Daniyɛli 11:4 - ALLALA KUMƐ

⁴ Kɔnɔ ala mansayɛ wa wara ha ka a dan-natenbi, ala nyamanɛ wo si tala nyamani nani na kɔnɔ mansa nanɛ wonu fenfen ti ma a kebila-nyɔgɔn la. Kɔnɔ hali wo, anu ti sɛnbɛ sɔrɔn ka ke ale mansɛ rɔ.

Daniyɛli 11:4 Iomraidhean Croise

Yaburi 39:6

A si sama iko ninɛ. Hadama-dan ye koe min bɛɛsi mala, fu le wo la ile yala. Hali a ya nɔnfuli ladɛn bui, mɔgɔ-wo-mɔgɔ ma a lɔn wo ye a labanna min bolo.

Makawandili Kumɛnu 4:8

Mɔgɛ do ye nyɔ, a kelan le siginɛ. Den sa a bolo, ado a na-kelen-nyɔgɔn sa. A sɛbɛ donnɛ wɔlɛ ma bɛrɛbɛrɛkɛ kɔnɔ a ye fan minnu sɔrɔnna, wonu ti a wasa. A ye wɔli-belebele wo kɛla yonna ko la ka a kan-kɔ sɔ nyɛrɛ-ladiyɛ la? Mɔnima-wɔli-su wo ragbɛlɛ de!

Yɛrɛmaya 12:15

A ko a wa ban sibolo-gbɛrɛ wonu wurunna tumɛ min, anuna hinɛ ni na to donna ale rɔ. A ko a si bɛɛ sigi a halala-fen kun na.

Yɛrɛmaya 12:17

Kɔnɔ sibole minnu ti sɔn anu tole sigila a kan kɔrɔ ka ala kumɛ bira, a si wonu wurun burutu ka anu kasara pɔ!

Yɛrɛmaya 18:7

A ko wo tumɛ ye nala, a si sibolo doi wara-koe fɔ. Tumado a si sibole wo wurun ka a fɛrɛn dugi la alako a si tinya pɔ!

Yɛrɛmaya 31:40

Anu bi furinu togonna lɛɛ min tɔ, ado a manɛ anu bolo sundu-kunyɛ la, ale soe si ta tele-bɔɛ wara la ha nyɔ. Anuna soe wo le ye bɔla sɔla nyɔ ma ka ta furr, ha Kidirɔn yi kɔgɔma. Soe wo le si ta fanan ka ta a labɔ Yerusalɛm don-dɛ la min tɔgɛ, “Soee.” Tɛngbɛnya wo dama si ma Marita so-sɛnimɛ la. A ko nyɔ ti kasara tun!

Yɛrɛmaya 45:4

Kɔnɔ Mari ko ale ara min sɔ, a si wo labui. A ara min ki, a si wo wurun. A ko a si wo sigi duninya bɛɛ ma.

Yɛrɛmaya 49:36

A si fɔn-digidigi-wɛ latugu anu ma ka bɔ duninya-tonko-nanɛ bɛɛ rɔ. Fɔnyɔ wo si Ilam kɛ wonu tanyɛnsɛn duninya kun na. Duninya-tɛngbɛnya fenfen ti taran Ilam kɛ kɛnu ti ke kan min.

Isikiyɛli 37:9

Wo kɔma, Mari ya a fɔ n ye ko, “Ile hadama-dan, nna kumɛ fɔ fɔnyɔ ye. A fɔ a ye ko a Tigi Mari ye ale fɔnyɔ lawulila ka bɔ duninya-tonko-nanɛ bɛɛ rɔ. A ni na a lafɛ furi kɛnu tɔ alako anu ni anu niyi sɔrɔn tun.”

Daniyɛli 7:2

Daniyɛli ko, “Nna kiyo kɛ rɔ, n ya fɔnyɔ yen bɔla duninya-tonko-nanɛ bɛɛ rɔ. A ye kɔgɔ-yi ralonkon-lankanna.

Daniyɛli 7:6

“N bi kɛ fanan mafɛlan kun na tumɛ min, n ya a sogo-sawa-nyɔgɛ yen. Wo manɛ le iko kuli kɔnɔ a kanban nani sɔnɛ a kɔɛ ma. Wonu manɛ iko konatɛ, ado a kunyɛ nani. Mansaya-sɛnbɛ dira a ma.

Daniyɛli 7:8

N bi n mirila kere wonu bara-koe ma tumɛ min, n ya kere-nɛ do yen yɛlɛla kere doi wonu tɛma. A yɛlɛmatoe ya kere sawa tuntun kere kɛnu tɛma ka wonu nabɔ. Hadama-den-yɛ ye kere nɛ wo bolo, ado mankan-tugu-dɛ ye a bolo.

Daniyɛli 8:22

I ya a kere min yen kerila wo la, kere nani bɔra a gbɛ rɔ baa-kɔrɔn wo kunyɛ ma, wo kɔrɛ le ko Kirisi nyamanɛ si fara. A ni ma nyamani nani na. Kɔnɔ nyamani nani kɛnu ti sɛnbɛ sɔrɔn iko anu nakofunɛ wati min.

Daniyɛli 8:8

Baa-kɔrɔn wo tora a kɔnkɔnna ata sɛnbɛla ko la kɔnɔ a sɛnbɛ ke a dan ma, a kere kelan wo kerita. A kere sɔnɛ kan min nun, kere nani bɔra nyɔ. Wo bɛɛ sungban latanɛ a dan na.

Sakaraya 2:6

Wo kɔma, nde, Sakaraya ya Mari kuman-kan latenbi ala mɔgɛnu ma ko, “Mari ko a ara wo ranyɛnsɛn duninya-tonko-nanɛ bɛɛ rɔ kɔnɔ wo ni wo buri bɔla Babilɔn nyamanɛ rɔ ka sɛgi Yerusalɛm soe burɔ.

Sakaraya 6:5

A ya a fɔ n ye ko, “Kɛnu nanɛ ka bɔ duninya-tigi Mari bolo. Wonu bi tala duninya-tonko-nanɛ rɔ.”

Matiyu 12:25

Anu bi anu mirila min ma, Yisa ya wo lɔn. Woletɔ a ya a fɔ anu ye ko, “Ni mɔgɛnu bi anu nyɔgɛnu kɛlɛla nyamani-wo-nyamani rɔ ka dan-nafarɛ sa anu nyɔgɔn tɛma, nyamanɛ wo ti mɛ! Ni so-burɔ-mɔgɛnu bi anu nyɔgɛnu kɛlɛla, ni wo ma, denbayɛ ka dan-nafarɛ sa anu nyɔgɔn tɛma, wo si tinya pɔ!

Luka 12:20

Kɔnɔ Alla ya a fɔ a ye ko, ‘Ile kuntan, bi suyi nyɛrɛ rɔ, wobɛ i niyi si fara wo nyɔgɔn na. Wo kɔma, i wara fan minnu namara i nyɛrɛ ye, wonu si ma yontɛ la gbɛ?’ ”

Lankɛnimayɛ 7:1

Wo kɔma, n ya melika nani sɔnɛ yen dugu-kole-tonko-nanɛ rɔ. Dugu-kolo-fɔn-nani biranɛ anu bolo alako fɔnyɔ kana tugu dugu-kole anubɛ kɔgɔ-yi anubɛ kɔlɔmanu ma tun.