Daniyɛli 11:18 - ALLALA KUMƐ

¹⁸ Wo kɔma, sibole minnu siginɛ kɔgɔ-yi fɛ, a si bui wonu ma ka anu kɛlɛ. Kɔnɔ tɔ-a-la, kɛlɛ-kurugbɛ do si bɔ sibolo-gbɛrɛkɛ rɔ ka na tɔn sigi ala wasinteyɛ la. Ala wasinteyɛ si sɛgi a nyɛrɛ ma.

Daniyɛli 11:18 Iomraidhean Croise

Ɛsita 10:1

Mɔgɛ minnu siginɛ kɔgɔ-yi da la wo, minnu siginɛ nyamanɛ tɛma wo, Mansa Sakasi ya wonu nawɔli fɔrɔsɛ la.

Aiseya 66:19

Minnu bara to anu niyi la, a si tamasere sa wonu ma ka wo donu nata sibolo-toenu ma. Anu si donu nata Tasisi, anubɛ Libiya, anubɛ Ludi, anubɛ Misɛki, anubɛ Rɔsi, anubɛ Tubali, anubɛ Kirisi. A si donu nata kɔgɔ-yi-dafɛ-sigilɛnu ma minnu bi wula-yan la. A ko a si anu nata mɔgɛ donu ma kan tinɛ wonu tɔ minnu ma a mankan anubɛ ata gbiliyɛ wara-koe lɔn bɛ. Anu ba ke nyɔnu tɔ, anu si ata gbiliyɛ wara-koe rakaran anu ye.

Yɛrɛmaya 2:10

Sibolo-wo-sibolo sa nyɔ minnu bara anuta bɛsɛ mayɛlɛma ka a kɔrɔmɛnu nabɔ ka a kurɛnu nadon, hali Alla-bɛrɛ ma wo fenfen na. Wo ni kɔgɔ-yi ratɛgɛ tele-yigi wara la ka Saiparasi yi-tɛma-dugi mafɛlɛn. Wo ni donu nata tele-bɔɛ wara la ha Kedari nyamanɛ rɔ. Wonu ni nyɔ lakɔrɔsi ka a lɔn ni ko sufa kɛ do ara kɛ wonu ye. Kɔnɔ wole Marita mɔgɛnu bara wota Alla-makawanɛ boloka ka bɛsi-fufafuyinu natenbi ale la.

Yɛrɛmaya 31:10

Wole nyamani-gbɛrɛkɛ-mɔgɛnu, wo ni wo tole masɔ Mari kan la. Wo ni kilayɛ kɛ lake yi-kɔgɔma-mɔgɛnu ma. Ale Mari ko a ara ata mɔgɛnu tanyɛnsɛn kɔnɔ a si anu kundɛn tun. A si anu fɛ-bira iko saga-kandannɛ si ala sagɛnu fɛ-bira nya min.

Isikiyɛli 27:6

Anu ya Ɔki kɔlɔmanu bɔ Basan nyamanɛ rɔ ka kɔn-gbɛlɛmɛ wonu ma kulɔn wo laburi-fannu na. Anu ya pain-fɛrɛn-hakikɛnu bɔ Saiparasi yi-tɛma-dugi rɔ ka wo ma kulɔn wo kole-ladan-fan la ka sogo-ba-nyin basan wo la tala.

Hoseya 12:14

Kɔnɔ wole Isirɛla mɔgɛnu ya a ma, Mari fonde bɔra wo kan ma dɔgɔma-ma-de! A ko a bɛnta nun, wo dama ni faga ka a tɛgɛ wola karagbɛlɛyɛla ko ma. Mari ko a si wo tɔrɔ a kilɛ fɛ bawo wo ara a lamiliya.

Sɛfanaya 2:11

Mari si a ma, anu ni kilan dɔgɔma-ma-de! A si a ma, duninya-mɔgɛnuna bɛsɛnu bara-koe ni to dɔgɔyala ha fenfen ti to tun. Wo kɔma, duninya sibole bɛɛ si ale bato tun anuna nyamanɛnu tɔ.

Matiyu 7:2

bawo wo ye mɔgɛnu yilikila nya min, Alla ye wole fanan yilikila wo nya na le. Wo wa a ma mɔgɛnu ye nya min, Alla si a ma wole fanan ye wo nya na le.

Kɛlɛ-Kurugbɛnu 1:7

Ale mansɛ ya a fɔ anu ye ko, “Nde fanan bara mansa bi-wɔrɔnfila bolo-gbungburu-wɛnu anubɛ anu kin-gbungburu-wɛnu tɛgɛ anu na nun. Mansɛ wonu tora dɔn-fen-pɛrɛnu denu matɔnbɔnna nna tebulu kɔrɔ. Kɔnɔ n ya min ma wonu na, Alla ara wonu denu tayili sara n na kɛ la.” Anu tara ale mansɛ la Yerusalɛm, a fagara kan min.