Daniyɛli 12:4 - ALLALA KUMƐ

⁴ Melika kelan wo ya a fɔ n ye tun ko, “Daniyɛli, i ni buku kɛ dɛ gbalɔn ha duninyala-ban-wati. Kɛ-wati-mumɛ bɛɛ rɔ, mɔgɛnu si to yigi-ni-yɛlɛla hɛnkili-sɔrɔn-koe rɔ.”

Daniyɛli 12:4 Iomraidhean Croise

Aiseya 11:9

Kɛnu fenfen ti ko ma anu nyɔgɔn na. Anu ti anu nyɔgɔn kasara Yerusalɛm kɔnkɔ-sɛnimɛ ma. Iko kɔgɔ-yi siya nya min, nyamanita-mɔgɛnu hɛnkili ye siyayala wo nya na le.

Aiseya 29:11

Nɛbinuna ko-rayen fenfen-kɔrɛ ti lɔn i bolo bawo anu dogonnɛ i ma. I mani de iko kɛdi min balanta. I wa ta a la karan-mɔgɔ do wara ko a ni a rakaran, a si a fɔ ko a ti ke a karanna bawo a balannɛ.

Aiseya 30:26

Wulɔn karɛ si gbɛ iko tele, ado wulɔn tele, waan si ma iko tele wɔrɔnfila tele ye nya min. Mari sɔnta ala mɔgɛ minnu tanban-koe ma, a si wonu dandan wulɔn-tele rɔ.

Aiseya 32:3

Mɔgɛnu bi nyinina min ma, anuna kun-tigi wonu yɛ bɛnnɛ si to wonu ma. Anu tole rabalannɛ a lamɔɛn-koe la fanan.

Aiseya 8:16

Nna karan-dannu, Mari ya sarakanɛ minnu don n bolo, wo ni kumɛ wonu namara kan tinɛ do rɔ yanba ti yalan anu ma kan min.

Yɛrɛmaya 5:1

Mari ko nde, Yɛrɛmaya ni to yigi-ni-yɛlɛ kɛla Yerusalɛm soe burɔ. N ni n ya-lakalan nyɔla foolɛ rɔ ka n miri a ma ka mɔgɛnu kundɛn-tinɛ bɛɛ mafɛlɛn. N ni a mafɛlɛn ni mɔgɔ-latelenni kelen bi anu tɔ. N ni mɔgɔ kelen nyini anu tɔ tonyɛ di min ye. Ni n ya wo mɔgɛ yen anu tɔ, Mari ko a si soe kɛ makoto.

Daniyɛli 10:1

Pasiya Mansa Sairasila mansayɛ san sawa nyɔgɛ ma, Alla ya koe do yira nde, Daniyɛli la. N tɔgɛ le fanan Bɛlitisasa. Sarakanɛ wo, tonyɛ le kɔnɔ a ragbɛ ma di. Yanni n ni kɛ nya-yen, Mari ya ko-rayirɛ kɛ n ye.

Daniyɛli 10:14

Wo le ya a to, n bara na alako i ni a lɔn min bi nala mala ila mɔgɛnu na yarɔ. I ye ko-rayen min tayenna kɛ la, sinan-ko-rayen le wo la.”

Daniyɛli 11:33

Allala mɔgɛta hɛnkilimɛnu si hɛnkili di mɔgɔ-siyaman ma. Kɔnɔ hali wo, anu si Allata mɔgɛnu tɔrɔ. Donu kunyɛ si to kɛlɛ rɔ. Donu si mintan tɛ rɔ. Kɛlɛ si ta donu na. Anu si donu gben anu bolo-fannu kuma.

Daniyɛli 11:40

“Siriya mansɛ siyi-ban-wati wa gbɛrɛn, Iyipiti mansɛ si na a kɛlɛ. Siriya mansɛ wo si kɛlɛ kɛ a sɛnbɛ bɛɛ la. A si kirindinu anubɛ soeenu anubɛ kulun-belebelenu bi kɛlɛ wola ko la. Ale mansɛ si ala kɛlɛ-den-siyamɛnu tatii nyamani-siyaman kun na.

Daniyɛli 12:13

“Ile Daniyɛli, i ni ma telenbagɛ la i siyi-tele-bɛɛ kɔrɔ. I wa ban fagala tumɛ min, i si i lasɔ tun wati-laban ka ila kɔntɔ-diya-fan sɔrɔn.”

Daniyɛli 12:5

Wo kɔma, nde, Daniyɛli ya kei-fila-sɔnɛ yen tun yi dafɛ. Kelan sɔnɛ yi-tɔnkɔn doi rɔ, kelan fanan sɔnɛ yi tɔnkɔn doi rɔ.

Daniyɛli 12:9

A ya n yabi ko, “Daniyɛli, ta i ye bawo kumɛ kɛ si to gbundi rɔ ha watila ban.

Daniyɛli 8:17

Yibirila nara sɔ n dafɛ min kɛ, n kilanta dɔgɔma-ma-de ka n gbesi dugi la a kɔrɔ. Ale Yibirila ya a fɔ n ye ko, “Hali hadama dan le ile la, a sɔgɛ ye n na, i ni ko-rayen kɛ kɔrɛ lɔn. Ko-rayen kɛ kolomɛ le duninyala ban-koe la.”

Daniyɛli 8:19

A ko, “Allata diminya-wati ye nala a labanna nya min, n bi nala wo le fɔla i ye kɛ la. Alla ara wati min natɛgɛ watila ban wara-koe rɔ, ko-rayirɛ kɛ kolomɛ le wo wara-koe la.

Daniyɛli 8:26

“N bɔ-san sɔgɔma-ani-wurala-saraka bɔ-koe min takaranna i yala, ko-rayen wo si bɔ-a-la. Kɔnɔ i kana a fɔ mɔgɔ-wo-mɔgɔ ye. A to i hɛnkili ma bawo yanni kɛ damasi ni bɔ-a-la, a si mɛ fɔlɔn.”

Matiyu 24:14

ado Allala mansaya-kibara-nyimɛ kɛ kawandilɛ si bɔ duninya kan-tinɛ bɛɛ rɔ alako a ni ma sereyɛ la mɔgɛ bɛɛ ye. Nba, ala ban si ke worɔ.

Romu 10:18

Kɔnɔ n ni nyinikalɛ kɛ. Yahudiyanu ya sarakanɛ kɛ lamɔɛn, ba? Tonyɛ le, anu ya a lamɔɛn. Iko a sɛbɛnɛ Allala kitabu rɔ nya min ko, “Sarakanɛ kɛ kera duninya kan tinɛ bɛɛ rɔ. A kera ha duninya dan la.”

Lankɛnimayɛ 10:4

Anu banta kumala nya min wo, n bi a fɛ nun ka sɛbɛli kɛ. Kɔnɔ n ya kuman-kan lamɔɛn bɔla Arinyɛni tɔ. A ko, “San-sɛrɛn wɔrɔnfilɛ ya min fɔ, i kana wo sɛbɛ bɛ min na. Gbundu-koe le wo la. A mara fɔlɔn!”

Lankɛnimayɛ 22:10

A ya a fɔ n ye fanan ko, “I kana wɔlɔyiya-kumɛ kɛnu ma gbundu-koe la bawo koe kɛ bɛɛ kɛ-tumɛ ara gbɛrɛn.

Lankɛnimayɛ 5:1

Ale min mayiginɛ mansaya-sigi-fan wo rɔ, n ya gbolo-lamininɛ yen a bolo-nyimɛ rɔ. A tɔnkɔn filɛ bɛɛ masɛbɛnɛ. A dɛ gbalɔnnɛ li-kɛɛn la dinkira wɔrɔnfilɛ.