA KUMƐ

⁴ Mɔgɛ wonu ya mansɛ wo yabi Aram-kan rɔ. Anu ko, “Ma tigi, alamɛ i ya simayɛ sɔrɔn. Alamɛ i kɛndɛyara. Ila kiyo wo rakaran ma ye tun. Male si a kɔrɛ fɔ i ye.”

Daniyɛli 2:4 Iomraidhean Croise

Ko-Dabirɛnu 31:47

Leban anubɛ Yakoba sɔnta ka kuru-ladɛnnɛ wo tɔgɔ sa “Sereya Kuru-Ladɛnnɛ.”

Ko-Dabirɛnu 41:8

Kiyo wonu ya mansɛ lafili pirikali! Wo wulun sɔgɔma, mansɛ wo ya kilayɛnu tanyɛnsɛn ala nyamanɛ rɔ ka hɛnkilimɛnu anubɛ nya-nyini-kɛlɛnu kele. Ale Iyipiti mansɛ ya ala kiyo rakaran anu ye kɔnɔ ala nyamanita-mɔgɛ wonu fenfen ma ke ala kiyo wonu kɔrɛ fɔla a ye.

1 Mansɛnu 1:25

A ara ta ka ninkinu anubɛ ninki-bulan anubɛ sagɛnu siyaman bɔ sarakayɛ la. A ya ila dan bɛɛ kele anubɛ ila kɛlɛ-den-kunyɛ Yohabu anubɛ Saraka-Masɔla Abiyatari, ado anu bi fen dɔnna kan-tina-kelen kaka. Anu bi duwala ko, ‘Alamɛ Mansa Adonaya mɛra!’

1 Mansɛnu 1:31

Woletɔ Batasiba ya a madu ka a nyɛnkin mansɛ kɔrɔ. A ya a fɔ a ye ko, “Mansɛ, alamɛ i siyi-fɛ yanyara!”

2 Mansɛnu 18:26

Wo kɔma, Ilayakim anubɛ Sɛbana anubɛ Yowa ya a fɔ Asiriya mansɛla kandɛ wo ye ko, “I yandi, kuma ma ye Aramaki kan rɔ. Ma si wo ragbɛ le. I kana kuma ma ye mata Hiburu-kan rɔ alako mɔgɛ minnu bi tarɛ kuma san ma, wonu kana na ma kan ragbɛ.”

Ɛsira 4:7

Pasiya Mansa Atasakasita wati fanan tɔ, Bisilam anubɛ Mitirɛdati anubɛ Tabiyɛli anubɛ anu diyana-mɔgɛnu, wonu fanan ya kɛdi sɛbɛ Mansa Atasakasi ma Isirɛla mɔgɛnu kan ma. Kɛdi wo sɛbɛnɛ Aramaki kan le tɔ anubɛ a sɛbɛ-nya.

Nihɛmaya 2:3

N duwara a ye, n ko, “N tigi, alamɛ i mɛra ila mansayɛ kɛ rɔ. N tigi, ma benbanu togon tinɛ wo ara tii. A tarɛ don-dɛ ara mintan gburr! Wo le ara a ma, n yisi ara tinya pɔ!”

Aiseya 36:11

Wo kɔma, Ilayakim anubɛ Sɛbana anubɛ Yowa ya a fɔ Asiriyanu mansɛla kandɛ wo ye ko, “I yandi, kuma ma ye Aramaki-kan rɔ. Ma si wo ragbɛ le. I kana kuma ma ye mata Hiburu-kan rɔ alako minnu bi tarɛ kuma san ma, wonu kana na ma kan ragbɛ.”

Aiseya 44:25

A ko a ara yi-kɔrɔ-fɛlɛnnɛnu ma kun-takolɔnnu na. Lole-lakɔrɔsilɛnu bi ko-natoe minnu fɔla, a ara wonu ma ko fuyi la. A ko minnu bi anu hɛnkili mayirala, a ara wonu sɔsɔ feu, woletɔ anu si a lɔn ko ko-fuyi le anuna hɛnkilimayɛ la.

Daniyɛli 1:4

Kɔnɔ a ye min yatɔnbɔnna, anu ni kinya, anu ni ma hɛnkilimɛnu na, anu ni ma mɔgɔ-kolonɛnu na, anu ni ko nya-yen yona, ado fɛɛ kana taran anu na fanan. A bɛnta, wo mɔgɔ-sufanu ni sigi mansa-bolɔn la. Ale mansɛ ya a fɔ tun ko ale Asipinasi si to wonu karanna anuna Babilɔn kan anubɛ anuna buku-sɛbɛni-kɔrɛnu karan ma.

Daniyɛli 2:7

Anu ya a fɔ mansɛ ye ko, “Ni ma tigi ya kiyo rakaran ma ye, ma si a kɔrɛ fɔ le.”

Daniyɛli 3:9

Anu ya a fɔ Mansa Nɛbukanasa ye ko, “Alamɛ mansɛ mɛra. Alamɛ mansɛ kɛndɛyara.

Daniyɛli 4:19

Mansɛ ya a fɔ tun ko, “Daniyɛli min tɔgɛ fanan Bɛlitisasa, wo ya kiyo wo kɔrɛ lɔn tumɛ min, a kilanta. A ma ke fenfen fɔla wati-kundi wo kɔrɔ. Nde, mansɛ ya a fɔ a ye ko a kana kilan kiyo wo kɔrɛ rakaranna n ye. “Ale Daniyɛli ya a fɔ n ye ko a fisa nun, kiyo kɛ kɔrɛ ni sigi n yogenu denu na.

Daniyɛli 4:7

Durinu anubɛ bolo-tafɛlɛnnɛnu anubɛ hɛnkilimɛnu nara. N ya nna kiyo rakaran anu ye min kɛ, anu ma ke a kɔrɛ fɔla n ye.

Daniyɛli 4:9

nna durinuna kun-tigi le ale la, ado n ya a lɔn fanan ko ale Allata sɛnbɛ anubɛ nyinɛnutɛ ye a fɛ. Ale le si ko-dogonnɛ bɛɛ nya-yen. N ban nna kiyo wo rakaranna a ye, n ko a ni a kɔrɛ fɔ n ye.

Daniyɛli 5:10

Ale mansɛ na ya anubɛ ala mɔgɔ-banu sɔnkɔ-kan lamɔɛn tumɛ min, ale fanan tara anu taran bɔn burɔ nyɔ ladiyɛ wo rɔ. A ya a fɔ ala dan ye ko, “Alamɛ i siyi-fɛ yanyara! Alamɛ i kɛndɛyara! Hali i ma kilan.

Daniyɛli 5:8

A hɛnkilimɛnu ya anu taya kɔnɔ mɔgɔ-wo-mɔgɔ ma taran wonu tɔ min si ke sɛbɛli wo rakaranna anubɛ ka a kɔrɛ fɔ.

Daniyɛli 6:21

Daniyɛli ya a labira. A ko, “N tigi, alamɛ i ya simayɛ sɔrɔn. Alamɛ i kɛndɛyara.

Daniyɛli 6:6

Kun-tigi wonu tara mansɛ kɔndɔn tinɛ anu nyɔgɔn fɛ. Anu duwara mansɛ ye ko, “Mansa Dariyasi, alamɛ i mɛra. Alamɛ i kɛndɛyara.

Daniyɛli 6:7

Male pati-mansɛ minnu bi i dɛnbɛna ila nyamanɛ marala, anubɛ a sigisɔn-mansɛ wo, a so-tigi wo, anubɛ a kemini-tigi wo, male damasi ara sɔn ko i ni tɔn kelen sa ila nyamanɛ kɛ rɔ ka tɔn wo mabalan. Kɔnɔ a sɔgɛ ye ma la, tele bi-sawa kɔrɔ, mɔgɔ-wo-mɔgɔ kana fenfen madiya ile kɔma. Ni min ya ila tɔn wo tinya, i si wo tigi lakɛ ila yarɛnu kɔrɔ denkɛ rɔ.

Matiyu 21:9

Nyama min bi tagamana Yisa yarɔ anubɛ nyama min bi tagamana a kɔma, wonu ya gbele-gbelan dabira ko, “Mansa Dawudala dan, i ni sɛnɛ! Min bi nala Mari tɔgɛ rɔ, Allata duwɛ ni to wo kuma! Alla tanto!”

1 Samuwɛli 10:24

Samuwɛli ya a fɔ mɔgɛnu ye ko, “Wo ara a yen Mari ara mɔgɛ min yabɔ? A nyɔgɔn-takɛn sa wo do-wo-do rɔ yan tɔ.” Mɔgɛ wo bɛɛ ya anu kan nabɔ anu nyɔgɔn fɛ anuna mansa kura wo ye ko, “Alamɛ i mɛra!”