Daniyɛli 11:37 - ALLALA KUMƐ

³⁷ Ale Siriya mansɛ si a kan-kɔ sɔ a benbanuta bɛsɛ la. Hali bɛsɛ min di musinu ye wɛ kɛ, ale le ko sa wo rɔ fanan, ado a si a kan-kɔ sɔ bɛsɛ wonu dama la bawo a ya a lɔn ko a kolo bɛsɛ wonu ko.

Daniyɛli 11:37 Iomraidhean Croise

Ko-Dabirɛnu 3:16

Alla ya a fɔ musi wo ye ko, “N si a lagbɛlɛya i kuma den sɔrɔn tinɛ. Hali wo, ila kei-sɔgɛ si taran i la, ado a si kun-tigiyɛ kɛ i kuma.”

Ko-Dabirɛnu 3:5

Alla ya wo fɔ kamasɔrɔn a ya a lɔn ko wo wa a dɔn tumɛ min, wo si hɛnkili sɔrɔn iko ale Alla ya ko-nyimɛ anubɛ ko-yogomɛ dan-nafarɛ lɔn nya min.”

Keninteya-Siginu 7:10

Nde ladaganɛ n keninte dɔrɔn de ye. A yili sa mɔgɔ-wo-mɔgɔ ma fɔ nde.

Aiseya 14:13

I wara ban a latɛgɛla nun ko fɔ i wa ta ila mansaya-waganɛ sigi lolenu kuma san-kole rɔ pon! I miri nun ko i si i sigi kantɔ-kɔnkɛ wo kuma pon ladɛn si kɛ kan min bɛsɛnu ye.

Aiseya 14:14

I ko i si yɛlɛ san-kole kuma pon ka ma iko Alla Sɛnbɛ-Bɛɛ-Tigi.

Isikiyɛli 24:16

“Ile hadama-dan, n si ila musi bi i bolo tiriya! Musi wo di i ye i ta-nyɔgɛ bɛɛ ko, ado i yasere-masa-tina sa. I kana di hali ka i ya-yi labɔ,

Isikiyɛli 28:2

“Ile hadama-dan, i ni nde, wo Tigi Mari kuman-kan kɛ latenbi Taya mansɛ ma. A fɔ a ye ko a kɔrɔbinɛ wasinteyɛ la a bolo. A ye a nyɛrɛ mala Alla la. A ye a fɔla ko a siginɛ Allala mansaya-waganɛ rɔ, kɔgɔ-yi ye ala foolɛ rɔ. A ye a nyɛrɛ mala iko Alla, ado hadama-den-gbansan le ale la.

Daniyɛli 11:36

“Min ba diya ale Siriya mansɛ ye, a ye wo le mala. A si a wasi a la ko ale kolo bɛsɛ bɛɛ ko hali Alla nyɛrɛ Min Bi Fan Bɛɛ Kun Na. A si to a sɔn kɛ kun na furr, ha a tɔrɔya-wati ni ke Alla bolo. Alla si a latɛgɛ iko a miriyanɛ ye nya min.

Daniyɛli 11:38

Ale lara bɛsɛ min na fɔ min bi so-latankanɛnu makandanna. Sɛnɛ wo, wodi-gbɛ wo, dugu-kɔrɔ-nɔnfulu-sufa bɛɛ wo, anubɛ fen-kolomɛ donu, a si wo dama don bɛsɛ wo fɛ-koe rɔ, ado a benbanu fenfen ma bɛsɛ wo kɔ.

Daniyɛli 8:11

Kere wo nyɛrɛ bilara Alla nyɛrɛ la, ale min bi Arinyɛnɛta-kɛlɛ-dannu kun na, kɔni. Anu bi sarakɛ minnu bɔla Alla ye tele-wo-tele, a ya wo tinya. A ya Mari Bato-Bɔn tinya.

Tɔn-Fɔɛ-Fila-Nyɔgɛ 21:11

tumado wo si musu-kinyɛ do taran nyɔ a sɔgɛ ye mɔgɛ do la ka min ma ata musi la.

Tɔn-Fɔɛ-Fila-Nyɔgɛ 5:21

“A ko a sigi-nyɔgɛta musu wo, ala bon wo, ala dugu wo, ala yɔɔn wo, ala kolo-fannu wo, mɔgɔ kana a niyi sa fenfen sufa kuma min bi a bolo.

2 Tɛsalonaika 2:4

Mɔgɛnu bi bɛsɛ min bɛɛ matɔgɔla, anubɛ anu si min gbiliya Alla gbɛ rɔ, “Kirasiti-yogo-finma-wɛ” wo si wuli wo bɛɛ kan ma. A si a nyɛrɛ sigi wo bɛɛ kun na. A si a tui ka don Alla-Bato-Bɔn la ka a fɔ a nyɛrɛ ma ko Alla le ale la.

1 Timoti 4:3

Wo mɔgɔ-sufanu bi mɔgɛnu karanna ko furu-kiri-koe anubɛ dɔn-fan-donu dɔn-koe, ko-yogomɛ le wonu na. Kɔnɔ ni i wara ban baraka birala Alla ye wonuna ko la, Alla ko wonu ma yogo. A ya wonu nadan dɛnkɛninya-mɔgɛnu ye minnu bara ban tonyɛ lɔnna.