Daniyɛli 11:25 - ALLALA KUMƐ

²⁵ A si kɛlɛ-den-siyaman nadɛn wasinteyɛ la alako a ni ta bui Iyipiti mansɛ anubɛ ala mɔgɛnu ma. Iyipiti mansɛ si a rabɛn sɛnbɛ la ka kɛlɛ-den-siyaman nadɛn alako a si ke a nyɛrɛ niyi kumafunfanna nya min. Kɔnɔ Iyipiti mansɛ ti anu nɔ bawo anu bi yanfɛ sigila a la.

Daniyɛli 11:25 Iomraidhean Croise

Hɛnkilimaya-Kumɛnu 15:18

Mɔgɛ min yisi lakala, a si a ma, kɛlɛ ni ta yarɔ tiriya kɔnɔ min si a munyu, wo si kɛlɛ-wuyan bɔ a la.

Hɛnkilimaya-Kumɛnu 28:25

Mɔgɛ min si hɔn a nyɛrɛ la, wo si kɛlɛ-nyɔgɔnyɛ lawuli le. Kɔnɔ mɔgɛ min bi lala Mari la, wo wara-koe si to tala yarɔ.

Daniyɛli 11:10

“Siriya mansɛ wola dannu si anu tabɛn kɛlɛ-kɛ-koe la. Anu si kɛlɛ-den-siyaman nadɛn ka ta anu natosokɔrɔ ha anu si ke Iyipiti kɛnuna so-latankanɛ ma.

Daniyɛli 11:2

Nba, melika min sɔnɛ n dafɛ, wo ko fanan, “Min sɛbɛnɛ Allata Tonya-Buku rɔ, n bi nala wo fɔla i ye, ado tonyɛ le wo la. Mansa-nani-gbɛrɛ si na mansayɛ kɛ Pasiya nyamanɛ kun na kelen-kelenyɛ ma kɔnɔ a nani-nyɔgɛ si ma nɔnfulu-tigi la ka tenbi a to sawɛ kɛnu na. Ala nɔnfulu-tigiyɛ wo si a ma, a ni wuli Kirisi mansɛ kan ma.

Daniyɛli 11:40

“Siriya mansɛ siyi-ban-wati wa gbɛrɛn, Iyipiti mansɛ si na a kɛlɛ. Siriya mansɛ wo si kɛlɛ kɛ a sɛnbɛ bɛɛ la. A si kirindinu anubɛ soeenu anubɛ kulun-belebelenu bi kɛlɛ wola ko la. Ale mansɛ si ala kɛlɛ-den-siyamɛnu tatii nyamani-siyaman kun na.

Daniyɛli 11:5

“Iyipiti mansɛ si ma mansa-ragbɛlɛ la kɔnɔ ala kɛlɛ-den-kunyɛ do wa ma mansɛ la Siriya nyamanɛ rɔ tumɛ min, wo ra si gbɛlɛya a ko. Kɛlɛ-den-kunyɛ wola nyamanɛ si koloya ka tenbi Iyipiti mansɛtɛ la.