Daniyɛli 10:8 - ALLALA KUMƐ

⁸ Wo le ya a to, n kelan tora sɔni ko-makawanɛ kɛ mafɛlɛn tinɛ. N mɔlɔkɔnta kilan bolo. N yakɔrɛ sisira.

Daniyɛli 10:8 Iomraidhean Croise

Ko-Dabirɛnu 32:31

Yanni Yakoba ni bɔ nyɔ tumɛ min, tele ara bɔ a ma. A ye a tonkanna kamasɔrɔn a woro-kuri purukulunɛ anu nyɔgɔn na.

Bɔ-Koe-Iyipiti 3:3

Musa ko, “Sɔ wa, n ni ta ka ko-makawanɛ kɛ ragbɛ. Kɔlɔma-nɛ kɛ sa mintanna minna ko la, n ni wo lɔn.”

Daniyɛli 10:16

Wo kɔma, melika min sɔnɛ n dafɛ nun, wo nara a bole tugun n da-gbole la. N dɛ fulenta. N ya a fɔ a ye ko, “N tigi, n mɔlɔkɔnɛ ko-rayen kɛ bolo. Ha bi, n bi yɛrɛyɛrɛnna.

Daniyɛli 10:17

N manɛ iko yɔɔn min sɔnɛ a tigi yarɔ. N si ke kumala i ye kama? Sɛnbɛ sa n na. N ni-lafɛ-kan ti ke a nyɔgɔn ma kilan bolo.”

Daniyɛli 7:28

“N ya koe min bɛɛsi yen nna kiyo rɔ, wo le kɛ la. N kilanta furr, ha n mɔlɔkɔnta kɔnɔ n ya a bira n tɔ.”

Daniyɛli 8:27

Ka a tɛgɛ nde, Daniyɛlita ko-rayen kɛnu ma, a ya tele-siyaman bɔ n mankulan bɔnɛ n ma. Wo kɔma, Mansa Bɛlisasa wo ya n sɔ wɔli min na, n tara wo kɛ tinɛ. Kɔnɔ hali wo, ko-rayen wo ya n kɔndɔfili. N ma ban nun a nya-yenna.

Daniyɛli 8:7

A ye saga-yigi wo kɛlɛla, n yɛ bɛnnɛ a ma. Saga-yigi wo tɔntɔn a bolo, wo kere filɛ kerita paun! Sɛnbɛ-wo-sɛnbɛ ma taran saga-yigi wo bolo tun. Baa-kɔrɔn ya a latosokoro dugu ma ka to a ratɛntɛnna. Mɔgɔ-wo-mɔgɔ ma ke a kisila.

Habakuku 3:16

N ya kɛ damasi lamɔɛn tumɛ min, n kumakɔra. N da-gbole tora yɛrɛyɛrɛnna kumakɔɛ bolo. N kolenu mara yɔrɔyɔrɔ! N kiannu tora yɛrɛyɛrɛnna n kɔrɔ sigisigi! Kɔnɔ n si n tade ka ma yogenu tɔrɔ-tele makɔnɔ Mari bolo.

Matiyu 17:6

Karan-dannu ya kuman-kan wo lamɔɛn tumɛ min, anu kumakɔra kati! Anu ya anu nyɛrɛ gbesi dugi la.

Maraka 9:6

Ale anubɛ a ta-nyɔgɛnu kilannɛ kati! Pita ye min fɔla, a ma wo lɔn.

Yɔni 16:32

Wati ye nala, ado a ara ke, wo dama si nyɛnsɛn. Bɛɛ si ta a warɛ. N kelen pe si to. Kɔnɔ n kelen ma de bawo n Fa Alla ye n fɛ.

2 Kɔrɛnti 12:7

Nba, ka a tɛgɛ wo kabana-ko-waranɛnuna ko la n ya minnu tayen, fɛrɛta-duma-ba dira n ma min manɛ n yala iko Setanɛta kilayɛ. Wo si to n gbesila ka n tanka wasinteyɛ ma.

Lankɛnimayɛ 1:17

N ya a ragbɛ min kɛ, n buira a kin kɔrɔ iko mɔgɔ-faganɛ. A ya a kɔɛn-nyimɛ sa n ma. A ko, “I kana kilan! A fɔlɔtɛ anubɛ a laban le nde la.