Daniyɛli 1:20 - ALLALA KUMƐ

²⁰ Mansɛ kɛ wa nyinikalɛ sa, ni wo ma, ka hɛnkili nyini tuma-wo-tuma, mɔgɔ nanɛ kɛnu si wo nya-yen ka tenbi nyɔ-bolo-tafɛlɛnnɛnu anubɛ nyɔ-durinu na nyamanɛ wo bɛɛ rɔ pirr!

Daniyɛli 1:20 Iomraidhean Croise

Ko-Dabirɛnu 31:7

Wo fa ara n yanfa ka to n sarɛ mayigi-ni-yɛlɛ kɛla iko siyaman. Kɔnɔ Alla ma sɔn wo fa ni ko ma n na.

Ko-Dabirɛnu 41:8

Kiyo wonu ya mansɛ lafili pirikali! Wo wulun sɔgɔma, mansɛ wo ya kilayɛnu tanyɛnsɛn ala nyamanɛ rɔ ka hɛnkilimɛnu anubɛ nya-nyini-kɛlɛnu kele. Ale Iyipiti mansɛ ya ala kiyo rakaran anu ye kɔnɔ ala nyamanita-mɔgɛ wonu fenfen ma ke ala kiyo wonu kɔrɛ fɔla a ye.

Nihɛmaya 4:12

Kɔnɔ ma yogenu ba gbundi min kiri ma ma, Yahudiya minnu siginɛ anu tɛma, wonu si na ma lalɔn wo la tuma-wo-tuma.

Yobu 19:3

Tuma-wo-tuma, wo ye n mɔɛnna. Wo ti miliya n mɔɛn tinɛ lefan!

Yaburi 119:99

N hɛnkili da-rakolo n karan-mɔgɛ bɛɛtɛ ko bawo ila karan ma bɔ n kunyɛ rɔ.

Bɔ-Koe-Iyipiti 7:22

Ale mansɛla kofo-dannu fanan ya a ma wo nya anuta kofo-denyɛ rɔ. Hali wo, mansɛ yisi gbɛlɛyara ka tenbi a fila nyɔgɛ la. A ma sɔn Musa anubɛ Arunata kumɛ birala. Iko Mari ya a fɔ nya min, Mari kuman-kan bɔra-a-la.

Bɔ-Koe-Iyipiti 8:19

Ale mansɛla kofo-dan wonu ya a fɔ ale mansɛ ye ko, “Alla nyɛrɛ bole ye kɛ rɔ.” Mansɛ ya a yisi gbɛlɛya kɛ kɔma tun a nani nyɔgɛ ko. A ma sɔn Musa anubɛ Aruna kuman-kan birala. Iko Mari ya a fɔ nya min, a kuman-kan bɔra-a-la. (4) Yɔlɛnu Bara-Koe

Bɔ-Koe-Iyipiti 8:7

Mansɛla kofo-dan wonu fanan ya anu sanka Aruna ma anuta kofo-denyɛ rɔ ka turukɔɔkɔ donu nana Iyipiti nyamanɛ rɔ.

Aiseya 19:3

Koe min bɛɛ rabɛnnɛ Iyipiti kɛnu bolo, a si wonu tinya anu ma pɔ! A si kumakɔɛ ladon anu tɛma. Anu si anuna bɛsɛnu madiya alako wonu ni anu dɛnbɛ. Anu si ta bolo-tafɛlɛnna-su bɛɛ wara alako wonu ni hɛnkili di anu ma.

Isikiyɛli 28:3

A miri ko hɛnkili ye a bolo ka tenbi Danɛli la ko mɔgɔ ti gbundu-ko dogon a ma.

Daniyɛli 1:17

Alla ya hɛnkili di kemini-mɔgɔ nanɛ kɛnu ma ka buku-sɛbɛnɛ damasi kɔrɛ lɔn. Min sanɛ wo kuma, Alla ya a ma, Daniyɛli mara kiyo-kɔrɛ anubɛ ko-rayennɛ-takarannɛ la.

Daniyɛli 2:13

Mansɛla kumɛ wo kera nyamanɛ wo tonke bɛɛ rɔ ko ka a makawandilɛ damasi faga. Wo le ya a ma, mansɛla mɔgɛnu tara Daniyɛli anubɛ a diyana-mɔgɛnu fanan bi tinɛ.

Daniyɛli 2:21

Ale le ye samɛ ladonna. Ale le ye telemɛ labɔla. Ale le ye mɔgɛ mala mansɛ la. Ale le ye mɔgɛ bɔla mansayɛ la. Ale le ye hɛnkili dila mɔgɛ ma, ado ale le ye a mala fanan, mɔgɛ ni ko nya-yen.

Daniyɛli 5:17

Daniyɛli ya a fɔ a ye ko, “Mansɛ, ila fan wonu ni to i bolo. Ni wo ma, i ni wonu di mɔgɔ-gbɛrɛkɛ ma. Nde si sɛbɛli kɛ rakaran ka a kɔrɛ fɔ i ye a kin na.”

Yilan-Yilan Koe 14:22

nba, anu do-wo-do ti don Kenan nyamanɛ rɔ. Anu damasi ya nna ta-waan wo yen serr! Anu ya kabana-ko-siyaman yen n ya min ma Iyipiti anubɛ n ya min ma wula-da-rakolɔn rɔ. Anu ya a yen, n ya n munyu anu kɔrɔ iko siyaman. Hali wo, anu ma sɔn ka nta kumɛ bira.