Daniyɛli 1:8 - ALLALA KUMƐ

⁸ Daniyɛli ya a latɛgɛ a nyɛrɛ ma ko a ti a nyɛrɛ latinya mansɛla dɔn-fan wonu dɔn tinɛ. Woletɔ a ya anu karan-mɔgɔ Asipinasi madiya alako ale kana mansɛla dɔn-fan dɔn anubɛ ka ala baan min.

Daniyɛli 1:8 Iomraidhean Croise

1 Mansɛnu 5:5

Mari ya a fɔ n fa Dawuda ye ko ala dan min si ma mansɛ la a gbɛ rɔ, wo si bɔn sɔ ale Mari ye. N bara bɔn wo sɔ-koe latɛgɛ n yisi rɔ nta Mari Alla ye kaka.

Yaburi 106:28

Allala mɔgɛnu kofura Beyali-kɔlɛnu ma Piyɔri kɔnkɛ ma. Niyi sa bɛsɛ minnu tɔ, anu bi wonu kɔ-fan dɔnna.

Yaburi 119:106

N ya n dakan don ila tɔn min bira-koe rɔ, n si n kan wo latɔnbagaya gben-gben!

Yaburi 119:115

Wole ko-yogoma-kɛlɛnu, wo ni wo masɛgi n na. Ndeta Alla ye min fɔla n ye, n bi wo le birala.

Yaburi 141:4

N miriya bɔ ko-yogomɛ ma. Doinu tenbi ko-yogomɛ mala, n kana kofu anu ma. N kana na anuna bɛsi-kɔ-fannu dɔn.

Hɛnkilimaya-Kumɛnu 23:3

I kana i lagbɛ ala dɔn-fen-diyamɛnu ma. Tumado, a ye i bolo-labira-koe le tɔ kɔrɛ kɔnɔ i ma a lɔn.

Daniyɛli 1:5

Mansɛ wo ya a fɔ tun ko ala mɔgɔ-banu bi dɔn-fan anubɛ baan min sufa sɔrɔnna, a bɛnta, Isirɛla mɔgɔ-yabɔnɛ wonu fanan ni wo nyɔgɔn sufa sɔrɔn. Yanni anu ni to kofula mansɛla mɔgɔ-banu ma, anu si karan san sawa dɛgɛdɛgɛ!

Daniyɛli 5:4

ka anuna bɛsɛnu kɔ. Bɛsɛ wonu nadannɛ sɛnɛ la anubɛ wodi-gbɛ, anubɛ silɛɛ, anubɛ nɛgɛ, anubɛ kɔlɔma, anubɛ kuri.

Kɛwɔlɛnu 11:23

A kera nyɔ tumɛ min, Alla ara ata duwɛ layigi ata mɔgɛnu kuma nya min, wo yen a bolo, a sewara. A ya anu dama makawandi ko anu ni lanayɛ kɛ ka telen Mari ye anu yisi bɛɛ la.

Kɛwɔlɛnu 15:20

Kɔnɔ ma ni kɛdi sɛbɛ anu ma ka a fɔ anu ye ko dɔn-fan min bara di bɛsɛnu ma nun, anu kana wo dɔn bawo a latinyanɛ. Anu ni anu nyɛrɛ matanka yɛlɛnya-su bɛɛ ma. Wo kɔma, anu kana sogo-yifanɛ fenfen dɔn bawo a yele ye a rɔ.

1 Kɔrɛnti 7:37

Kɔnɔ ni a ya a latɛgɛ ko a kana a furu, ado mɔgɔ sa a fɔrɔsɛla, ni a si ke a nyɛrɛ mamarala, hali a ma sunkurun wo furu worɔ. A ye ko-nyimɛ le kɛla wo la,

2 Kɔrɛnti 9:7

Bɛɛ ni kɔlɛ kɛ worɔ iko a ara a miri a burɔ nya min. A kana kɔli kɛ yisi-magboyɛ la. A kana kɔli kɛ bawo anu bi i lagbengbenna. Mɔgɛ min bi fan dila a sewanɛ, wo le di Alla ye.

Tɔn-Fɔɛ-Fila-Nyɔgɛ 32:38

Wo ya anu de-nyini wola saraka-kɛɛnmɛnu na. Wo ya wola nɔnbɔ-gbɔ-yi ma sarakɛ la ka anu di wola bɛsɛnu ma fanan. Nba, wonu ni anu natiriya wo dɛnbɛna gbɛ! Wonu ni na wo kisi.”