Daniyɛli 10:1 - ALLALA KUMƐ

¹ Pasiya Mansa Sairasila mansayɛ san sawa nyɔgɛ ma, Alla ya koe do yira nde, Daniyɛli la. N tɔgɛ le fanan Bɛlitisasa. Sarakanɛ wo, tonyɛ le kɔnɔ a ragbɛ ma di. Yanni n ni kɛ nya-yen, Mari ya ko-rayirɛ kɛ n ye.

Daniyɛli 10:1 Iomraidhean Croise

Ko-Dabirɛnu 41:32

I kiyora ko filɛ minnu na kɛ la, Alla ara ban a latɛgɛla. A sa mɛla tun kiyo kɛ damasi kɔrɛ si bɔ-a-la.

2 Ko-Kɔrɔta-Karan 36:22

Mansa Sairasila mansayɛ san fɔlɔtɛ Pasiya nyamanɛ rɔ, Marita Nɛbi Yɛrɛmayata nɛbiya-kumɛ bɔra-a-la. Mari ya Mansa Sairasi yisi-kɔrɔ-tugu alako ka kilayɛ kɛ ranyɛnsɛn ala nyamanɛ mumɛ bɛɛ rɔ.

Ɛsira 3:7

Isirɛla mɔgɛnu ya wodi bɔ ka kuru-lɛsɛlɛnu anubɛ bon-tuwalɛnu sara wo la. Anu ya dɔn-fan anubɛ minni-fan anubɛ ɔlifi-tulinu nata Lɛbanan nyamanɛ rɔ kɔlɔma-hakikɛnu sɔnkɔyɛ la. Anu ya fan wonu nata Taya soe anubɛ Saidon soe burɔ. Lɛbanan kɛnu ya kɔlɔma wonu nata yi kuma ha ka ke Yapa soe ma. Pasiya Mansa Sairasi sɔnta anu miriya kɛ dama ma.

Ɛsira 4:3

Sarababulu anubɛ Yɛsuwa anubɛ kebila-kunyɛnu ya a fɔ anu ye ko, “Ma sa nyinina wola dɛnbɛnɛ ma mata Mari Alla Bato-Bɔn sɔ tinɛ bawo a ti bɛn. Ma si a sɔ ma nyɛrɛ ma iko Pasiya Mansa Sairasi ya ma sɔ nya min.”

Ɛsira 4:5

Wo kɔma, anu ya dogonta-fan di Pasiya mɔgɔ-banu ma anuna ko la. Anu tora wo kun na ka a dabira Sairasila mansaya-wati ma ha Dariyasila mansaya-wati.

Ɛsira 6:14

Yahudiya mɔgɔ-banu tora tala yarɔ Bato-Bɔn sɔ tinɛ. Nɛbi Hegayi anubɛ Sakaraya tora anu yisi-kima-kumɛ fɔla. Anu ya Bato-Bon-wɔlɛ wo kundon iko Isirɛlata Alla anubɛ Pasiya mansa kɛnu ya a fɔ anu ye nya min, Mansa Sairasi wo, Mansa Dariyasi wo, anubɛ Mansa Atasakasi.

Ɛsira 6:3

“Sairasila mansayɛ san fɔlɛ ma, Mansa Sairasi ya a fɔ ko anu ni Bato-Bɔn do sɔ Yerusalɛm soe burɔ anu si sarakɛnu bɔ ka anu mintan kan min. A sɔɛ ni ma nunkan-nya bi-wɔrɔ la, a kɔnɛ ni ma nunkan-nya bi-wɔrɔ la.

Aiseya 44:28

A ko a si a fɔ Babilɔn Mansa Sairasi ye ko a ni ma mansɛ la ale ye, wo ni a sako bɛɛ kɛ. A ko Yerusalɛm soe ni sɔ a kurɛ la tun. A ko fanan, Bato-Bɔn kuru ni kɛ tun.

Daniyɛli 1:17

Alla ya hɛnkili di kemini-mɔgɔ nanɛ kɛnu ma ka buku-sɛbɛnɛ damasi kɔrɛ lɔn. Min sanɛ wo kuma, Alla ya a ma, Daniyɛli mara kiyo-kɔrɛ anubɛ ko-rayennɛ-takarannɛ la.

Daniyɛli 1:21

Daniyɛli tora mansɛ fɛ bolɔn la nyɔ furr, ha Pasiya nyamani-tigi min tɔgɛ Sairasi ya Babilɔn nyamanɛ bi.

Daniyɛli 1:7

Anu karan-mɔgɛ ya tɔgɔ-kura sa anu kuma. A ya Daniyɛli tɔgɔ yɛlɛma Bɛlitisasa. A ya Hananaya tɔgɔ yɛlɛma Sadiraki. A ya Misiyɛli tɔgɔ yɛlɛma Mɛsaki. A ya Asaraya tɔgɔ yɛlɛma Abɛdinigɔ.

Daniyɛli 10:14

Wo le ya a to, n bara na alako i ni a lɔn min bi nala mala ila mɔgɛnu na yarɔ. I ye ko-rayen min tayenna kɛ la, sinan-ko-rayen le wo la.”

Daniyɛli 11:2

Nba, melika min sɔnɛ n dafɛ, wo ko fanan, “Min sɛbɛnɛ Allata Tonya-Buku rɔ, n bi nala wo fɔla i ye, ado tonyɛ le wo la. Mansa-nani-gbɛrɛ si na mansayɛ kɛ Pasiya nyamanɛ kun na kelen-kelenyɛ ma kɔnɔ a nani-nyɔgɛ si ma nɔnfulu-tigi la ka tenbi a to sawɛ kɛnu na. Ala nɔnfulu-tigiyɛ wo si a ma, a ni wuli Kirisi mansɛ kan ma.

Daniyɛli 12:4

Melika kelan wo ya a fɔ n ye tun ko, “Daniyɛli, i ni buku kɛ dɛ gbalɔn ha duninyala-ban-wati. Kɛ-wati-mumɛ bɛɛ rɔ, mɔgɛnu si to yigi-ni-yɛlɛla hɛnkili-sɔrɔn-koe rɔ.”

Daniyɛli 12:9

A ya n yabi ko, “Daniyɛli, ta i ye bawo kumɛ kɛ si to gbundi rɔ ha watila ban.

Daniyɛli 2:21

Ale le ye samɛ ladonna. Ale le ye telemɛ labɔla. Ale le ye mɔgɛ mala mansɛ la. Ale le ye mɔgɛ bɔla mansayɛ la. Ale le ye hɛnkili dila mɔgɛ ma, ado ale le ye a mala fanan, mɔgɛ ni ko nya-yen.

Daniyɛli 4:8

Wo kɔma, Daniyɛli nara. (N kɛnɛna a kelela ko Bɛlitisasa bawo nna bɛsi-tɔgɔma le ale la, ado ale Allata sɛnbɛ anubɛ nyinɛnutɛ ye a fɛ fanan.) N ya nna kiyo kɛ rakaran ale ye. N ya a fɔ a ye ko

Daniyɛli 5:12

A hɛnkili ye kiyo wo kɔrɛ takaran tinɛ, ado a ya sɔgɔsɔgɔma-tilinu-kɔrɛ lɔn. Hali ka ko-dogonni-kɔrɛ fɔ i ye, a ya wo lɔn. Ale keminɛ kele. A tɔgɔ le Daniyɛli. Anu bi a kelela fanan ko Bɛlitisasa. Wo si ke le sɛbɛli kɛ damasi kɔrɛ fɔla i ye.”

Daniyɛli 5:17

Daniyɛli ya a fɔ a ye ko, “Mansɛ, ila fan wonu ni to i bolo. Ni wo ma, i ni wonu di mɔgɔ-gbɛrɛkɛ ma. Nde si sɛbɛli kɛ rakaran ka a kɔrɛ fɔ i ye a kin na.”

Daniyɛli 6:28

Daniyɛli wara-koe sabatira Mansa Dariyasi anubɛ Pasiya kɛ Mansa Sairasita wati rɔ.

Daniyɛli 8:16

N ya hadama-den-kan lamɔɛn ka bɔ yi-nɛ wo kuma min tɔgɛ Wulai. A ko, “Yibirila, ko-rayen kɛ kɔrɛ rakaran ale Daniyɛli ye.”

Daniyɛli 8:26

“N bɔ-san sɔgɔma-ani-wurala-saraka bɔ-koe min takaranna i yala, ko-rayen wo si bɔ-a-la. Kɔnɔ i kana a fɔ mɔgɔ-wo-mɔgɔ ye. A to i hɛnkili ma bawo yanni kɛ damasi ni bɔ-a-la, a si mɛ fɔlɔn.”

Luka 1:20

Kɔnɔ i ma la nna kumɛ la ko a si bɔ-a-la ala wati-latɛgɛnɛ rɔ serr! Nba i ma la wo la min kɛ, woletɔ i si boboya. N bara kumɛ min bɛɛ fɔ i ye wo la, fɔ wonu ba bɔ-a-la yanni i ni to kumala.”

Lankɛnimayɛ 19:9

Wo kɔma, melika ya a fɔ n ye ko, “Kɛ sɛbɛ. Mɔgɔ-sewanɛ le wonu na minnu kelenɛ saga-danta kɔnyɔ-masɔ-ladiyɛ wo rɔ.” Nba, melika ya a fɔ tun ko, “Allala-tonya-kumɛ le kɛnu na.”