Daniyɛli 11:6 - ALLALA KUMƐ

⁶ San yiraka wa tenbi, Iyipiti mansɛ anubɛ Siriya mansɛ si diya ka to kan kelen tɔ, ado Iyipiti mansɛ wo si ala dunmusi di a ma. Kɔnɔ hali wo, anuna ko-rabɛn wo si tinya. Ale dunmusi wo, ala kei wo, anuna dan wo, anubɛ musi wola wɔli-kɛlɛ minnu tara a fɛ wo, anu si na anu bɛɛsi faga.

Daniyɛli 11:6 Iomraidhean Croise

Yobu 38:15

Teleta waan kolo nya min, karagbɛlɛnu ti ke anuna karagbɛlɛyɛ mala wo kɔrɔ.

Yaburi 10:5

Karagbɛlɛ ya a bole don ko-wo-ko rɔ, wo ti sɛgi kɔma. A ti Allata kiti-tɛgɛ-bole nya-yen. A si nyima a yogenu tɔ.

Isikiyɛli 30:21

“Ile hadama-dan, n bara Iyipiti mansɛ bole rakeri. Mɔgɔ-wo-mɔgɔ ma a makiri a kɛndɛya-koe la. A ti ke faan birala a la tun.

Daniyɛli 11:13

“Wo kɔma, Siriya mansɛ wo si sɛgi ka ta kɛlɛ-dannu nadɛn ka tenbi a fɔlɔtɛ la. San yiraka wa tenbi, a si sɛgi ala kɛlɛ-dannu na kɛlɛ-miran-siyamɛ ye minnu bolo.

Daniyɛli 11:15

Wo kɔma, Siriya mansɛ si ta bɔnkɛ ladɛn so-latankanɛ do tarɛ kɔrɔ alako anu ni a bira-a-la. Kɔnɔ Iyipiti kɛlɛ-dan wonu ma ke anu kɛlɛla. Hali anuna kɛlɛ-kɛla-wɛ min tagbɛlɛ, wo ra ti gbɛlɛya anu ko.

Daniyɛli 11:40

“Siriya mansɛ siyi-ban-wati wa gbɛrɛn, Iyipiti mansɛ si na a kɛlɛ. Siriya mansɛ wo si kɛlɛ kɛ a sɛnbɛ bɛɛ la. A si kirindinu anubɛ soeenu anubɛ kulun-belebelenu bi kɛlɛ wola ko la. Ale mansɛ si ala kɛlɛ-den-siyamɛnu tatii nyamani-siyaman kun na.

Daniyɛli 11:7

A ti mɛ lefan, musi wo na-kelen-nyɔgɛ si ma Iyipiti mansɛ la. Mansɛ wo si ta bui Siriya kɛlɛ-dannu anubɛ anuna mansɛ ma. A si ta anuna so-latankanɛ wo bira-a-la ka anu nɔ.

Sakaraya 11:16

bawo a ye nala saga-fɛ-biralayɛ tola mɔgɛ do bolo minna ko sa sagɛ wonuna ko rɔ. Min ba to-a-rɔ, a ti wo nyini. Min ba ta a kun fɛ, a ti wo gba bɔ. Min ba tanban, a ti wo dandan. Minnu fɛrɛ nɔrɔnnɛ anu ma, a sa wonu de-nyinina. A sɔnsɔnnɛ wonu denu dɔn ma hali anu kolenu ma to.