Daniyɛli 11:7 - ALLALA KUMƐ

⁷ A ti mɛ lefan, musi wo na-kelen-nyɔgɛ si ma Iyipiti mansɛ la. Mansɛ wo si ta bui Siriya kɛlɛ-dannu anubɛ anuna mansɛ ma. A si ta anuna so-latankanɛ wo bira-a-la ka anu nɔ.

Daniyɛli 11:7 Iomraidhean Croise

Yobu 14:7

Kɔlɔma-kuri min tɛgɛnɛ, yili-madiyɛ ye wo bolo ko a si a matii tun ka nɔrɔn.

Yaburi 109:8

Alamɛ a siyi-fɛ wuruyara kudɛ! Alamɛ mɔgɔ-gbɛrɛ ya a gbɛ bi.

Yaburi 55:23

E, Alla, i si mɔgɔ-fagalɛ anubɛ foninya-fɔlɛnu natosokɔrɔ lakira hali anu siyi ma ban. Kɔnɔ nde lanɛ ile la.

Aiseya 11:1

Dawudata mansaya-bɔn manɛ iko kɔlɔma min tɛgɛnɛ a la, a kɔn-kundi tonɛ dugi rɔ. Iko kɔn-kundi wo ye a matiila nya min, mansɛ do si fɛrɛn Dawuda kegeyɛ rɔ wo nya na le.

Aiseya 9:14

Mari si Isirɛla kun-tiginu anubɛ anuna mɔgɛ toenu tɔrɔ tele kelen kɔrɔ. A si anu kunyɛ anubɛ anu kɔɛ tɛgɛ a la gbat!

Yɛrɛmaya 12:2

I wara wunduyogenu ki ma tɛma yan. A mani de iko anu suli gbangbannɛ gben, ado anu bi nanfala ka gbɔ. Anu bi i matɔgɔla anu da rɔ kɔnɔ anu yisi fɛ-yan i la pon!

Isikiyɛli 17:18

Sarama-kan min bi anu tɛma, Yuda mansɛ wo ya a waralɛ tinya woletɔ a kunyɛ ti bɔ a rɔ.

Daniyɛli 11:40

“Siriya mansɛ siyi-ban-wati wa gbɛrɛn, Iyipiti mansɛ si na a kɛlɛ. Siriya mansɛ wo si kɛlɛ kɛ a sɛnbɛ bɛɛ la. A si kirindinu anubɛ soeenu anubɛ kulun-belebelenu bi kɛlɛ wola ko la. Ale mansɛ si ala kɛlɛ-den-siyamɛnu tatii nyamani-siyaman kun na.

Daniyɛli 11:6

San yiraka wa tenbi, Iyipiti mansɛ anubɛ Siriya mansɛ si diya ka to kan kelen tɔ, ado Iyipiti mansɛ wo si ala dunmusi di a ma. Kɔnɔ hali wo, anuna ko-rabɛn wo si tinya. Ale dunmusi wo, ala kei wo, anuna dan wo, anubɛ musi wola wɔli-kɛlɛ minnu tara a fɛ wo, anu si na anu bɛɛsi faga.

Malakayi 4:1

Mari Sɛnbɛ-Bɛɛ-Tigi ya a fɔ ko wati ye nala, mɔgɔ-wasinɛnu anubɛ karagbɛlɛ damasi si mintan gburr iko bin-gbalɛ.

Luka 12:20

Kɔnɔ Alla ya a fɔ a ye ko, ‘Ile kuntan, bi suyi nyɛrɛ rɔ, wobɛ i niyi si fara wo nyɔgɔn na. Wo kɔma, i wara fan minnu namara i nyɛrɛ ye, wonu si ma yontɛ la gbɛ?’ ”