Daniyɛli 11:36 - ALLALA KUMƐ

³⁶ “Min ba diya ale Siriya mansɛ ye, a ye wo le mala. A si a wasi a la ko ale kolo bɛsɛ bɛɛ ko hali Alla nyɛrɛ Min Bi Fan Bɛɛ Kun Na. A si to a sɔn kɛ kun na furr, ha a tɔrɔya-wati ni ke Alla bolo. Alla si a latɛgɛ iko a miriyanɛ ye nya min.

Daniyɛli 11:36 Iomraidhean Croise

Yaburi 136:2

Ale Alla min tenbira bɛsɛ bɛɛ la, ma ni baraka bira wo ye. Ala keninteyɛ dan sa.

Yaburi 33:10

Mari ya sibolo-gbɛrɛnuna miriya-yogenu tinya. A ya a ma, anuna miriya-yogenu tora anu burɔ.

Hɛnkilimaya-Kumɛnu 19:21

Mɔgɛ si a miri le kɔnɔ Mari, wo le ye a latɛgɛla le.

Aiseya 10:23

Ma Tigi, Mari Sɛnbɛ-Bɛɛ-Tigi si kasarɛ lana nyamanɛ mumɛ bɛɛ rɔ iko a ara ban a latɛgɛla nya min.

Aiseya 10:25

A ko wati-kundu-ni ba tenbi, a si a fara wo tɔrɔla. A ko wo kɔma, a ni a ya-lamunun Asiriyanu na ka anu tɔrɔ.

Aiseya 10:5

Mari ko wole Asiriya kɛnu! A ko a fonde bɔnɛ mɔgɛ minnu kan ma, a si wole bi ka wo ma gbelekɛ la anu kɛlɛ tinɛ.

Aiseya 14:13

I wara ban a latɛgɛla nun ko fɔ i wa ta ila mansaya-waganɛ sigi lolenu kuma san-kole rɔ pon! I miri nun ko i si i sigi kantɔ-kɔnkɛ wo kuma pon ladɛn si kɛ kan min bɛsɛnu ye.

Aiseya 14:14

I ko i si yɛlɛ san-kole kuma pon ka ma iko Alla Sɛnbɛ-Bɛɛ-Tigi.

Aiseya 26:20

E, nta mɔgɛnu, wo don wola bɔnnu na ka don-dɛ balan wo nyɛrɛ ma wati-kundu-ni kɔrɔ. Wo ni wo dogon sogbe, ha Allata fondo-bɔɛ ni ban.

Aiseya 30:33

Mari ara ta-bondɔn ladan Asiriya mansɛ ye, bi ko ma, a si mintan kan min gburr! Nyɔ rayan, a kolo, a lafanɛ sɔgɛ la pim. Mari si tɛ lafɛ alako tɛ ni bira ale mansɛ la kiribo!

Aiseya 46:10

A ko kebi duninya dabirɛ, a ya ko-laban-watinu fɔ. Koe min bi nala mala yarɔ, a ya wonu fɔ wo ye, bi ko ma wo la. A ya a fɔ ko ala ko-latɛgɛnɛnu ti tinya. A ko a ara ban koe minnu miriyala, fɔ a wa wonu ma le!

Aiseya 57:9

Wo ye tuli anubɛ sɛnti-suma-diyamɛnu kɛla wo ma alako ka wola bɛsɛ Molɛki hɛnɛ. Wo ye mɔgɛnu natala wula-yannu na pon, hali lakira fanan alako wo si bɛsi-kurɛnu sɔrɔn nya min wo si minnu kɔ.

Isikiyɛli 28:2

“Ile hadama-dan, i ni nde, wo Tigi Mari kuman-kan kɛ latenbi Taya mansɛ ma. A fɔ a ye ko a kɔrɔbinɛ wasinteyɛ la a bolo. A ye a nyɛrɛ mala Alla la. A ye a fɔla ko a siginɛ Allala mansaya-waganɛ rɔ, kɔgɔ-yi ye ala foolɛ rɔ. A ye a nyɛrɛ mala iko Alla, ado hadama-den-gbansan le ale la.

Isikiyɛli 35:13

N bara anu yen mankan tugula n makuma-tinɛ.”

Daniyɛli 11:16

Siriya kɛlɛ-dan wonu si anu kɛlɛ iko a di anu ye nya min, hali anu ma tɔrɔ. Anu si Isirɛla lanyiri-nyamanɛ wo bira-a-la ka a bi anu bolo.

Daniyɛli 11:3

“Wo kɔma, Kirisi-mansa-gbɛrɛkɛ do si wuli. Wo si ma kɛlɛ-kurugbɛ la. Ala nyamanɛ si koloya, ado ko-wo-ko diyara a ye, a ye wo le mala.

Daniyɛli 11:37

Ale Siriya mansɛ si a kan-kɔ sɔ a benbanuta bɛsɛ la. Hali bɛsɛ min di musinu ye wɛ kɛ, ale le ko sa wo rɔ fanan, ado a si a kan-kɔ sɔ bɛsɛ wonu dama la bawo a ya a lɔn ko a kolo bɛsɛ wonu ko.

Daniyɛli 12:7

Melika wo ya a bolo filɛ layɛlɛ san ma ka lanyiri kiri habadan-Mari tɔgɛ rɔ. Nde, Daniyɛli ya a lamɔɛn a ye a fɔla ko, “A si san sawa ani a tala bɔ. Allata mɔgɛnuta tɔrɔya-wati wa ban tumɛ min, wo le ye a taranna ko-nya kɛ damasi ara ka-a-la.”

Daniyɛli 2:47

Mansɛ wo ya a fɔ Daniyɛli ye ko, “Tonyɛ, i wara kɛ bɛɛ rakaran n ye min kɛ, wo ara a yira n na ko ileta Alla tenbira mata bɛsɛnu na, ado mansɛ-bɛɛta-Mari le ale la. Ale le ye ko-dogonnɛ bɛɛsi labɔla gbɛ ma.”

Daniyɛli 4:35

Fenfen ma mɔgɛnu na dugu-kole kɛ ma ale yala. A si melika anubɛ mɔgɛnu namara iko a di ale ye nya na. Mɔgɔ-wo-mɔgɔ ti ke tɔn sigila a ma, ado a ye koe minnu bɛɛsi mala, mɔgɔ-wo-mɔgɔ ti ke a manyinikala wo ma.’

Daniyɛli 5:19

Ala mansaya-sɛnbɛ kolo, duninya-mɔgɛ bɛɛsi kilanta a la. Ni mɔgɔ-faga-sɔgɛ ya a bira, a si wo ma. Ni a ye min tola a niyi la, a si wo fanan ma le. Ni mɔgɛ min gbiliya-sɔgɛ ya a bira, a si wo tigi gbiliya. Ni mɔgɛ min yarabi-sɔgɛ ya a bira, a si wo tigi layarabi.

Daniyɛli 5:20

Kɔnɔ bawo a wasira ka ma tolo-gbɛlɛ anubɛ wunduyoge la, woletɔ Alla ya a bɔ ata sɔ tinɛ rɔ. A foora ala gbiliyɛ dama la.

Daniyɛli 7:8

N bi n mirila kere wonu bara-koe ma tumɛ min, n ya kere-nɛ do yen yɛlɛla kere doi wonu tɛma. A yɛlɛmatoe ya kere sawa tuntun kere kɛnu tɛma ka wonu nabɔ. Hadama-den-yɛ ye kere nɛ wo bolo, ado mankan-tugu-dɛ ye a bolo.

Daniyɛli 8:19

A ko, “Allata diminya-wati ye nala a labanna nya min, n bi nala wo le fɔla i ye kɛ la. Alla ara wati min natɛgɛ watila ban wara-koe rɔ, ko-rayirɛ kɛ kolomɛ le wo wara-koe la.

Daniyɛli 8:4

A tugura duninya tonko sawa wara la, fɔ tele-bɔɛ, a ma tugu nyɔ le wara la. Sogo-wo-sogo ti ke tɔn sigila a ma, ado anu ti ke bɔla ata sɛnbɛ kɔrɔ. Koe min ba diya a ye, ale ye wo le mala. A wasinɛ ala fanka wo rɔ.

Sakaraya 11:16

bawo a ye nala saga-fɛ-biralayɛ tola mɔgɛ do bolo minna ko sa sagɛ wonuna ko rɔ. Min ba to-a-rɔ, a ti wo nyini. Min ba ta a kun fɛ, a ti wo gba bɔ. Min ba tanban, a ti wo dandan. Minnu fɛrɛ nɔrɔnnɛ anu ma, a sa wonu de-nyinina. A sɔnsɔnnɛ wonu denu dɔn ma hali anu kolenu ma to.

Yɔni 5:30

Yisa ko, “N ti ke ko-wo-ko mala n nyɛrɛ ma. N bi kiti tɛgɛla iko Alla ya a fɔ n ye nya min. Woletɔ nna kiti-tɛgɛ-nya telenta. N sa n tayala ka n nyɛrɛ diyana-koenu kɛ. Min ya n sɔ, n bi wo diyana-koenu denu kɛla.

Yɔni 6:38

N ti a gben bawo n ma yigi ka bɔ Arinyɛni tɔ n nyɛrɛ sako-kɛ-tinɛ. Min ya n sɔ, n bi wo le sako-kɛ-tinɛ.

Kɛwɔlɛnu 4:28

I wara ban koe min bɛɛ latɛgɛla i sɛnbɛ anubɛ i sako rɔ, anu ya anu nadɛn ko anu ni wo ma.

Tɔn-Fɔɛ-Fila-Nyɔgɛ 10:17

Ale wota Mari Alla tenbira bɛsɛ mumɛ bɛɛ la. Ale tenbira kun-tiginu na. Alla-makawanɛ le ale la. Ata sɛnbɛ kolo. A bɛnta wo ni a gbiliya ka yɛrɛyɛrɛn a kɔrɔ. A ti lafisayalɛ kɛ. A ti sɔn gbundu-koe ma.

2 Tɛsalonaika 2:3

Wo kana sɔn, mɔgɔ-wo-mɔgɔ ni wo yanfa kila-wo-kila fɛ. Yanni ma tigi ni na tumɛ min, mɔgɔ siyaman si anu kan-kɔ sɔ Alla la, ado ale min bi Alla kɛlɛla, ale fanan si bɔ gbɛ rɔ.

2 Tɛsalonaika 2:4

Mɔgɛnu bi bɛsɛ min bɛɛ matɔgɔla, anubɛ anu si min gbiliya Alla gbɛ rɔ, “Kirasiti-yogo-finma-wɛ” wo si wuli wo bɛɛ kan ma. A si a nyɛrɛ sigi wo bɛɛ kun na. A si a tui ka don Alla-Bato-Bɔn la ka a fɔ a nyɛrɛ ma ko Alla le ale la.

2 Tɛsalonaika 2:8

Nba, “Kirasiti-yogo-finma-wɛ” wo wa bɔ gbɛ rɔ tumɛ min, Mari Yisa si a faga a darɔ-fɔnyɔ la. Marila nɛ si a halaki ala gbiliya-makawanɛ la.

Yasowa 22:22

“Mata Mari Sɛnbɛ-Bɛɛ-Tigi, ma ya wo lɔn. Ma ya min ma, Mari ya wo lɔn, ado ma ye a fɛ, wole fanan ni wo lɔn. Ma ma kɛ ma ka murutiya Mari ma. Ni ma murutiyara Mari ma ka ma kan-kɔ sɔ a la, nba, wo na ma faga gbɛ!

Lankɛnimayɛ 10:7

Melika wɔrɔnfila nyɔgɛ wa ata buri fɛ tumɛ min, Alla si ala gbundu-ko-latɛgɛnɛ kɛ iko a ya a fɔ ala wɔli-kɛlɛnu ye nya min, ala nɛbinu, kɔni.”

Lankɛnimayɛ 12:14

Kokɛ-wɛ kanban filɛ dira musi wo ma alako a ni gban ka ta a warɛ wula-da-rakolɔn rɔ. Anu si a kandan nyɔ san sawa ani a tala ka kisi ninkinankɛ ma.

Lankɛnimayɛ 13:1

Wo kɔma, n ya sogo-feremɛ namatoe yen bɔla kɔgɔ-yi rɔ. A kere tan. A kunyɛ wɔrɔnfila. Mansaya-fulɛ ye a kere kelen-kelennamɛ-bɛɛ la. Alla-rapɔsi-kumɛnu sɛbɛnɛ a kunyɛ wonu ma.

Lankɛnimayɛ 17:17

Anu ya anuna sarati di sogo-feremɛ wo ma alako a ni mansayɛ kɛ ha Allata kumɛ wo ni bɔ-a-la tumɛ min, ado Alla le ya miriya kelan wo di anu ma ko anu ni a sako kɛ.

Lankɛnimayɛ 17:3

Melika tara n na wulɛ rɔ Allata Ni-Sɛnimɛ baraka rɔ. N ya musi do yen nyɔ, a siginɛ sogo-ferema-wulan la. Sogo-feremɛ wo, a kunyɛ wɔrɔnfila, a kere tan. Alla-rapɔsi-kumɛnu sɛbɛnɛ a kan tinɛ bɛɛ ma.