Daniyɛli 2:39 - ALLALA KUMƐ

³⁹ Ileta wati wa ban, nyamani-tigi-gbɛrɛkɛ si ila nyamanɛ bi. I kiyora a kɔgɛ anubɛ a kɛɛ min na, wodi-gbɛ, kɔni, wo le wo la. Wota mansayɛ ti ke iletɛ rɔ. Wo fanan ba tenbi, mansɛ do fanan si nyamanɛ bi wo bolo. Ile, ma tigi, kiyora tɛmɛ min na, silɛɛ, kɔni, mansɛ wo le wo la. Wota mansayɛ ti ke doi wotɛ rɔ.

Daniyɛli 2:39 Iomraidhean Croise

Aiseya 44:28

A ko a si a fɔ Babilɔn Mansa Sairasi ye ko a ni ma mansɛ la ale ye, wo ni a sako bɛɛ kɛ. A ko Yerusalɛm soe ni sɔ a kurɛ la tun. A ko fanan, Bato-Bɔn kuru ni kɛ tun.

Daniyɛli 10:20

Wo kɔma a ko, “I ya a lɔn n nara i wara min na, wa? Min sɛbɛnɛ Allata Tonya-Buku rɔ, n nara wo ragbɛ tinɛ i ye. N ba ban kɛ rakaranna i ye, n bi sɛgila Pasiya nyina-yogomɛ kɛlɛ tinɛ. N ban wo kɛlɛla, Kirisi nyamanɛ nyina-yogomɛ si na n kan ma. Mɔgɔ-wo-mɔgɔ ti na n dɛnbɛn n yoge kɛnu kɛlɛ tinɛ, fɔ Isirɛla kandan-melika, Maikali, kɔni.”

Daniyɛli 2:32

A kunyɛ, sɛnɛ-bɛrɛbɛrɛ le wo la. A kɔgɛ anubɛ a kɛɛ, wodi-gbɛ le wonu na. A tɛmɛ anubɛ a wore, silɛɛ le wo la.

Daniyɛli 2:38

Ale le ya i ma duninya mumɛ mansɛ la ka mɔgɛnu anubɛ sogenu anubɛ konanu ma itɛ la duninya kɛ rɔ. Ile, ma tigi, kiyora kunyɛ min na, a manɛ sɛnɛ la, ile le wo la.

Daniyɛli 2:40

Mansɛ nani nyɔgɛ si na nyamanɛ kɛ fanan bi. Wota mansayɛ si gbɛlɛya iko nɛgɛ. Iko nɛgɛ si fan damasi rakeri nya min, ale fananta mansayɛ ye mansɛ doinuta mansayɛnu takerila wo nya na le.

Daniyɛli 7:23

“Melika kelan wo ya kiyo kɛ kɔrɛ rakaran n ye nya min, wo le kɛ la. A ko a sogo-ferema-nani-nyɔgɛ kɛ si ma mansa-bon-nani-nyɔgɛ la. Dan-nafarɛ ye mansa-bon sawɛ anubɛ a nani-nyɔgɛ kɛ tɛma. A nani nyɔgɛ si duninya kɛ rakese-kesen ka a nunku.

Daniyɛli 8:20

“I ya saga-yigi minnubɛ a kere filɛ yen wo la, wo tamasere le Midiya mansɛ anubɛ Pasiya mansɛ wara-koe la.

Daniyɛli 8:21

Wo kɔma, i ya baa-kɔrɔn min yen wo la, wo tamasere le Kirisi mansayɛ wara-koe la. Mɔgɔ latiri a kere kelan min yenna wo la, Kirisi mansa fɔlɔtɛ le wo la.

Sakaraya 6:3

A sawa nyɔgɛ, so gbɛnu denu bi wo saganna. Kirindi nani nyɔgɛ, so-mapusannu denu bi wo saganna.

Sakaraya 6:6

So-finyɛnu bi kirindi min saganna, wonu tamatoe Babilɔn wara la le. So-gbɛnu tamatoe tele-yigi wara la. So-mapusan wonu tamatoe Iyipiti nyamanɛ wara la.