Daniyɛli 2:11 - ALLALA KUMƐ

¹¹ A ara ma manyinika minna ko la, wo gbɛlɛ. Fɔ nyinɛnu dɔrɔn, wonu denu si ke wo fɔla, ado hadama-dannu sa anu yenna.”

Daniyɛli 2:11 Iomraidhean Croise

Ko-Dabirɛnu 41:39

Mansɛ ya a fɔ Yusufu ye ko, “Alla ara kɛ dama yira ile min na kɛ la, ma ara a lɔn ko i hɛnkili kolo mɔgɛ bɛɛtɛ ko.

Ko-Dabirɛnu 41:8

Kiyo wonu ya mansɛ lafili pirikali! Wo wulun sɔgɔma, mansɛ wo ya kilayɛnu tanyɛnsɛn ala nyamanɛ rɔ ka hɛnkilimɛnu anubɛ nya-nyini-kɛlɛnu kele. Ale Iyipiti mansɛ ya ala kiyo rakaran anu ye kɔnɔ ala nyamanita-mɔgɛ wonu fenfen ma ke ala kiyo wonu kɔrɛ fɔla a ye.

1 Mansɛnu 8:27

“Kɔnɔ n Mari Alla, duninya kɛ dɔgɔ i yala. Hali san-kole min kolo, wo ti a bɔ i ye. I si kun i Bato-Bon-nɛ kɛ la kama worɔ?

2 Ko-Kɔrɔta-Karan 6:18

“Kɔnɔ nta Alla, duninya kɛ dɔgɔ i yala bawo i ti ke sigila mɔgɛnu tɛma. Hali san-kole min kolo, wo ti a bɔ i ye. I si kun bon-nɛ kɛ la kama worɔ?

Yaburi 132:14

A ko a ye a fɛ, a ni to sigini nyɔ habadan! A si maralɛ kɛ nyɔ le.

Yaburi 68:18

A ara yɛlɛ ala kɔnkɛ kuma mɔgɔ-biranɛnu na a bolo. A ye kɔ-fannu birala hali mɔgɔ-murutiyanɛnu bolo. Mari Alla si a mayigi nyɔ.

Bɔ-Koe-Iyipiti 29:45

N si sigi wole Isirɛla mɔgɛnu tɛma ka ma wota Alla la.

Bɔ-Koe-Iyipiti 8:19

Ale mansɛla kofo-dan wonu ya a fɔ ale mansɛ ye ko, “Alla nyɛrɛ bole ye kɛ rɔ.” Mansɛ ya a yisi gbɛlɛya kɛ kɔma tun a nani nyɔgɛ ko. A ma sɔn Musa anubɛ Aruna kuman-kan birala. Iko Mari ya a fɔ nya min, a kuman-kan bɔra-a-la. (4) Yɔlɛnu Bara-Koe

Aiseya 47:12

Kebi i dennɛ, i ye sɛbɛnu kirila ka duruyɛ kɛ. I ko i ni to wo kun na. Tumado wonu si tɔnɔ di i ma. Tumado i si ke i yogenu takilanna wonu na le.

Aiseya 57:15

Alla-gbiliyanɛ min bi san ma pon, min sɛnima, ado a ye nyɔ habadan, wo ko ale mayiginɛ kan-tina-sɛnimɛ le tɔ san ma pon! A ko hali wo, mɔgɔ-famayiginɛ minnu bara nimisa, a si taran wonu tɛma. A ko minnu famayiginɛ, a si ni kurɛ di wonu ma. Minnu nimisanɛ, a si wonu niyi kurakuraya.

Aiseya 8:18

Ale Mari ara dan minnu di n ma, mabɛ wonu bi yan. Mari Sɛnbɛ-Bɛɛ-Tigi min bi Yerusalɛm kɔnkɔ-sɛnimɛ kuma, wo le ya ma ma sarakani-sɛnimɛ la Isirɛla mɔgɛnu ye.

Daniyɛli 4:4

“Nde, Nɛbukanasa siginɛ nna bɔn la tumɛ min, n bi n nyɛrɛ ladiyala nna mansayɛ rɔ.

Daniyɛli 5:11

Mɔgɛ do ye ila nyamanɛ kɛ rɔ, ale Allata sɛnbɛ anubɛ nyinɛnutɛ ye min fɛ. I fa ye mansayɛ la tumɛ min, kei wo ya hɛnkili-nyimɛ labɔ. Ala ko-lɔn mani de iko ale Allata sɛnbɛ anubɛ nyinɛnutɛ ye nya min. I fa Nɛbukanasa ya ale kei ma a durinu anubɛ a bolo-tafɛlɛnnɛnu anubɛ a hɛnkilimɛnuna kun-tigi la.

Yilan-Yilan Koe 35:34

Wo kana wola nyamanɛ kɔsɔ bawo nde, Mari fanan bi wo tɛma yan.”

Matiyu 19:26

Yisa tora anu mafɛlɛnna sin! A ya anu yabi ko, “Mɔgɛ ti ke wo mala kɔnɔ Alla si ke koe bɛɛ mala.”

Yɔni 1:14

Ale min keleta Kumɛ, wo mara mɔgɔni-fin la. A sigira ma tɛma. Ma ya ala gbiliyɛ yen. A fanɛ hinɛ anubɛ tonyɛ la. Gbiliyɛ wo, Allatalata Den kelen pe le ale la min kɛ, a ya wo sɔrɔn a Fa bolo.

Yɔni 14:23

Yisa ya a yabi ko, “Min ba n keni, wo tigi si nna kumɛ bira. N Fa Alla si wo tigi keni. Mabɛ n Fa Alla si na a wara ka to siginɛ a fɛ.

2 Kɔrɛnti 6:16

Diyanayɛ mintan bi Alla-Bato-Bɔn anubɛ Alla-batobɛlɛnuna bɛsɛ kɔ tinɛnu tɛma? Male le Alla nimɛ Bato-Bɔn la iko Alla nyɛrɛ ya a fɔ nya min ko, “N si sigi anu fɛ ka to anu tɛma. N si ma anuta Alla la. Anu si ma nta mɔgɛ la.”

Lankɛnimayɛ 21:3

N ya kuman-kan-ba lamɔɛn ka bɔ mansaya-sigi-fan rɔ. A ko, “Alla mayiginɛ mɔgɛnu fɛ kaka, ado a si to anu fɛ. Anu si ma ata mɔgɛnu na. Alla nyɛrɛ si taran anu fɛ ka ma anuta Alla la.