Daniyɛli 12:11 - ALLALA KUMƐ

¹¹ “Ka a bi tɔn-sigi-wati ma sɔgɔma ani wurala-saraka-bɔ-koe rɔ, ha anu si kisimiriya-bɛsɛ sɔ Alla Bato-Bɔn kan-tina-sɛnima rɔ, wo si tele waga kelen, tele kɛmɛ fila ani tele bi-kɔnɔntɔ (1,290) bɔ.

Daniyɛli 12:11 Iomraidhean Croise

Bɔ-Koe-Iyipiti 29:38

“Tele-wo-tele, wo ni san-kelen-saga-den fila bɔ saraka-mintan-tinɛ kuma, sɔgɔma kelen, wurɛ la kelen.

Isikiyɛli 4:6

Wo wa ka-a-la, i ni i sa i bolo ma i bolo-nyimɛ kuma tele bi-nani (40) ka a tɛgɛ Yuda bɔnsɔn-mɔgɛnuna hakɛla ko ma. I ye tele kelen-kelan min bɛɛ bɔla nyɔ, wo si ma anu ma iko san kelen-kelen tɔrɔyɛ.

Daniyɛli 1:12

“Dɔn-fen-mɛsɛnɛnu anubɛ yi-gbansan di ma ma. I ni ma lakɔrɔsi tele tan kɔrɔ.

Daniyɛli 11:31

Ala kɛlɛ-kɛ-dan donu si Alla Bato-Bɔn tinya. Anu si tɔn sigi sɔgɔma ani wurala-saraka-bɔɛnu na. Anu si kisimiriya-bɛsɛ sɔ Alla Bato-Bɔn kan-tina-sɛnimɛ rɔ.

Daniyɛli 7:25

Alla Min Bi Fan Bɛɛ Kun Na, mansɛ wo si wo rasɛ ka ala mɔgɔ-sɛnimɛnu nyankankantan. A si anuta ladɛn-sɛnimɛnu tinya anubɛ anuta tɔnnu, ado Allata mɔgɛnu si taran ata sɛnbɛ kɔrɔ san sawa anubɛ a tala.

Daniyɛli 8:26

“N bɔ-san sɔgɔma-ani-wurala-saraka bɔ-koe min takaranna i yala, ko-rayen wo si bɔ-a-la. Kɔnɔ i kana a fɔ mɔgɔ-wo-mɔgɔ ye. A to i hɛnkili ma bawo yanni kɛ damasi ni bɔ-a-la, a si mɛ fɔlɔn.”

Daniyɛli 9:27

Ale kun-tigi-sɛnbɛmɛ wonubɛ mɔgɔ-siyaman si lanyiri kiri anu nyɔgɔn tɛma san wɔrɔnfila kɔrɔ. Wati wo wa tala a tɛma, a si tɔn sigi saraka-mintantɛnu anubɛ saraka doinu na. Kun-tigi wo si kisimiriya-bɛsɛ do sigi Alla Bato-Bɔn la kan-tina-sɛnimɛ rɔ. A si to nyɔ ha min ya ale bɛsɛ ladan, wo tɔrɔya-wati ni na iko Alla ya a rabɛn a ye nya min.”

Hoseya 3:4

Alla ko Isirɛla mɔgɛnu bi mala le iko musi kɛ. Anu si mɛ sigini, kun-tigi ti taran anu kun na. Anu ti saraka-wo-saraka bɔ. Hali anuna Alla-sako-lɔn-fannu, wonu ti taran anu bolo.

Matiyu 24:15

“Nɛbi Daniyɛli ya kisimiriya-koe minna ko fɔ, wo si wo sɔnɛ yen Kan-Tina-Sɛnimɛ rɔ Alla-Bato-Bɔn la. (Minnu bi kɛ karanna, anu ni anu taya a kɔrɛ-lɔn-koe ma!)

Maraka 13:14

“Wo si ‘kisimiriya koe’ sɔnɛ yen kan tinɛ do rɔ, a sɔ tina ma min na. (Minnu bi kɛ karanna, anu ni anu taya a kɔrɛ-lɔn koe ma!) Minnu bi Yudiya nyamanɛ rɔ, wonu ni anu buri ka yɛlɛ kɔnkɛnu kuma.

Lankɛnimayɛ 11:2

Kɔnɔ kata-burɛ minnu bi Alla-Bato-Bɔnla minɛ rɔ, i kana nyɔ suman bawo kan tinɛ wonu bara di sibolo-gbɛrɛnu ma. Anu si So-Sɛnimɛ kɛ radɔn karɛ bi-nani ani karɛ fila (42) kɔrɔ.

Lankɛnimayɛ 12:6

Musi wo ya a buri tala wulɛ rɔ. Alla ara wulɛ min tabɛn musi wo ye, a ya a buri tala nyɔ a kanan-koe la. A tora nyɔ tele waga kelen, tele kɛmɛ fila, ani tele bi-wɔrɔ (1,260) kɔrɔ.

Lankɛnimayɛ 13:5

Alla sɔnta ko sogo-feremɛ wo ni a nyɛrɛ kɔrɔbi ka ale Alla-rapɔsi-kumɛnu fɔ. A ya sɛnbɛ anubɛ sarati sɔrɔn Alla bolo karɛ bi-nani ani karɛ fila (42) kɔrɔ.