Daniyɛli 10:6 - ALLALA KUMƐ

⁶ A fɛrɛ malan-malannɛ a ma iko kuru-da-gbɛlɛ. A yakɔrɔ-mɛnsan ye tiila a ma iko san-sɛran. A yɛ ye malanna iko tɛ. A bole anubɛ a kian ye malanna iko anu ba silɛɛ yesi. A kuman-kan manɛ iko sɛrɛ-ladɛnnɛ-kan.

Daniyɛli 10:6 Iomraidhean Croise

Bɔ-Koe-Iyipiti 28:20

A gbaranda nani nyɔgɛ wo kurinu tɔgɛ le kɛnu na, bɔrɔ wo, ɔnikisi wo, anubɛ yasipa. Wo ni sɛnɛ-mɔlɔnɛ do ladan kuru-da-gbɛlɛ kɛnu si sa min tɔ ka anu kankan kɔgɔ-dala-kurɛ kɛ ma.

Keninteya-Siginu 5:14

Kuru-da-gbɛlɛnu bi ala dɛɛn-kɔlɔnɛ minnu tɔ wonu denu donnɛ a bole la. A fɛrɛ-bɔnkɛ kin iko sogo-ba-nyin, kuru-wulan tenbi wo tɛma.

Isikiyɛli 1:14

Nima-fan wonu bi ta-ni-sɛgi kɛla sololo, iko san-nyin-masɔgɛ.

Isikiyɛli 1:16

Kin nanɛ kɛ bɛɛ subolo kelen. Kin nanɛ kɛ bɛɛ ye malan-malanna selu-selu iko kuru-da-gbɛlɛ min yanba-kun-damɛ. Kin nanɛ kɛnu tatantannɛ anu nyɔgɔn tɔ

Isikiyɛli 1:24

Anu ba gban, nde, Isikiyɛli si anu kanban-kan lamɔɛn. Anu kanban wo kan manɛ iko wasa-belebele tugu-kan. Anu kanban-tagbesi-kan wo manɛ fanan iko kɛlɛ-den-siyamɛnu kinta-kan, ado a manɛ fanani iko Alla Sɛnbɛ-Bɛɛ-Tigi kuman-kan le. Anu ba anu sulen kan min, anu si anu kanbannu namɔrɔmɔrɔ.

Isikiyɛli 1:7

Anu kiannu natelennɛ iko hadama-dantɛ kɔnɔ anu kin-tore ye a ma. Anu tore wo ye malan-malanna iko sila-yesinɛ.

Isikiyɛli 10:9

N ya kin nani yen nima-fen nani kɛnu kɔrɔ min natintannɛ iko kirinditɛ. A bɛɛ subolo kelen. Anu bi malan-malanna selu-selu iko kuru-da-gbɛlɛ min yanba-kun-damɛ. Kin nanɛ kɛnu takankannɛ anu nyɔgɔn tɔ.

Isikiyɛli 40:3

A tara n gbɛrɛn nyɔ ma tumɛ min, n ya kei do yen sɔnɛ tarɛ don-dɛ la. A silɛ ye tiila a ma iko silɛɛ. Fen-suman-yili min nadannɛ linɛn-kurɛ la, wo ye a bolo tɔ. Fen-suman-kɔlɔma fanan ye a bolo tɔ.

Isikiyɛli 8:2

N ya n yɛ layɛlɛ san ma. N ya hadama-danla muninyɛ yen ta-mɛlan rɔ. Ka a bi a tɛmɛ ma ka yigi, wo manɛ iko tɛ. Ka a bi a tɛmɛ ma ka yɛlɛ, wo ye malan-malanna iko sila-yesinɛ.

Matiyu 17:2

Anu bi Yisa mafɛlɛnna tumɛ min, a yen-nya yɛlɛmanta anu yala. A yakɔrɛ malanta iko tele. Ala kurɛ gbɛra iko waan.

Matiyu 28:3

A mafɛlɛn-nya mani de iko banda-nyin-masɔgɛ. Ala kurɛnu gbɛnɛ iko bɛgi-gbɛ.

Luka 9:29

A ye Alla madiyala tumɛ min, a yakɔrɛ yɛlɛmanta. Ala kurɛ gbɛra perr!

Lankɛnimayɛ 10:1

Wo kɔma, n ya melika-sɛnbɛ-tigi-gbɛrɛ namatoe yen bɔla Arinyɛni tɔ. A fɛrɛya bɔnɛ banda-finyɛ la. San-duri ye a kunyɛla minɛ rɔ. A yakɔrɛ ye malan-malanna iko tele. A kiannu dɔnkɔnyɔ iko tɛ tenbi kala-mɛlan la san ma.

Lankɛnimayɛ 19:12

A yɛ mani de iko ta-mɛlan. Mansaya-fulɛ siyaman bi a kunyɛ la. Mɔgɔ-wo-mɔgɔ ma tɔgɛ min lɔn bɛ fɔ ale nyɛrɛ, wo le sɛbɛnɛ a ma.

Lankɛnimayɛ 2:18

“I ni kɛdi sɛbɛ ka a lata Tayataira chɔchi-melika ma. “ ‘Wole Tayataira chɔchi-mɔgɛnu, kumɛ le kɛ la ka bɔ nde, Allala dan bolo. N yɛ manɛ iko ta-mɛlan. N kian ye malanna iko sila-kaganɛ.

Lankɛnimayɛ 21:20

A loli nyɔgɛ tɔgɛ le ɔnikisi. A wɔrɔ nyɔgɛ tɔgɛ le kaniliyan. A wɔrɔnfila nyɔgɛ tɔgɛ le kɔwɔti. A segin nyɔgɛ tɔgɛ le bɛrili. A kɔnɔntɔ nyɔgɛ tɔgɛ le topasi. A tan nyɔgɛ tɔgɛ le kalasidoni. A tan-ni-kelen nyɔgɛ tɔgɛ le tɔrikɔsi. A tan-ni-fila nyɔgɛ tɔgɛ le amɛtisi.