Daniyɛli 11:32 - ALLALA KUMƐ

³² Minnu bara anu kan-kɔ sɔ Alla la nun, ale Siriya mansɛ si yanfɛ kiri alako wonu ni sɔ a fɛ. Kɔnɔ minnu sɔnɛ Alla fɛ gben, wonu si anu ban a bolo ka a sɔsɔ.

Daniyɛli 11:32 Iomraidhean Croise

1 Ko-Kɔrɔta-Karan 28:9

A ya a tintan ala den Silamɛni na ka a fɔ a ye ko, “Nna den, i ni nta Alla wara-koe lɔn ka ata wɔlɛ kɛ i yisi bɛɛ la. Alla ya ma miriya anubɛ mala natanu lɔn. Ni i ya i gbɛrɛn a ma, a si i rabira. Kɔnɔ ni i ya i kan-kɔ sɔ a la, a si a ban i la feufeu!

Nihɛmaya 4:14

N ya a yen min kɛ ko kilan ye anu tɔ, n ya a fɔ kun-tiginu anubɛ a mɔgɔ-ba-toenu ye ko, “Ma kana kilan ma yogenu na wona. Wo ni wo miri Mari makawa-nya ma. Ma sibolenu wo, mala dannu wo, mala musinu wo, mala bɔnnu wo, wo ni kɛlɛ kɛ wonuna ko la.”

Yaburi 9:10

Mari, minnu ya i lɔn, wonu lara i la kosɛbɛ! Min bi nala ile ma, i ti wonu boloka.

Hɛnkilimaya-Kumɛnu 19:5

Sereya-bɔla-yogomɛ-makolɔn ti to wo nya fu, fɔ a wa tɔrɔyɛ sɔrɔn. Foninya-fɔla-gbɛlɛ-makolɔn ti to wo nya fu, fɔ a wa atɛ sɔrɔn.

Hɛnkilimaya-Kumɛnu 26:28

Ni i ya tɔgɛ sa mɔgɛ la, wo si a yira ko mɔgɛ wo ma di ile ye. Darɔ-diyɛ si nanparan lana mɔgɛnu ma.

Yɛrɛmaya 31:34

Mɔgɔ-wo-mɔgɔ ti a ta-nyɔgɛ karan Mari wara-koe ma tun bawo ka a bi dennɛ ma ka a sigi kina la, bɛɛ si a lɔn. A ko a si wo hakɛ makoto. A ti a fonde lamiri wo sɔn-yogomɛnu ma. Mari kan le kɛ la.

Daniyɛli 11:21

Melika wo ya a fɔ n ye tun ko, “Mɔgɔ-gbɛrɛ min bi nala mala mansɛ la, karagbɛlɛ le wo la, ado a ti bɔ mansaya-bɔn na. A si mɔgɛnu natɛrɛna ka mansayɛ bi kɛwuyɛ la.

Daniyɛli 11:34

Hali Allata mɔgɛ wonu taranta fagalɛ anubɛ tɔrɔyɛ rɔ, mɔgɔ-siyaman si anu nyɛrɛ ma iko anu bi anu dɛnbɛna kɔnɔ anu bi wo mala le alako anu ni fan donu sɔrɔn anu bolo.

Sakaraya 10:12

A ko a si ala mɔgɛnu tagbɛlɛya. Anu si a bato ka a kan to a gbɛ rɔ. Ale Mari kan le kɛ la.

Malakayi 4:2

Kɔnɔ a ko wole min ya ala kumɛnu bira, wo tele wa ke tumɛ min, ale Marita sɛnbɛ si wo lakisi ka kɛndɛyɛ di wo ma iko kirayatoe wa bɔ tele la. Wonu si to gberenya bɔla iko mɔgɛ wa ninki-dan kan bɔ.

Yɔni 17:3

Ni mɔgɛnu ya ile Alla kelen pe lɔn anubɛ nde, Yisa Kirasiti, i ya min sɔ, wo tigi si habadan-nimayɛ sɔrɔn.

1 Yɔni 5:20

Min tugunnɛ wo la, ma ya a lɔn ko Allala dan ara na nun, ado a ara hɛnkili di ma ma alako ma ni Alla-bɛrɛ lɔn. Wo ara a yira ko mabɛ Alla anubɛ ala den Yisa Kirasiti min bi Allayɛ la, ma ara tugun ma nyɔgɔn na ka to ko kelen tɔ. Habadan-nimayɛ le ale la fanan.

Lankɛnimayɛ 6:11

Alla ya duruki-gbɛ di mɔgɔ-tɔrɔnɛ wonu kelen-kelennamɛ-bɛɛ ma. Alla ya a fɔ anu ye ko anu ni anu sulen wati-ni kɔrɔ fɔlɔn. Anu ni anu wɔli-kɛ-nyɔgɛnu anubɛ anu na-kelen-nyɔgɛnuna sayɛ makɔni alako anu yatɛ ma ni kofu.