Daniyɛli 2:32 - ALLALA KUMƐ

³² A kunyɛ, sɛnɛ-bɛrɛbɛrɛ le wo la. A kɔgɛ anubɛ a kɛɛ, wodi-gbɛ le wonu na. A tɛmɛ anubɛ a wore, silɛɛ le wo la.

Daniyɛli 2:32 Iomraidhean Croise

Aiseya 14:4

Mari wa wo ma tumɛ min, anu si Babilɔn mansɛ mayɛlɛn ko, “Mansa-karagbɛlɛ ara faga. A ti mɔgɔ-wo-mɔgɔ niyi ragbɛrɛn a ma tun!

Yɛrɛmaya 51:7

A ko Babilɔn mani de Mari bolo iko sɛnɛ-yi-lafɛ min bi duninya bɛɛ laminna. Sibolo-wo-sibolo wa a min, wo kunyɛ si wuli.

Daniyɛli 2:33

A kian, nɛgɛ le wo la. A kin-farɛ, bɔnkɛ anubɛ nɛgɛ le wonu na.

Daniyɛli 4:22

“Daniyɛli ya a fɔ n ye ko kɔlɔma wo, nde, mansɛ le wo la. A ko nde, mansɛ ara koloya ha n bara tugu san-kole la. A ko nna mansaya-sɛnbɛ ara ke duninya tonke bɛɛ rɔ.

Daniyɛli 4:30

N bi a fɔla ko, ‘Babilɔn so-karantan kɛ mafɛlɛn. Nde le ya soe kɛ sɔ alako ka nta sɛnbɛ mayira. Mɔgɛnu si a lɔn fanan ko n bi gbiliyɛ rɔ soe kɛ sɔ-nya bolo.’

Daniyɛli 5:28

Ka a fɔ, ‘A TALA,’ wo kɔrɛ le, Alla ara ila nyamanɛ bi i bolo ka a ratala Midiya kɛnu anubɛ Pasiya kɛnu na.”

Lankɛnimayɛ 17:4

Musi wo fɛrɛya bɔnɛ kura-bilolamɛ anubɛ a wulenmɛ la. A makirinɛ sɛnɛ anubɛ kuru-da-gbɛlɛ anubɛ kɔnɔ-kolo-da-gbɛlɛ-gbɛmɛ la. Sɛnɛ-yi-lafɛ ye a bolo tɔ. Wo lafanɛ ko-latinyanɛnu anubɛ ala yɛlɛnya-ko-haramunɛnu na.