Daniyɛli 11:38 - ALLALA KUMƐ

³⁸ Ale lara bɛsɛ min na fɔ min bi so-latankanɛnu makandanna. Sɛnɛ wo, wodi-gbɛ wo, dugu-kɔrɔ-nɔnfulu-sufa bɛɛ wo, anubɛ fen-kolomɛ donu, a si wo dama don bɛsɛ wo fɛ-koe rɔ, ado a benbanu fenfen ma bɛsɛ wo kɔ.

Daniyɛli 11:38 Iomraidhean Croise

Aiseya 44:9

Mɔgɔ-fuyi le bɛsi-ladannɛnu na. Hali bɛsɛ di mɔgɛnu ye, fufafuyi le bɛsɛ wonu na. Minnu bi bɛsɛ wonu kɔla, fiyɔn anubɛ kun-takolɔn le wonu na. Anuna kun-takolonyɛ si a laban anu bolo yarabiyi ma.

Daniyɛli 11:37

Ale Siriya mansɛ si a kan-kɔ sɔ a benbanuta bɛsɛ la. Hali bɛsɛ min di musinu ye wɛ kɛ, ale le ko sa wo rɔ fanan, ado a si a kan-kɔ sɔ bɛsɛ wonu dama la bawo a ya a lɔn ko a kolo bɛsɛ wonu ko.

Daniyɛli 11:39

Bɛsi-gbɛrɛkɛ kɛla sɛnbɛ si a dɛnbɛ alako ala so-latankanɛ wo ni kandan. Ala mɔgɛ minnu sɔnɛ a fɛ ala mansayɛ wo rɔ gben, a si wonu ma kun-tigi-belebelenu na ala nyamanɛ wo rɔ ka dugu-hakikɛ ma anu kɔntɔ-diya-fan la.

Daniyɛli 11:7

A ti mɛ lefan, musi wo na-kelen-nyɔgɛ si ma Iyipiti mansɛ la. Mansɛ wo si ta bui Siriya kɛlɛ-dannu anubɛ anuna mansɛ ma. A si ta anuna so-latankanɛ wo bira-a-la ka anu nɔ.

1 Timoti 4:1

Allata Ni-Sɛnimɛ ya a gbɛ ko wati-laban kɛ kɔrɔ, mɔgɛ donu si dɛnkɛninyɛ boloka. Anu si foninya-karan bira min bi bɔla nyinɛnuna karan rɔ.

Lankɛnimayɛ 18:12

Anuna sɛnɛ wo, anuna wodi-gbɛ wo, anuna kuru-da-gbɛlɛmɛnu wo, anubɛ anuna kɔnɔ-kolo-da-gbɛlɛmɛnu, wonu sanna sa nyɔ tun. Anuna linɛn-kura-nyimɛnu anubɛ kura-bilolamɛnu, anuna kura-manunkunɛ, anubɛ kura-wulannu, wo fanan sanna sa nyɔ tun. Anuna kɔlɔma-hakikɛnu wo, anuna sogo-ba-nyin nadannɛ fan minnu na wo, kɔlɔma-da-gbɛlɛmɛnu wo, anubɛ silɛɛ wo, nɛgɛ wo, anubɛ bɛrɛ-kurinu wo, wo fanan sanna sa nyɔ tun.