Daniyɛli 12:1 - ALLALA KUMƐ

¹ Linɛn-kurɛ donnɛ melika min kan na, wo ya a fɔ n ye ko, “Wati wo si a taran, ila nyamanita-mɔgɛnuna kandan-melika min tɔgɛ Maikali, wo si bɔ gbɛ rɔ. Wo wati rɔ, tɔrɔyɛ si koloya duninyama-tɔrɔyɛ bɛɛ ko. Ile Daniyɛlila nyamanita-mɔgɛ minnu tɔgɛ sɛbɛnɛ Allata buku rɔ, wonu si kisi.

Daniyɛli 12:1 Iomraidhean Croise

Yaburi 56:8

N kira n ya la nya min, i fonde ni to wo ko. I ni n ya-yi lamara a dan na fan do rɔ alako i ni a lɔn n bara min nyɔgɔn diyi kɛ.

Yaburi 69:28

Anu tɔgɛ bɔ nimaya-kɛdi rɔ. Anu tɔgɛ kana taran ila mɔgɔ-telennɛnu tɔgɛ tɛma.

Aiseya 4:3

Alla ara ban a latɛgɛla min kɛndɛ si to Yerusalɛm soe burɔ, wonu si kele ko mɔgɔ-sɛnimɛnu.

Aiseya 9:7

Ata mansaya-dan sa. Yisi-kimɛ le ye ata mansayɛ rɔ burubukai! A si mansayɛ kɛ a kebila Mansa Dawuda gbɛ rɔ. Ka a bi wo wati ma ha tumɛ min di Alla ye, ata mansaya-sɛnbɛ le tɔn-birɛ anubɛ telenbagayɛ la. Mari Sɛnbɛ-Bɛɛ-Tigi ara a wakila wo kɛ-koe ma.

Yɛrɛmaya 30:10

A ko wole, ata mɔgɛnu, wo kana kilan. Wole Isirɛla mɔgɛnu, wo kuma kana kɔ. A ko a si wo kunyɛ bɔ nyamani-yan wo rɔ wo ye biralɛ rɔ kan min nun, kɔni. A ko wo si sɛgi wo warɛ. Wo ni sigi nyɔ wo fanbolo. Wo si to sigini lafɛrɛ rɔ. Mɔgɔ ti wo rakilan.

Yɛrɛmaya 30:7

Kabana-ko-tele ye nala min nyɔgɔn ti na tun. Kɛ si ma tɔrɔya-tele la wole, Yakoba kegeyɛnu ye kɔnɔ wo kunyɛ si bɔ a rɔ.

Isikiyɛli 13:9

Ka a tɛgɛ anuna ko-rayirɛ anubɛ anuna foninya-wɔlɔyiya-kuma-fɔɛ wo ma, a ara to sɛ, n ni bila anu tɔ. Nna mɔgɛnu ba anu kundɛn ka koe latɛgɛ anu nyɛrɛ ma, foninya-nɛbi wonu ti bɛn wo rɔ. Isirɛla dugurannu tɔgɛ sɛbɛnɛ kan min, anu denu tɔgɔ ti taran nyɔ hali! Anu ti sɛgi anuna nyamanɛ wo rɔ tun. Wo wa ma tumɛ min, anu si a lɔn ko wo Tigi Mari le nde la.

Isikiyɛli 34:24

Nde si ma anuta Alla la. Anuna mansɛ wo si taran anu kun na iko nta wɔli-kɛla Dawuda taranta anu kun na nya min. Nde, Mari ara ban wo fɔla.

Isikiyɛli 5:9

Wo ye n gboyana-koenu mala min kɛ, woletɔ n bi tɔrɔyɛ min sigila wole Yerusalɛm kɛnu ma, ha bi, n ma wo nyɔgɔn ma wɛ, ado n ti wo nyɔgɔn ma tun!

Daniyɛli 10:13

Tele mogan-ni-kelan kɔrɔ, Pasiya nyamanɛ nyina-yogomɛ ya kilɛ tɛgɛ n ma. Melika kun-tigi do min tɔgɛ Maikali, wo tara n dɛnbɛn tinɛ bawo n kelan le wara to Pasiya nyamanɛ rɔ wo wati rɔ nun.

Daniyɛli 11:45

Alla Bato-Bɔn ye kɔnkɛ min kuma wo, kɔgɔ-yi wo, ale mansɛ si ala fani-bon-hakikɛnu sɔ wonu tɛma. Kɔnɔ tɔ-a-la, ale mansɛ si faga, a dɛnbɛna fenfen sa nala a taranna.”

Daniyɛli 7:10

Tɛ ye bɔla waganɛ wo kɔrɔ iko ba-yi. Melika-wulu-yirika-siyaman sɔnɛ a yakɔrɔ. Wonu bi ata wɔlɛ kɛla. Kiti-tɛgɛlɛnu ya anu sigi ka kiti-sa-bukunu dɛ laka.

Daniyɛli 9:12

I ya a fɔ ko i ye nala koe min bɛɛsi mala male anubɛ mala kun-tiginu na, i wara wonu ma ma la serr! I wara Yerusalɛm soe tɔrɔ ka tenbi soe bɛɛ la duninya rɔ.

Yowɛli 2:2

Pinpi si burun wo kuma wulɔn. Wo yisi si pirinkan. Kɛlɛ-den-siyamɛnu tɔnkɔnyɔ si na iko banda-finyɛ si ta sala tele ya-ma nya min. Wo nyɔgɔn kɛlɛ-den ma na wɛ, ado wo nyɔgɔn ti na tun.

Malakayi 3:16

Wo kɔma, minnu bi Alla gbiliyala, wonu bi kirabɔla anu nyɔgɔn na. Mari ye a wɔlɔ matɔlɔla wonu na. Anu bi min bɛɛsi fɔla, a ye wonu namɔɛnna. Mɔgɛ min bɛɛsi ye Alla gbiliyala, wonu tɔgɛ sɛbɛnɛ Allata hɛnkili-lamiri-buku rɔ.

Matiyu 24:21

ado wo wati rɔ, mɔgɛnu si tɔrɔyɛ sɔrɔn ka tenbi tɔrɔyɛ bɛɛ la min nyɔgɔn ma kɛ wɛ kebi duninya danta, ado a nyɔgɔn ti kɛ fanan mumɛ!

Maraka 13:19

bawo mɔgɛnu si tɔrɔyɛ sɔrɔn ka tenbi tɔrɔyɛ bɛɛ la min nyɔgɔn ma kɛ bɛ kebi duninya danta, ado a nyɔgɔn ti kɛ fanan mumɛ!

Luka 10:20

Kɔnɔ wo kana sewa bawo nyina-yogomɛnu bi wola kumɛnu birala. Min fisa, wo ni sewa bawo wo ara ma dugurannu na Arinyɛni tɔ.”

Romu 11:15

ado Alla ya a ban Isirɛla mɔgɛnu na tumɛ min, wole sibolo-gbɛrɛnu mara Alla diyana-mɔgɛnu na. Alla wa anu tabira tun ka anu ma ata mɔgɛnu na, wo si ma iko furi niyi wa sɛgi a rɔ!

Romu 11:26

Isirɛla mumɛ bɛɛ si kisi nya min, wo le kɛ la. Iko a sɛbɛnɛ Allala kitabu rɔ nya min, a ko, “Kunkalɛ si bɔ Yerusalɛm. A si ko-yogomɛ bɛɛ ban Yakoba bɔnsɔn rɔ.

Ɛfɛsa 1:21

Allata nima-fan bɛɛ, a mara melika la wo, a mara nyina la wo, a mara hadama-den na wo, Kirasiti tenbira wonubɛ anuna kun-tiginu na. Duninya kɛ wo, duninya min bi nala wo, Kirasiti tɔgɛ kolo sɛnbɛ-tigi wo bɛɛ ko.

Filipai 4:3

Ile bɛrɛn Timoti, n ta-nyɔgɛ lanaya-mɔgɛ le ile la. N bi a fɛ, i ni musi wonu dɛnbɛ bawo anu bara wɔli n fɛ kati! Anubɛ Kalɛmɛnti ara kibara-nyimɛ nyɛnsɛn anubɛ n ta-nyɔgɛ minnu bɛɛ tɔgɛ sɛbɛnɛ Allata nimaya-buku rɔ.

Yude 1:9

Hali melika-kun-tigi Maikali ma wo ko-su kɛ anubɛ Setanɛ ye kɛlɛla Musa furi kuma tumɛ min. Hali wo, Maikali ma sɔn Setanɛ mɔɛnna fɔ ka a fɔ ko, “Mari ni i makuma!”

Lankɛnimayɛ 1:5

Hinɛ anubɛ yisi-kimɛ wonu ni na fanan ka bɔ Yisa, Allata-Mɔgɔ-Yabɔnɛ bolo, dɛnkɛninya-sereyɛ, kɔni, ado a fɔlɔtɛ le Yisa la min nawulita ka bɔ furinu tɛma. A ye kun-tigiyɛ kɛla duninya-mansɛnu kun na fanan. A ara ma keni ka ma hɔrɔya mala hakɛnu ma ala sayɛ fɛ.

Lankɛnimayɛ 12:7

Wo kɔma, kɛlɛ kɛra san-kole rɔ! Maikali anubɛ ata melikanu ya ninkinankɛ wonubɛ ata melikanu kɛlɛ,

Lankɛnimayɛ 13:8

Min bɛɛ siginɛ dugu-kole kuma, wonu si na a bato. Kɔnɔ minnu tɔgɛ sɛbɛnɛ Nimaya-kitabu rɔ, wonu denu ti sogo-feremɛ wo kɔ. Saga-dan min faga-koe latɛgɛra yanni duninya ni dan, wota buku le wo la. (

Lankɛnimayɛ 17:14

Wonu si saga-dan kɛlɛ. Kɔnɔ saga-dan anubɛ ata mɔgɛnu si anu nɔ. A ya mɔgɛ wonu kele ka anu yabɔ anuta lanayɛla ko la. Saga-dan si anu nɔ bawo marinuta Mari le ale la anubɛ mansɛnuta Mansɛ.”

Lankɛnimayɛ 20:12

Nba, n ya furinu yen, a dɔgɔma wo, a kinama wo, a bɛɛ. Anu sɔnɛ mansaya-sigi-fan wo yakɔrɔ. Buku donu nakara. Wo kɔma, buku-gbɛrɛ lakara, mɔgɔ-nimɛnuta-buku, kɔni. Anuna kiti tɛgɛra iko anuna kɛwɔlɛnu bi nya min. Wonu denu sɛbɛnɛ buku wonu tɔ.

Lankɛnimayɛ 20:15

Mɔgɛ min tɔgɔ sɛbɛni ma mɔgɔ-nimɛnuta buku rɔ, wonu nafilita ta-dalɛ wo rɔ.

Lankɛnimayɛ 3:5

Minnu ba nɔlɛ kɛ, duruki-gbɛ si don wonu kan na iko doi wonu. N ti anu tɔgɛ bɔ Mɔgɔ-Nimɛnuta-Kitabu rɔ mumɛ! N si a fɔ n Fa anubɛ ata melikanu yala gbɛ rɔ serr, ko ntɛ le anu na.

Lankɛnimayɛ 7:14

N ya a yabi ko, “N fa, nde ma a lɔn. Ile le ya wo lɔn.” A ya a fɔ n ye ko, “Minnu bara kisi ka bɔ bɛnsɛnkɔninya-wɛ rɔ, wonu denu bi wonu na. Anu ya anuna duruku-yannu ku ka a ma, anu ni gbɛ saga-dan-yele rɔ.