Daniyɛli 11:19 - ALLALA KUMƐ

¹⁹ Siriya mansɛ wo si sɛgi ala so-latankanɛ wonu tɔ kɔnɔ a yoge wonu si a nɔ kɛlɛ rɔ. Wo si ma ala mɔgɔyala ban la.

Daniyɛli 11:19 Iomraidhean Croise

Yobu 20:8

A si tunu yen, iko kiyo. A ti yen tun!

Yobu 34:24

Alla si kun-tiginu bɔ anu sɔ tinɛ rɔ hali a ma mɔgɔ manyinika. A si dogbɛrɛnu sigi anu gbɛ rɔ.

Yaburi 27:2

Karagbɛlɛnu ba wuli n kan ma ko anu ni n faga, anu si anu kiannu natugu ka bui.

Yaburi 37:35

N ya karagbɛlɛ do lɔn min si to nyɛɛla mɔgɛnu ma. A sankanya ye mɔgɛ bɛɛ kuma iko kɔlɔma-kuru-wɛ minnu bi Lɛbanan kɔnkɔ-nyamanɛ rɔ.

Yaburi 37:36

Kɔnɔ lunyɛ do, n bɔra nyɔ-kilɛ la kɔnɔ a sa nyɔ. N ya a nyini furr, kɔnɔ n ma a yen.

Aiseya 24:20

Dugi si to tonko-tankanna iko gbɛɛ-minna-wɛ. A si to magala iko fɔnyɔ si to bugi lamagala nya min. Hakɛ ara a ma, dugi ara gbiliya kirimimi! A wa bui, a ti a lasɔ tun!

Yɛrɛmaya 46:6

Hali a buri-kɛla-wɛnu, anu kunyɛ ti bɔ a rɔ. Anuna kɛlɛ-dannu kunyɛ ti bɔ a rɔ. Anu bi anu kian latugula kantɔ-wara la Yufereti bɛ dafɛ ka ta bui fugbu!

Isikiyɛli 26:21

N si ale Taya ma misali-makilannɛ la. Wo si ma ala ban la. Hali mɔgɛnu ba anu ya lakalan a ma, anu ti a yen tun! Nde, wo Tigi Mari kan le kɛ la.”

Daniyɛli 11:7

A ti mɛ lefan, musi wo na-kelen-nyɔgɛ si ma Iyipiti mansɛ la. Mansɛ wo si ta bui Siriya kɛlɛ-dannu anubɛ anuna mansɛ ma. A si ta anuna so-latankanɛ wo bira-a-la ka anu nɔ.