Daniyɛli 10:19 - ALLALA KUMƐ

¹⁹ A ko, “I di Alla ye. Fenfen kana i lakilan ka i kumakɔ.” A ban kɛ fɔla n ye tun, n tagbɛlɛyara a kurɛ la ka n nyɛrɛ lɔn. N ya a fɔ melika wo ye ko, “N tigi, ni i ye min fɔla, wo fɔ bawo n ta ara gbɛlɛya doni.”

Daniyɛli 10:19 Iomraidhean Croise

Yaburi 138:3

I rakele n bolo, i ya a labira. I ya n sɛnbɛ makofu ita sɛnbɛ-wɛ la.

Aiseya 35:4

Min bɛɛ yisi tinyanɛ, a fɔ wonu ye ko anu ni anu sɛnbɛ don ka anu kerinteya. Alla ye nala anu nakananna. A ye nala anu yogenu tɔrɔla.

Aiseya 41:10

Wo kana kilan bawo a ye wo fɛ. Bawo wota Alla le ale la, wo kana kilan fenfen na. A si wo ragbɛlɛya ka wo dɛnbɛ. A si wo latanka ka wo kisi.

Aiseya 41:14

Mari ko wole a Isirɛla mɔgɛ toenu, hali wo ma siya, wo rafaganɛ. Wo kana kilan bawo a ye wo dɛnbɛna.

Daniyɛli 10:18

A ya a bole tugun n na tun. N tagbɛlɛyara.

Daniyɛli 9:23

Kebi i ya ila mataralɛ dabira wati min, Alla ya ila matarali-kan wo lamɔɛn. I di a ye woletɔ ko-rayirɛ min kera i ye, n bara na ka wo kɔrɛ yira i la.

Hegayi 2:4

Ile Sarababulu, i kana hɔn. N bi i fɛ. Saraka-Masɔla-Kun-Tigi-Wɛ Yasowa, i sɛbɛ don. Wole Isirɛla mɔgɛ bɛɛsi, wo ni wo sɛbɛ don ka wo raya.

Sakaraya 8:13

A ko fɔlɔ nun, sibolo-gbɛrɛnu kɛnɛna anu nyɔgɔn dankala ko, “Alamɛ i kasarata iko Yuda anubɛ Isirɛla nyamanɛ kasaranɛ nya min.” Kɔnɔ a ko ale si wo kisi wo ma. Wo kɔma, ale sibolo-gbɛrɛ kelan wonu si duwa anu nyɔgɔn ye ko, “Alamɛ wo sabatira iko Yuda anubɛ Isirɛla sabatinɛ nya min.” Woletɔ wo ni wo kerinteya. Wo kana kilan.

Sakaraya 8:9

Mari Sɛnbɛ-Bɛɛ-Tigi ko wa wo kerinteya. Nɛbinu ya kumɛ minnu fɔ Bato-Bɔn kurukɛ wati rɔ nun a kurɛ la, wo ye kuma kelan wo le lamɔɛnna kaka.

Yɔni 11:3

A tirisan-musinu ya kilayɛ lata Yisa ma Kalili sigisɔn rɔ ko, “Mari, i diyana-mɔgɛ kirɛ le.”

Yɔni 11:36

Woletɔ Yahudiyanu ko, “Wo ni a mafɛlɛn, ba! Kɛ si a yira ma la Lasarasi di a ye nya min”

Yɔni 11:5

Marata anubɛ a na-kelen-nyɔgɔ-musi anubɛ Lasarasi di a ye kɔnɔ hali wo,

Yɔni 14:27

“N bi yisi-kimɛ tola wo fɛ. N bi nta yisi-kimɛ min dila wo ma, n sa a dila wo ma iko duninya ye a mala nya min. Wo yisi kana tinya. Wo kana kilan.

Yɔni 16:33

N bara kɛ fɔ wo ye woletɔ wo si yisi-kimɛ sɔrɔn nde baraka rɔ. Duninya-mɔgɛnu si wo tɔrɔ kɔnɔ wo ni wo wakila! N bara anu nɔ!”

Yɔni 19:26

Yisa ya a na sɔnɛ yen nyɔ anubɛ a diyana-karan-dan. A ya a fɔ a na ye ko, “N na, ila dan le kɛ la.”

Yɔni 21:20

Pita ya a tintan ka Yisa diyana-karan-dan yen a kɔma, ado wo siginɛ Yisa dafɛ fen dɔn tinɛ nun. Ale le ya nyinikali kɛ nun ko, “Mari, yon si i maburi?”

1 Kɔrɛnti 16:13

Wo ni wo ya lakalan ka wo sɔ dɛnkɛninyɛ rɔ yiri! Wo ni wo kerinteya ka wo sɛnbɛ don.

2 Kɔrɛnti 12:9

kɔnɔ a ya n yabi ka le. A ko n mako sa fen-gbɛrɛ la ata hinɛ kɔma. A ko ni sɛnbɛ sa n bolo, ata sɛnbɛ si koloya n tɔ worɔ. Nba, n sewanɛ bɛrɛkɛ worɔ ka wasi nta sɛnbɛbɔninya-koenuna ko la. N ni a lɔn ko Kirasitita sɛnbɛ ye n matankala.

Ɛfɛsa 6:10

Nba, ka kumɛ kundon, Marita sɛnbɛ ni a ma, wo ra ni gbɛlɛya.

2 Timoti 2:1

Nba, nna dan, i ni Alla madiya ko a ni i sɛnbɛ makofu. A si i sɛnbɛ makofu ka a tɛgɛ ata hinɛ ma i wara la Yisa Kirasiti baraka rɔ.

Yasowa 1:9

N ma a fɔ i ye fɔlɔ nun ko i ni i yisi ragbɛlɛya ka i kerinteya, wa? I kana kilan, i yisi kana tinya. I tara kan-bo-kan, nde, ita Mari Alla si to i fɛ nyɔ.”

Lankɛnimayɛ 1:17

N ya a ragbɛ min kɛ, n buira a kin kɔrɔ iko mɔgɔ-faganɛ. A ya a kɔɛn-nyimɛ sa n ma. A ko, “I kana kilan! A fɔlɔtɛ anubɛ a laban le nde la.

Kɛlɛ-Kurugbɛnu 6:23

Mari ya a fɔ a ye ko, “I yisi ni kimɛ. Hali i ma kilan. Ko-wo-ko ti ma i la.”