Daniyɛli 1:6 - ALLALA KUMƐ

⁶ Mɔgɔ nanɛ minnu taranta mɔgɔ-yabɔnɛnu tɛma, wonu tɔgɛ le kɛnu na, Daniyɛli wo, Hananaya wo, Misiyɛli wo anubɛ Asaraya. Yuda bɔnsɔn-mɔgɛ le kɛ dama la.

Daniyɛli 1:6 Iomraidhean Croise

Isikiyɛli 14:14

Nowa wo, Danɛli wo, Yobu wo, ni wonu denu bi nyamanɛ wo rɔ nun, anuna kɛwɔli-nyimɛ ti mɔgɔ-wo-mɔgɔ kisi fɔ anu nyɛrɛ. Nde, wo Tigi Mari kan le kɛ la.

Isikiyɛli 14:20

Ni n ya wo ma, hali Nowa anubɛ Danɛli anubɛ Yobu taranta nyamanɛ wo rɔ nun, n bara n keli n nyɛrɛ rɔ ko hali anuna dannu, anu ti ke wonu nakisila fɔ anuna telenbagayɛ, wo le ye anu kisila.”

Isikiyɛli 28:3

A miri ko hɛnkili ye a bolo ka tenbi Danɛli la ko mɔgɔ ti gbundu-ko dogon a ma.

Daniyɛli 1:19

Mansɛ kumara anu dama la. Kɔnɔ Daniyɛli wo, Hananaya wo, Misiyɛli wo, anubɛ Asaraya, wonu kuma-nya ya a diya don mansɛ rɔ ka tenbi doi wonu na. Mɔgɔ nanɛ wonu kofura mansɛla mɔgɔ-banu ma.

Daniyɛli 2:17

Koe min bɛɛ tenbira, Daniyɛli tara bɔn la ka wonu takaran a diyana-mɔgɛnu ye, Hananaya wo, Misiyɛli wo, anubɛ Asaraya.

Daniyɛli 2:25

Tiriyante wo rɔ, Ariyoki tara Daniyɛli la Mansa Nɛbukanasa wara. Anu ke mansɛ ma, Ariyoki ya a fɔ ko, “Kɛlɛ ya Yahudiya minnu bira, n bara wo mɔgɔ kelen yen min si ke ma tigita kiyo wo kɔrɛ fɔla a ye.”

Daniyɛli 5:13

Ale Daniyɛli nanɛ, anu tara a la mansɛ wara. Mansɛ ya a manyinika ko, “Daniyɛli le ile la? N fa tara mɔgɛ minnu bira Yuda nyamanɛ rɔ, wo do le ile la, wa?” Daniyɛli ko, “Mansɛ, tonyɛ le wo la.”

Daniyɛli 6:14

Mansɛ ya wo lamɔɛn tumɛ min, a yisi tinyara Daniyɛlila ko la. Ale mansɛ ya a raya ka Daniyɛli kunyɛ bɔ nanparan wo rɔ. A tora a rayala ha wurɛla-tumɛ la.

Matiyu 24:15

“Nɛbi Daniyɛli ya kisimiriya-koe minna ko fɔ, wo si wo sɔnɛ yen Kan-Tina-Sɛnimɛ rɔ Alla-Bato-Bɔn la. (Minnu bi kɛ karanna, anu ni anu taya a kɔrɛ-lɔn-koe ma!)

Maraka 13:14

“Wo si ‘kisimiriya koe’ sɔnɛ yen kan tinɛ do rɔ, a sɔ tina ma min na. (Minnu bi kɛ karanna, anu ni anu taya a kɔrɛ-lɔn koe ma!) Minnu bi Yudiya nyamanɛ rɔ, wonu ni anu buri ka yɛlɛ kɔnkɛnu kuma.