Daniyɛli 1:4 - ALLALA KUMƐ

⁴ Kɔnɔ a ye min yatɔnbɔnna, anu ni kinya, anu ni ma hɛnkilimɛnu na, anu ni ma mɔgɔ-kolonɛnu na, anu ni ko nya-yen yona, ado fɛɛ kana taran anu na fanan. A bɛnta, wo mɔgɔ-sufanu ni sigi mansa-bolɔn la. Ale mansɛ ya a fɔ tun ko ale Asipinasi si to wonu karanna anuna Babilɔn kan anubɛ anuna buku-sɛbɛni-kɔrɛnu karan ma.

Daniyɛli 1:4 Iomraidhean Croise

2 Samuwɛli 14:25

Isirɛla nyamanɛ lakofunɛ ka a sa a nyɔgɔn kuma, mɔgɔ-wo-mɔgɔ mafɛlɛn ma di Abasalɔm ko. Ka a bi a kian ma ha ka a sigi a kunyɛ la, fɛɛ-wo-fɛɛ sa a la.

Hɛnkilimaya-Kumɛnu 22:29

Mɔgɔ-wo-mɔgɔ kusan wɔlila, wo ti to ata wɔlɛ kɛla dogɔn tɔ. Hali mansɛ, a si a bolo don a wara-koe rɔ ala wɔli-nyimɛ wola ko la.

Makawandili Kumɛnu 7:19

Hɛnkilimayɛ si koe min nyinya mɔgɔ kelen ma, kun-tigi tan ti ke wo nyɔgɔ-sufa mala so-kun kelan ye.

Aiseya 36:11

Wo kɔma, Ilayakim anubɛ Sɛbana anubɛ Yowa ya a fɔ Asiriyanu mansɛla kandɛ wo ye ko, “I yandi, kuma ma ye Aramaki-kan rɔ. Ma si wo ragbɛ le. I kana kuma ma ye mata Hiburu-kan rɔ alako minnu bi tarɛ kuma san ma, wonu kana na ma kan ragbɛ.”

Yɛrɛmaya 5:15

Wole Isirɛla mɔgɛnu, Mari ko wo ni wo tole masɔ. A ti mɛ tun, nyamanɛ do si na wo tɔrɔ-tinɛ ka bɔ wula-yan la. A ko nyamani-kɔrɔkɔrɛ do le wo la. Mɔgɛ wonu bi kumɛ min fɔla, wo ti wonu kan ragbɛ. Wo ti ke anu kuli ragbɛla.

Daniyɛli 2:10

A makawandilɛnu ya a fɔ a ye ko, “Ile ma tigi ara ma manyinika min na, mɔgɔ-wo-mɔgɔ sa duninya kɛ rɔ min si kɛ ma. Hali mansɛ makawara nya-wo-nya, a ti durinu anubɛ bolo-tafɛlɛnnɛnu anubɛ hɛnkilimɛnu manyinika kɛ nya na.

Daniyɛli 2:2

A ya kilayɛ lata ala durinu anubɛ ala bolo-tafɛlɛnnɛnu anubɛ ala ko-rayennɛnu anubɛ ala hɛnkilimɛnu ma ka anu kele alako anu ni ala kiyo wo kɔrɛ rakaran a ye. Anu sɔra mansɛ yarɔ tumɛ min,

Daniyɛli 3:8

Wo ya a taran, Babilɔn kɛ donu bi Yahudiyanu madɔnna.

Daniyɛli 4:7

Durinu anubɛ bolo-tafɛlɛnnɛnu anubɛ hɛnkilimɛnu nara. N ya nna kiyo rakaran anu ye min kɛ, anu ma ke a kɔrɛ fɔla n ye.

Daniyɛli 5:11

Mɔgɛ do ye ila nyamanɛ kɛ rɔ, ale Allata sɛnbɛ anubɛ nyinɛnutɛ ye min fɛ. I fa ye mansayɛ la tumɛ min, kei wo ya hɛnkili-nyimɛ labɔ. Ala ko-lɔn mani de iko ale Allata sɛnbɛ anubɛ nyinɛnutɛ ye nya min. I fa Nɛbukanasa ya ale kei ma a durinu anubɛ a bolo-tafɛlɛnnɛnu anubɛ a hɛnkilimɛnuna kun-tigi la.

Daniyɛli 5:7

A ya a kuli mayɛlɛ a fɔ tinɛ ko anu ni ta ala durinu kele anubɛ a bolo-tafɛlɛnnɛnu anubɛ a hɛnkilimɛnu. Wonu nanɛ, mansɛ ya a fɔ anu ye ko, “Ni min kera sɛbɛli kɛ rakaranna ka a kɔrɛ fɔ n ye, n si ko sawa ma wo tigi ye. N si duruki-ba-hakikɛnu di a ma. Wo kɔma, n si sɛnɛ-yɔlɔkɛ bila a tigi kan na. A laban, ale si tugun nna kandɛ la nyamanɛ kɛ rɔ.”

Daniyɛli 9:1

Midiya kɛ Sakasisila den Dariyasila mansayɛ san fɔlɔtɛ Babilɔn nyamanɛ kun na, nde, Daniyɛli ya buku-sɛnimɛnu bi. N ya wonu karan ka n miri Yerusalɛm soe tinya-koe ma san bi-wɔrɔnfila kɔrɔ iko Mari ya a fɔ Nɛbi Yɛrɛmaya ye nya min.

Sakaraya 2:4

Min namatoe, wo ya a fɔ doi wo ye ko, “I buri tala a fɔla fen-sumannɛ wo ye ko tarɛ ti ke minina Yerusalɛm soe ma tun bawo a la si fa mɔgɛnu anubɛ kolo-fannu na penpen!

Kɛwɔlɛnu 7:20

ado Nɛbi Musa sɔrɔnta wo wati le tɔ. Den-hakikɛ le. A tora a fa warɛ karɛ sawa.

Kɛwɔlɛnu 7:22

A karanta Iyipiti kɛnuna hɛnkili bɛɛ la. A si kuma nya min wo, a si ko ladan nya min wo, a mara mɔgɔ-ba la wo bɛɛ rɔ.

Ɛfɛsa 5:27

Kirasiti ya wo bɛɛ ma le alako ala mɔgɛnu ba sɔ a yakɔrɔ, anu sɛninyanɛ ni taran, fɛɛ kana taran anu na. Anu tatinyani ma, anu matɔrɔmɔnyani ma, anu kanbalibɛliya-tina-wo-tina sa anu tɔ.

Kɛlɛ-Kurugbɛnu 8:18

Kidiyɔn ya mansa biranɛ wonu manyinika, a ko, “Wo ya mɔgɔ filɛ minnu faga Tebɔ kɔnkɛ kuma wulɔn, wo ya nfen lɔn wonuna ko rɔ?” Mansɛ wonu ko, “Ma ya mɔgɔ filɛ minnu faga, wonubɛ mansa-dannu munta, ado anu munta i la fanan.”