Daniyɛli 11:11 - ALLALA KUMƐ

¹¹ Wo si a ma, Iyipiti mansɛ ni diminya. Wo le ye a mala, ale ni ta Siriya mansɛ wo kɛlɛ. Ala kɛlɛ-dannu si wola kɛlɛ-den-siyamɛ wonu bira ka anu faga.

Daniyɛli 11:11 Iomraidhean Croise

1 Mansɛnu 20:13

Wati kelan wo nyɛrɛ rɔ, nɛbi do tara Mansa Ehabu taran. A ya a fɔ a ye ko, “Mari ko i kana kilan kɛlɛ-den-siyamɛ wonu na. A ko a si a ma, i ni nɔ-ko sɔrɔn wonu ma bi. I si a lɔn worɔ ko Mari le ale la.”

1 Mansɛnu 20:28

Nɛbi do tara a fɔ Mansa Ehabu ye ko, “Mari ko bawo Siriyanu bi a fɔla ko Isirɛlata Alla ye kɔnkɛnu dɔrɔn kuma, a sa lɛɛnu tɔ, wo le ye a mala, a ye sɛnbɛ dila Isirɛla mɔgɛnu ma Siriyanu kuma. Mari ko wo si a ma, wobɛ ila mɔgɛnu ni a lɔn ko Mari le ale la.”

Yaburi 76:10

Hali mɔgɛnuna diminyɛ, a laban si ma ile Mari ye gbiliyɛ la. Minnu kunyɛ ma to kɛlɛ rɔ, wonu si anu taya ka ladiyɛ bɛɛ kɛ i gbiliya-koe rɔ a kilɛ fɛ.

Yɛrɛmaya 27:6

A ko ale le kelen pe ya nyamanɛ kɛ bɛɛ don ala wɔli-kɛla, Babilɔn Mansa Nɛbukanasa bolo. A ko hali bintɔ-sogenu si a kan to a gbɛ rɔ.

Daniyɛli 11:12

A si wasi bawo a ara kɛlɛ-den-siyaman faga. Kɔnɔ hali wo, a ti to nɔ-ko sɔrɔnna kɛlɛ rɔ.

Daniyɛli 11:40

“Siriya mansɛ siyi-ban-wati wa gbɛrɛn, Iyipiti mansɛ si na a kɛlɛ. Siriya mansɛ wo si kɛlɛ kɛ a sɛnbɛ bɛɛ la. A si kirindinu anubɛ soeenu anubɛ kulun-belebelenu bi kɛlɛ wola ko la. Ale mansɛ si ala kɛlɛ-den-siyamɛnu tatii nyamani-siyaman kun na.

Daniyɛli 11:44

Kɔnɔ wo kɔma, a ye kumɛ min namɔɛnna ka bɔ tele-bɔɛ anubɛ kantɔ-wara la, wo si a ma, a ni kilan. Wo si a ma, a ni kɛlɛ kɛ a sɛbɛ-kuna-wɛ la ka mɔgɔ-siyaman faga.

Daniyɛli 11:5

“Iyipiti mansɛ si ma mansa-ragbɛlɛ la kɔnɔ ala kɛlɛ-den-kunyɛ do wa ma mansɛ la Siriya nyamanɛ rɔ tumɛ min, wo ra si gbɛlɛya a ko. Kɛlɛ-den-kunyɛ wola nyamanɛ si koloya ka tenbi Iyipiti mansɛtɛ la.

Daniyɛli 2:38

Ale le ya i ma duninya mumɛ mansɛ la ka mɔgɛnu anubɛ sogenu anubɛ konanu ma itɛ la duninya kɛ rɔ. Ile, ma tigi, kiyora kunyɛ min na, a manɛ sɛnɛ la, ile le wo la.

Daniyɛli 8:7

A ye saga-yigi wo kɛlɛla, n yɛ bɛnnɛ a ma. Saga-yigi wo tɔntɔn a bolo, wo kere filɛ kerita paun! Sɛnbɛ-wo-sɛnbɛ ma taran saga-yigi wo bolo tun. Baa-kɔrɔn ya a latosokoro dugu ma ka to a ratɛntɛnna. Mɔgɔ-wo-mɔgɔ ma ke a kisila.