Daniyɛli 10:20 - ALLALA KUMƐ

^20-21 Wo kɔma a ko, “I ya a lɔn n nara i wara min na, wa? Min sɛbɛnɛ Allata Tonya-Buku rɔ, n nara wo ragbɛ tinɛ i ye. N ba ban kɛ rakaranna i ye, n bi sɛgila Pasiya nyina-yogomɛ kɛlɛ tinɛ. N ban wo kɛlɛla, Kirisi nyamanɛ nyina-yogomɛ si na n kan ma. Mɔgɔ-wo-mɔgɔ ti na n dɛnbɛn n yoge kɛnu kɛlɛ tinɛ, fɔ Isirɛla kandan-melika, Maikali, kɔni.”

Daniyɛli 10:20 Iomraidhean Croise

Ɛsira 4:4

Woletɔ anu yoge minnu siginɛ nyɔ rɔ, wonu ya anu taya ka kɔndɔfili anubɛ kilan don anu tɔ alako Bato-Bɔn wo sɔɛ kana bɛn.

Aiseya 37:36

Marita melika yigira Asiriyanuna dagɛ rɔ. A ya mɔgɔ waga kɛmɛ kelen mɔgɔ waga bi-segin ani mɔgɔ waga loli faga Asiriyanu tɔ (185,000). Bandɛ kanɛ, wonu furi taranta nyɔ.

Daniyɛli 10:13

Tele mogan-ni-kelan kɔrɔ, Pasiya nyamanɛ nyina-yogomɛ ya kilɛ tɛgɛ n ma. Melika kun-tigi do min tɔgɛ Maikali, wo tara n dɛnbɛn tinɛ bawo n kelan le wara to Pasiya nyamanɛ rɔ wo wati rɔ nun.

Daniyɛli 7:6

“N bi kɛ fanan mafɛlan kun na tumɛ min, n ya a sogo-sawa-nyɔgɛ yen. Wo manɛ le iko kuli kɔnɔ a kanban nani sɔnɛ a kɔɛ ma. Wonu manɛ iko konatɛ, ado a kunyɛ nani. Mansaya-sɛnbɛ dira a ma.

Daniyɛli 8:21

Wo kɔma, i ya baa-kɔrɔn min yen wo la, wo tamasere le Kirisi mansayɛ wara-koe la. Mɔgɔ latiri a kere kelan min yenna wo la, Kirisi mansa fɔlɔtɛ le wo la.

Kɛwɔlɛnu 12:23

Tiriyante wo rɔ, Marita melika ya Hɛrodi gbesi a rɔ. A buira dugi ma bawo a ma Alla gbiliya. Tɔ-a-la, tunbinu kɛra a rɔ ha a fagara.