Daniyɛli 11:24 - ALLALA KUMƐ

²⁴ Hali a ma nyamanita-mɔgɛ minnu makawandi, a si ta bui wonu ma ka anu kɛlɛ anuna dugu-nyimɛla ko la. A ye koe do sigila wonu ma hali a benbanu ma wo ma. A ye fan minnu birala kɛlɛ rɔ, a si wonu tala a gba-fɛ-bilalɛnu na. A si kɛwuyɛ rabɛn ka ta bui so-latankanɛ donu ma kɔnɔ ata wati ti mɛ banna.

Daniyɛli 11:24 Iomraidhean Croise

Nihɛmaya 9:25

Anuna so-latankanɛ wo, anuna wɔli-kɛ-tina-nyimɛnu wo, fen-kolomɛnu bi bɔn minnu na wo, yi lamara tinɛ minnu sinnɛ nun wo, anubɛ ki-fen-su bɛɛ, anu ya wo bɛɛ bi anu bolo. Anu ya anu de-nyini ha anu kunbayara pɔti! I ya fen-nyimɛ min bɛɛ di anu ma nun, wo ya a diya don anu tɔ.”

Hɛnkilimaya-Kumɛnu 17:8

Mɔgɛ donu ya a lɔn ko anu si kabana-koe ladan dogonta-fan la. Anu ya a lɔn ko a si koe bɛɛ nyinya anu ma.

Hɛnkilimaya-Kumɛnu 19:6

A sɔgɛ ye mɔgɔ-siyaman na, anubɛ mɔgɔ-banu ni to diyanayɛ rɔ. A sɔgɛ si mɔgɔ-siyaman bira fanan, anubɛ mɔgɔ-kɔlɛnu ni to kirabɔla.

Hɛnkilimaya-Kumɛnu 23:7

A si i latuntun a bolo-fan ma kɔnɔ hali wo, i kɔ-sɔgɔ sa a la bawo a si to a mirila dɔn-fan wo sɔrɔn-bole ma.

Isikiyɛli 34:14

N si a ma, anu nafɛrɛnɛ ni to anu de-nyinina kɔnkɔ-tɛma-lɛɛnu tɔ Isirɛla nyamanɛ mumɛ rɔ.

Isikiyɛli 38:10

N Tigi Mari ya min fɔ Mansa Kɔgi ye, wo le kɛ la. A ko wati ye kela, ale Kɔgi si a miri ko-yogomɛnu denu ma ka yanfɛ rabɛn.

Daniyɛli 11:23

A si diyanayɛ nyini nyamani-gbɛrɛnu na alako a si ke nya min ka anu yanfa. Hali ala nyamanita-mɔgɛnu ma siya, a si to sɛnbɛ sɔrɔnna.

Daniyɛli 7:25

Alla Min Bi Fan Bɛɛ Kun Na, mansɛ wo si wo rasɛ ka ala mɔgɔ-sɛnimɛnu nyankankantan. A si anuta ladɛn-sɛnimɛnu tinya anubɛ anuta tɔnnu, ado Allata mɔgɛnu si taran ata sɛnbɛ kɔrɔ san sawa anubɛ a tala.

Yilan-Yilan Koe 13:20

Wo ni dugu-kole mafɛlɛn ni dɔn-fan si ma-a-la a rɔ, ka, ni a ti ma-a-la. Wo ni a mafɛlɛn ni kɔlɔma siyaman bi nyɔ, ka, ni kɔlɔma siyaman sa nyɔ. Wo ni na nyamanɛ wo dɔn-fen siyaman na wo bolo.” (Anu tara nyɔ karɛ min na, anu bɛnta nɔnbɔ-gbɔɛ wo mɔ-wati le ma.)

Matiyu 9:4

Yisa ya anuna miriya ragbɛ. A ko, “Wo ye wo mirila ko-yogomɛ ma nfenna?

Kɛlɛ-Kurugbɛnu 9:4

Anu tara anuna bɛsi-bɔn la anuta bɛsɛ min tɔgɛ “sarama-kan kirinɛ Beyali min ye” wo ye kan min. Anu ya wodi-gbɛ-gbu bi-wɔrɔnfila bi nyɔ ka ta karagbɛlɛnu masan.