Daniyɛli 2:22 - ALLALA KUMƐ

²² Koe minnu nya-yen ma di anubɛ koe minnu dogonnɛ, ale le ye wonu nabɔla gbɛ ma mɔgɛ ye. Hali pinpirɔ-koenu, wonu bi gbɛ ma ale bolo bawo ale mayiginɛ wan-takanɛ rɔ.

Daniyɛli 2:22 Iomraidhean Croise

Ko-Dabirɛnu 41:16

Kɔnɔ Yusufu ya a fɔ mansɛ ye ko, “Nde ti ke kiyo kɔrɛ fɔla n nyɛrɛ ma fɔ Alla. Wo le si ke a kɔrɛ fɔla alako i yisi ni kimɛ.”

Yobu 12:22

A si waan raka lakira. Pinpi burunnɛ kan min bɛff, a si waan raka nyɔ rɔ waran!

Yobu 26:6

Furinu bi kan tinɛ min tɔ, Alla kolan ye anu na. Yamatogon-tina-wo-tina ti a ma, a ti anu yen.

Yaburi 104:2

I wara waan ma i nyɛrɛta duruku-ba la. I wara san-kole rafulen iko fani-bɔn.

Yaburi 25:14

Ile Mari diyana-mɔgɛ le tɔn-biralɛnu na. I ye ita sarama-kan yirala anu na.

Yaburi 36:9

Niyi-bɛɛ-kunyɛ bɔra ile le bolo. Ka a tɛgɛ ita waan wo ma, wo le ye a mala fanan, ma ye ko ragbɛla.

Makawandili Kumɛnu 8:1

Hɛnkilimɛ si lɔn kama? Yon si ko-kɔrɛ lɔn? Hɛnkilimɛ si lɔn a yakɔrɛ ma. Hɛnkilimayɛ si mɔgɔ-yakɔrɛ yɛlɛma ka a ma waran!

Aiseya 41:22

Wo ni na yan. Koe min bi nala mala, wo ni na wo fɔ ma ye. Ni wo ara ma, male ni na to a lɔnna. Koe min bara ma kɔrɔma la, wo ni wonu takaran kiti-salɛnu ye. Wo wa ban wo la, wo ni na to anu kɔrɛ faranfasila anu ye.

Aiseya 41:26

Yon si ke kɛ labɔla a kunyɛ rɔ ko kɛ ye mala le yarɔ? Ni wo si ke kɛ mala le nun, ma si wo yo sa nun. Kɔnɔ wo do-wo-do ma ke kɛ fenfen fɔla ma ye. Ma ma ke fenfen namɔɛnna wo la.

Aiseya 42:9

A ko a ya koe minnu fɔ wati-tenbinɛ, wonu bara bɔ-a-la, ado a ko ale le si ko-kurɛnu fɔ wo ye yanni anu ni bɔ a la.

Aiseya 45:7

A ko ale le ya pinpi ani fila waan dan. Ale le ye nala duwɛ anubɛ kasarɛ la. Ale Mari ko ale le wara kɛ dama ma.

Yɛrɛmaya 23:24

Mɔgɔ ti a dogon kan-bo-kan, Mari ti a yen kan min. I tara san ma, i si a taran nyɔ. I tora dugu ma, i si a taran yan.

Yɛrɛmaya 33:3

ni n ya a rakele, a si n denkun. A si kabana-koe donu takaran n ye, n ma min lɔn kɔrɔma la.

Daniyɛli 2:11

A ara ma manyinika minna ko la, wo gbɛlɛ. Fɔ nyinɛnu dɔrɔn, wonu denu si ke wo fɔla, ado hadama-dannu sa anu yenna.”

Daniyɛli 2:19

Wulɔn suyi nyɛrɛ rɔ, Alla ya ko-dogonnɛ ragbɛ Daniyɛli ye ka kiyo wonubɛ a kɔrɛ yira a la. Daniyɛli ya Arinyɛnɛ-Tigi Alla matɔgɔ ko,

Daniyɛli 2:47

Mansɛ wo ya a fɔ Daniyɛli ye ko, “Tonyɛ, i wara kɛ bɛɛ rakaran n ye min kɛ, wo ara a yira n na ko ileta Alla tenbira mata bɛsɛnu na, ado mansɛ-bɛɛta-Mari le ale la. Ale le ye ko-dogonnɛ bɛɛsi labɔla gbɛ ma.”

Daniyɛli 5:11

Mɔgɛ do ye ila nyamanɛ kɛ rɔ, ale Allata sɛnbɛ anubɛ nyinɛnutɛ ye min fɛ. I fa ye mansayɛ la tumɛ min, kei wo ya hɛnkili-nyimɛ labɔ. Ala ko-lɔn mani de iko ale Allata sɛnbɛ anubɛ nyinɛnutɛ ye nya min. I fa Nɛbukanasa ya ale kei ma a durinu anubɛ a bolo-tafɛlɛnnɛnu anubɛ a hɛnkilimɛnuna kun-tigi la.

Daniyɛli 5:14

Mansɛ wo ya a fɔ a ye ko, “N bara a lamɔɛn ko Allata sɛnbɛ anubɛ nyinɛnutɛ ye i fɛ. N bara a lamɔɛn fanan ko i ya hɛnkili-nyimɛ labɔ, ado ko i ya ko-lɔn bɛrɛkɛ!

Matiyu 13:13

Wo le ya a to, n bi kumala wonu ye tilinu tɔ. Anu bi fan mafɛlɛnna kɔnɔ anu sa a yenna. Anu bi anu tole masɔla kɔnɔ anu sa ko lamɔɛnna, hali ka a nya-yen.

Yɔni 1:9

Wo wati rɔ, wan-bɛrɛbɛrɛ ye nala duninya rɔ ka kilɛ yira mɔgɛ bɛɛ la.

Yɔni 21:17

A kinyama sawa nyɔgɛ, Yisa ya nyinikalɛ kɛ, a ko, “Saimon, Yɔnila dan, n di i ye, wa?” Pita ya a funu bawo Yisa ya a manyinika. A ko, “Mari, i ya koe bɛɛ lɔn, i ya a lɔn ko i keninɛ n bolo.” Yisa ya a fɔ a ye ko, “Nna sagɛnu fɛ-bira.

Yɔni 8:12

Yisa kumara Farisinu ye tun ko, “Duninya-waan le nde la. Min ba bila n fɛ, wo si waan sɔrɔn min si niyi di mɔgɛnu ma. A ti tagama pinpi rɔ tun mumɛ!”

1 Kɔrɛnti 4:5

Woletɔ wo kana mɔgɔ-wo-mɔgɔ kiti yanni a wati ni ke. Mari wa na, kiti-laban fɔla-wati wo le. A si mɔgɛnu miriya anubɛ pinpirɔ-koenu nabɔ gbɛ rɔ. Nba, wo le si a ma, bɛɛ ni matɔgɔlɛ sɔrɔn Alla bolo iko a bɛnnɛ nya min.

Ɛfɛsa 3:5

Gbundu-koe kɛ ma fɔ wɛ hadama-dan ye nun fɔlɔ kɔnɔ Alla ara a labɔ gbɛ rɔ kaka ala kilaya-sɛnimɛnu anubɛ nɛbinu ye ata Ni-Sɛnimɛ baraka rɔ.

Tɔn-Fɔɛ-Fila-Nyɔgɛ 29:28

Marita fondo-belebele bɔra anu kuma ka anu wurun ka anu nabui nyamani-gbɛrɛnu tɔ fugbu! Anu bi nyɔ ha bi.’

1 Timoti 6:16

Ale kelen pe ti faga. A ye waan min tɔ, mɔgɔ-wo-mɔgɔ ti a madon wo la. Mɔgɔ-wo-mɔgɔ ma ale yen bɛ, ado mɔgɔ-wo-mɔgɔ ti ke a yenna lefan. Alamɛ gbiliyɛ anubɛ habadan-sɛnbɛ dira ale ma! Amina.

Hiburunu 4:13

Dali-fan fenfen ti dogon Alla ma. Bɛɛ ye gbɛ rɔ a yala. A ya-makanɛ sanɛ, a kolan ye a la, ado a fɛrɛ sa fɔ ma dama ni ma dantɛgɛ Alla ye.

Yemesi 1:17

Kɔ-fen-nyimɛ-bɛɛ anubɛ kɔ-fen-kanbalinɛ-bɛɛ ye bɔla Arinyɛni tɔ. A ye yigila ka bɔ Alla bolo min ya san-koleta wan-takɛ-fannu dan. Ale Alla ti yɛlɛma iko ninɛ yɛlɛmanɛ ye nya min.

1 Yɔni 1:5

Nba, ma ara sarakanɛ min namɔɛn Allala dan la ka a lake wo ma, wo le kɛ la. A ko Alla, waan le. Pinpi sa a rɔ hali!