Daniyɛli 12:6 - ALLALA KUMƐ

⁶ Mɔgɔ filɛ wo mɔgɔ kelen ya melika linɛn-kura-gbɛ-tigi wo manyinika min bi yi wo kuma. A ko, “Kabana-koe kɛ damasi ye nala mala wati nyamintan?”

Daniyɛli 12:6 Iomraidhean Croise

Yaburi 74:9

Mala kabana-ko-tamasere bɛɛ ara tunu don! Hali mala nɛbinu, anu ma anu to anu kɔma, ado mɔgɔ ma kɛ laban-wati lɔn.

Isikiyɛli 9:2

Tiriyante wo rɔ, n ya kemini-mɔgɔ wɔrɔ yen nala ka bɔ tenbi-bolɔn kan tɔ, kɛlɛ-miran ye anu bolo tɔ. Min sanɛ wo kuma, mɔgɔ kelen bi anu tɛma linɛn-duruku-ba ye wo kan na. Sɛbɛli-kɛ-fannu bi a bolo tɔ. Anu dama nara anu sɔ saraka-mintan-tinɛ dafɛ min nadannɛ silɛɛ la.

Daniyɛli 12:5

Wo kɔma, nde, Daniyɛli ya kei-fila-sɔnɛ yen tun yi dafɛ. Kelan sɔnɛ yi-tɔnkɔn doi rɔ, kelan fanan sɔnɛ yi tɔnkɔn doi rɔ.

Daniyɛli 12:8

Melika kɛ ya min fɔ, n ya wo lamɔɛn kɔnɔ nde, Daniyɛli ma a kɔrɛ lɔn. Woletɔ n ya nyinikalɛ sa, n ko, “N fa, koe kɛ damasi si a laban kama?”

Daniyɛli 8:13

Wo kɔma, n ya a yen, melika fila ye kumala anu nyɔgɔn na. Doi ko, “Koe min bi mala ko-rayen kɛ rɔ, wo si to a kun na ha wati nyamintan? Kisimiriya-koe kɛnu si to a kun na ha wati nyamintan sarakɛnu gbɛ rɔ? Anu si to Arinyɛnɛta-kɛlɛ-dannu anubɛ Bato-Bɔn ratɛntɛnna ha wati nyamintan?”

Daniyɛli 8:16

N ya hadama-den-kan lamɔɛn ka bɔ yi-nɛ wo kuma min tɔgɛ Wulai. A ko, “Yibirila, ko-rayen kɛ kɔrɛ rakaran ale Daniyɛli ye.”

Matiyu 24:3

Yisa ya a mayigi Ɔlifi kɔnkɛ kuma tumɛ min, ala karan-dannu nara a wara dogɔn rɔ. Anu ya a manyinika ko, “Yerusalɛm bui-wati fɔ ma ye. Tamasere nyamintan si ila nɛ anubɛ duninya-ban yira ma la?”

Maraka 13:4

Anu ya a manyinika ko, “Yerusalɛm bu-wati fɔ ma ye. Tamasere nyamintan si a yira ma la ko a kɛ-tumɛ ara ke?”

Ɛfɛsa 3:10

A ya wo dogon anu ma nun alako melika-kun-tiginu anubɛ nyina-kun-tigi minnu bi kan tinɛ bɛɛ rɔ, wonu ni ata hɛnkilimaya-su bɛɛ nya-yen chɔchi baraka rɔ kaka.

1 Pita 1:12

Alla ya a yira nɛbi wonu na ko anuna wɔlɔyiyɛ ti ko-nyinya anu denu ma anuta wati rɔ fɔ woleta wati. Iko anu kumara nya min ka tonyɛ fɔ, wo ara wo lamɔɛn kaka. Anu ya kawandili bɔ wo ye Allata Ni-Sɛnimɛ baraka rɔ, min nara ka bɔ Arinyɛni tɔ. Hali a lɔn-sɔgɛ ye melikanu na nun, kawandili wo bɔra wole le dɔrɔnna ko la.

Lankɛnimayɛ 15:6

Fitina-laban wɔrɔnfilɛ ye melika wɔrɔnfilɛ minnu bolo, wonu bɔra Alla-Bato-Bɔn wo la. Anu fɛrɛya bɔnɛ linɛn-kura-gbɛmɛ-sɛninyanɛ la. Butɛ-kiri-fan min nadannɛ sɛnɛ la, wo kirinɛ anu kɔgɔ-dɛ ma.

Lankɛnimayɛ 19:14

Arinyɛnitɔ-kɛlɛ-dannu bilanɛ a fɛ. Anu siginɛ so-gbɛmɛnu kuma. Anu fɛrɛya-bɔnɛ linɛn-kura-gbɛmɛ-sɛninyanɛ la.

Lankɛnimayɛ 6:10

Anu gbele-gbelenta kan-ba la ko, “Ma Mari Sɛnbɛ Bɛɛ Tigi, sɛninya-tigi anubɛ tonya-tigi le ile la! I si duninya-mɔgɛ bɛɛ kiti ka anu tɔrɔ ma faga-koela ko la tumɛ nyamintan?”