Daniyɛli 11:2 - ALLALA KUMƐ

² Nba, melika min sɔnɛ n dafɛ, wo ko fanan, “Min sɛbɛnɛ Allata Tonya-Buku rɔ, n bi nala wo fɔla i ye, ado tonyɛ le wo la. Mansa-nani-gbɛrɛ si na mansayɛ kɛ Pasiya nyamanɛ kun na kelen-kelenyɛ ma kɔnɔ a nani-nyɔgɛ si ma nɔnfulu-tigi la ka tenbi a to sawɛ kɛnu na. Ala nɔnfulu-tigiyɛ wo si a ma, a ni wuli Kirisi mansɛ kan ma.

Daniyɛli 11:2 Iomraidhean Croise

Ɛsira 4:24

Bato-Bon-sɔɛ danta Yerusalɛm soe burɔ tumɛ min, anu ma wɔli-wo-wɔli kɛ ha Dariyasita mansayɛ san fila nyɔgɛ ma Pasiya nyamanɛ rɔ.

Ɛsira 4:7

Pasiya Mansa Atasakasita wati fanan tɔ, Bisilam anubɛ Mitirɛdati anubɛ Tabiyɛli anubɛ anu diyana-mɔgɛnu, wonu fanan ya kɛdi sɛbɛ Mansa Atasakasi ma Isirɛla mɔgɛnu kan ma. Kɛdi wo sɛbɛnɛ Aramaki kan le tɔ anubɛ a sɛbɛ-nya.

Ɛsita 1:1

Pasiya nyamani-tigi min tɔgɛ Sakasi, wo siginɛ Susa soe burɔ. Nyamani-kun kɛmɛ ani nyamani-kun mogan-ni-wɔrɔnfila le ye a kɔrɔ (127). Ka a dabira Yindiya nyamanɛ ma ha ka a sigi Sudan nyamanɛ la, ala nyamanɛ le wo bɛɛ la.

Hɛnkilimaya-Kumɛnu 22:21

Anu si wo karan tonyɛ la woletɔ ni mɔgɛ do ya wo manyinika, wo si tonyɛ fɔ a ye a kilɛ fɛ.

Daniyɛli 10:1

Pasiya Mansa Sairasila mansayɛ san sawa nyɔgɛ ma, Alla ya koe do yira nde, Daniyɛli la. N tɔgɛ le fanan Bɛlitisasa. Sarakanɛ wo, tonyɛ le kɔnɔ a ragbɛ ma di. Yanni n ni kɛ nya-yen, Mari ya ko-rayirɛ kɛ n ye.

Daniyɛli 11:25

A si kɛlɛ-den-siyaman nadɛn wasinteyɛ la alako a ni ta bui Iyipiti mansɛ anubɛ ala mɔgɛnu ma. Iyipiti mansɛ si a rabɛn sɛnbɛ la ka kɛlɛ-den-siyaman nadɛn alako a si ke a nyɛrɛ niyi kumafunfanna nya min. Kɔnɔ Iyipiti mansɛ ti anu nɔ bawo anu bi yanfɛ sigila a la.

Daniyɛli 7:5

“Wo kɔma, n ya sogo-ferema fila nyɔgɛ min yen, wo mani de iko yarama-yɛlɛnkan. Wo sɔnɛ a kɔma kin filɛ kun na. Kɔgɔ-barasa-kolo sawa kankannɛ a dɛ la. Soge wo ya kuman-kan lamɔɛn ko, ‘Ta, i ni soge dɔn iko a di i ye nya min.’

Daniyɛli 8:21

Wo kɔma, i ya baa-kɔrɔn min yen wo la, wo tamasere le Kirisi mansayɛ wara-koe la. Mɔgɔ latiri a kere kelan min yenna wo la, Kirisi mansa fɔlɔtɛ le wo la.

Daniyɛli 8:26

“N bɔ-san sɔgɔma-ani-wurala-saraka bɔ-koe min takaranna i yala, ko-rayen wo si bɔ-a-la. Kɔnɔ i kana a fɔ mɔgɔ-wo-mɔgɔ ye. A to i hɛnkili ma bawo yanni kɛ damasi ni bɔ-a-la, a si mɛ fɔlɔn.”

Daniyɛli 8:4

A tugura duninya tonko sawa wara la, fɔ tele-bɔɛ, a ma tugu nyɔ le wara la. Sogo-wo-sogo ti ke tɔn sigila a ma, ado anu ti ke bɔla ata sɛnbɛ kɔrɔ. Koe min ba diya a ye, ale ye wo le mala. A wasinɛ ala fanka wo rɔ.

Emɔsi 3:7

Ni yarɛ wɔrɔndɔra, mɔgɔ kuma ti kɔ, wa? Allatala ti ko-wo-ko ladan a ti min kɔrɛ fɔ male nɛbinu ye. Woletɔ ni Allatala kumara, male nɛbinu ti a kuman-kan latenbi, wa?

Yɔni 10:35

Ma ya a lɔn ko min sɛbɛnɛ Allata kitabu rɔ, tonyɛ le wo la tɛban! Nba, Allala kumɛ dira mɔgɛ minnu ma, Alla ya a fɔ wonu ma ko Allala Dannu.

Lankɛnimayɛ 21:5

Wo kɔma, min mayiginɛ mansaya-sigi-fan rɔ, wo ko, “Nba, kaka, n bi fan bɛɛ mala a kurɛ la!” A ya a fɔ n ye fanan ko, “Kɛ sɛbɛ bawo kumɛ kɛnu, tonyɛ le. Mɔgɛ si la wonu na le feu!”