Daniyɛli 2:34 - ALLALA KUMƐ

³⁴ A ye kɛ mafɛlɛnna tumɛ min, a ya a yen, farɛ ara keri a la a nyɛrɛ ma kɔnkɛ kun tɛma. Wo yigira kurukurunna ka fɛrɛn mɔgɔla muninyɛ kin-farɛ wo la. Bɔnkɛ anubɛ nɛgɛ wo rabundenta.

Daniyɛli 2:34 Iomraidhean Croise

Yaburi 118:22

Bon-sɔlɛnu ya anu ban kuri min na ko fen ma, wo le ara ma sɛbɛna-kuru-tɔnɔnamɛ la.

Aiseya 28:16

Kɔnɔ Mari ye min fɔla wo ye, wo ni wo tole masɔ wo la. A ko a ye nala bɔn min sɔla ata kɔnkɔ-sɛnimɛ kuma, a si bɔn wo kurukɛ fanka rɔ. A ko a ye kuru fɔlɔtɛ min sigila, a kuru-toe bɛɛ ye sigila sɛbɛna-kuru-tɔnɔnamɛ wo le kuma, ado min bɛɛ lanɛ kuru fɔlɔtɛ kɛ la, a ko wonu yigi ti tɛgɛ muk!

Aiseya 60:12

A ko ni sibole min ma wɔli i ye, wonu si kasara pɔ!

Aiseya 8:9

A ko wole sibolo-gbɛrɛnu, wo ni wo ladɛn kilan bolo. Wole minnu bi duninya-dan la pon, a ko wo ni wo tole masɔ. Hali wo rabɛnnɛ kɛlɛ-koe la kɔnɔ wo kun ma si kɔ kilan bolo.

Isikiyɛli 32:28

“Iyipiti mansɛ fanan ramɔsɔkɔnnɛ si taran Alla-lɔnbɛlɛ wonu tɛma minnu kunyɛ tora kɛlɛ rɔ.

Isikiyɛli 47:5

A waga nani nyɔgɛ sumɛ a bolo, n kian ma ke nyɔ-kole la. Fɔ n ya n bɔn a ma le ka ba-matɛgɛlɛ kɛ.

Daniyɛli 2:33

A kian, nɛgɛ le wo la. A kin-farɛ, bɔnkɛ anubɛ nɛgɛ le wonu na.

Daniyɛli 7:27

Alla Min Bi Fan Bɛɛ Kun Na, mansaya-sɛnbɛ anubɛ ala kinyɛ min bi duninya bɛɛ rɔ, a si wo latenbi ala mɔgɔ-sɛnimɛnu ma. A ko anu si to mansayɛ la burubukai! Min sanɛ wo kuma, duninya-mansɛ toenu si wɔlɛ kɛ anu ye ka anu gbiliya.

Daniyɛli 8:25

Ka a tɛgɛ ala kɛwuyɛ wo ma, ala yanfanteyɛ wo bɛɛ ra si bɛn a ma. A si ma mɔgɔ-makawanɛ la a nyɛrɛ yala. Hali a ma minnu nalɔn, a si wonu natɛrɛna ka anu kasara. Hali wo, a si Mansɛ-Bɛɛta-Mansɛ kɛlɛ, Alla nyɛrɛ, kɔni. Kɔnɔ tɔ-a-la, a si kasara kɔnɔ a tɔgɔ ti to hadama-den na.

Sakaraya 12:3

Kɔnɔ wo wati wa ke, a ko a si Yerusalɛm ma iko kuru-gbilimɛ. Sibolo-wo-sibolo ya a nyɛrɛ ma kuru wo kɔrɔbilɛ la, a ko wo si dumɛ sɔrɔn. Woletɔ sibole bɛɛ si anu kundɛn Isirɛla kan ma.

Sakaraya 4:6

A ya a fɔ n ye ko, “Mari kolan wɔrɔnfilɛ min bi duninya mumɛ mafɛlɛnna, wonu tamasere le lɛnpu wɔrɔnfilɛ kɛ la.”

Matiyu 16:18

N bi i tɔgɛ sala Pita. Wo kɔrɛ le farɛ. N si nta chɔchi sɔ farɛ wo kuma. Hali sayɛ ti nɔ-ko sɔrɔn a ma mumɛ!

Yɔni 1:13

Kɔnɔ anu ma ma Allala dannu na iko mɔgɛ ye dan sɔrɔnna nya min. Alla nyɛrɛ le anu Fa la.

Kɛwɔlɛnu 4:11

A sɛbɛnɛ ale Yisala ko la ko, ‘Bon-sɔlɛnu ya anu ban kuri min na, wo ara ma sɛbɛna-kuru-tɔnɔnamɛ la,’

2 Kɔrɛnti 5:1

Ma ya a lɔn ko ma ye fani-bɔn kɛ minnu burɔ duninya kɛ rɔ, ma bagbuyi, kɔni, wonu ba wayan tumɛ min, bɔn ye Alla bolo Arinyɛni tɔ ma niyi ye, ado hadama-den ma bɔn wo sɔ. Wo si ma habadan-bɔn la ma ye.

Hiburunu 9:24

Kirasiti ma don Kan-Tina-Sɛnimɛ rɔ min nadannɛ hadama-dan bolo. Min bi Arinyɛni tɔ, fani-bɔn wola muninyɛ le wo la dɔrɔn. Kirasiti tara Arinyɛnɛ nyɛrɛ le tɔ, a ye Alla yakɔrɔ kan min kaka ma dɛnbɛn-koe la.

1 Pita 2:7

Kuri kɛ gbiliyanɛ wole dɛnkɛninya-mɔgɛnu bolo kati! Kɔnɔ dɛnkɛninyabɛlɛnu ma a lɔn ko, “Bon-sɔlɛnu ya a fɔ kuri min ma ko fen ma, wo le ara ma sɛbɛna-kuru-tɔnɔnamɛ la.”

Lankɛnimayɛ 11:15

Wo kɔma, melika wɔrɔnfila nyɔgɛ ya ata buri fɛ. Kuman-kan-wɛnu bɔra Arinyɛni tɔ ko, “Duninya-mansaya-sɛnbɛ ye mata Mari anubɛ ata Mɔgɔ-Yabɔnɛ bolo gbɛ, ado a si mansayɛ kɛ tolon!”

Lankɛnimayɛ 17:14

Wonu si saga-dan kɛlɛ. Kɔnɔ saga-dan anubɛ ata mɔgɛnu si anu nɔ. A ya mɔgɛ wonu kele ka anu yabɔ anuta lanayɛla ko la. Saga-dan si anu nɔ bawo marinuta Mari le ale la anubɛ mansɛnuta Mansɛ.”