Daniyɛli 1:2 - ALLALA KUMƐ

² Ma tigi Alla le sɔnta Yuda Mansa Yahoyakim anubɛ ala kɛlɛ-dannu bira-koe ma anubɛ Alla Bato-Bɔn fen-kolomɛ donu bi-koe ma. Mansa Nɛbukanasa tara fen-kolomɛ wonu namara ata bɛsi-kɔ-bɔn la Babilɔn nyamanɛ rɔ.

Daniyɛli 1:2 Iomraidhean Croise

Ko-Dabirɛnu 10:10

Ale Nimirɔdi ya so-karantan sawɛ datɛgɛ Babilɔn nyamanɛ rɔ, Babɛli wo, Ɛreki wo, anubɛ Akadi.

Ko-Dabirɛnu 11:2

Anu tara tele-bɔɛ wara la ka anu sigi lɛɛ do rɔ Babilɔn nyamanɛ rɔ.

2 Mansɛnu 24:1

Yahoyakim ye mansayɛ la tumɛ min, Babilɔn Mansa Nɛbukanasa tara bui Yuda nyamanita-mɔgɛnu ma. San sawa Mansa Yahoyakim ye Mansa Nɛbukanasa kɔrɔ. Wo kɔma, a murutiyara a ma.

2 Ko-Kɔrɔta-Karan 36:5

Mansa Yahoyakim ya mansayɛ sɔrɔn Yuda nyamanɛ rɔ a sɔrɔn-san mogan-ni-loli nyɔgɛ le ma. San tan-ni-kelen, a ye mansayɛ la ka bɔ Yerusalɛm soe burɔ kɔnɔ a bilara ata Mari Alla la.

2 Ko-Kɔrɔta-Karan 36:7

Mansa Nɛbukanasa tara fen-kolomɛ donu bi Mari Bato-Bɔn la ka wonu nadon ala bolɔn la Babilɔn.

Ɛsira 1:7

Mansa Nɛbukanasa ya miran minnu nabɔ Alla Bato-Bɔn la Yerusalɛm nun ka ta anu na ata bɛsi-kɔ-tinɛ, Mansa Sairasi ya wo dama lasɛgi anu ma.

Aiseya 11:11

Wo wati wa ke, Mari si ata sɛnbɛ lawɔli alako ata mɔgɛ minnu bi Asiriya anubɛ Iyipiti ni sɛgi anu barɛ tun. Iyipiti nyamanɛ dugu la wo, Sudan nyamanɛ wo, Ilam nyamanɛ wo, Babilɔniya nyamanɛ wo, Hamati nyamanɛ wo, kɔgɔ-yi-dafɛ-nyamanɛnu wo, yi-tɛma-nyamanɛnu tɔ wo, anu si na ka bɔ wo bɛɛ rɔ.

Aiseya 42:24

Yon ya Isirɛla nyamanɛ latenbi a kankannɛnu ma? Ale Mari nyɛrɛ-nyɛrɛ le ya wo ma, ma ara hakɛ kɛ min na, kɔni. A sɔgɛ ye a la, ma ni ma nya min, ma ma sɔn wo ma. Ma ma sɔn ala karan-bira-koe ma ma bolo filɛ la.

Yɛrɛmaya 25:1

Yosayala den Mansa Yahoyakimna mansayɛ san nanɛ ma Yuda nyamanɛ rɔ, Mari ya kilayɛ kɛ le don nde, Yɛrɛmaya bolo wole, Yuda mɔgɛnuna ko la. (Nɛbukanasala mansayɛ san fɔlɔtɛ le kɛ la Babilɔn nyamanɛ rɔ.)

Yɛrɛmaya 27:16

Wo kɔma, nde, Yɛrɛmaya ya a fɔ saraka-masɔlɛnu anubɛ wole fanan ye ko Mari ya kɛ le fɔ. A ko foninya-nɛbinu bi a fɔla ko Babilɔn kɛnu tara Bato-Bon-miran minnu na, wonu ti mɛ nala tun. A ko wo kana wo tole masɔ nɛbi wonu na. A ko anu bi foninya-nɛbiya-kumɛnu denu fɔla wo ye tolon!

Yɛrɛmaya 28:3

A ko Mari ko Nɛbukanasa tara Bato-Bon-miran min bɛɛ la, yanni san fila, ale Mari si sɛgi wonu na.

Yɛrɛmaya 35:11

Mansa Nɛbukanasala bui nyamanɛ ma, wo le ya a ma, ma donta Yerusalɛm soe burɔ alako ma ni kanan Babilɔn anubɛ Siriya kɛlɛ-dannuna masibɛ ma. Wo le wara ma sigi Yerusalɛm yan.”

Yɛrɛmaya 50:2

“Wo ni kɛ fɔ sibolenu ye ka a mayon ko anu ka a ma gbundu la de! Wo ni falafalɛ layɛlɛ tamasereyɛ la ko Babilɔn si na bui, yɔ! Anuna bɛsɛ min tɔgɛ Maraduku, wo si na nyɛnsɛn kesemeren! Babilɔn kɛnuna bɛsɛnu bara miliya kɔgɔrɔyɔlɔ! Anuna kisimiriya-bɛsɛ wonu si na serendi ha ka anu nunku iko gbangban.

Yɛrɛmaya 51:44

Mari ko a si Babilɔn kɛnuna bɛsi Bɛli tinya. Mɔgɛnu ya min bɛɛ kankan bɛsi wo ye, anu si wo bɛɛ lasɛgi a tiginu ma. Sibolo-wo-sibolo ti a kɔ tun! Babilɔn tarɛnu si na bui.

Daniyɛli 5:13

Ale Daniyɛli nanɛ, anu tara a la mansɛ wara. Mansɛ ya a manyinika ko, “Daniyɛli le ile la? N fa tara mɔgɛ minnu bira Yuda nyamanɛ rɔ, wo do le ile la, wa?” Daniyɛli ko, “Mansɛ, tonyɛ le wo la.”

Daniyɛli 5:18

“Alla Min Bi Fan Bɛɛ Kun Na, wo ya i fa Nɛbukanasa ma mansa-sɛnbɛ-tigi la. A ya a ma, mɔgɛnu ya a matɔgɔ ka a gbiliya.

Habakuku 1:16

Anu ba ban wo la, anu ni don anuna yalɛ wonu batoe rɔ ka sarakɛ bɔ wonu ye bawo anu bi nyinina fan min bɛɛsi ma, anu bi wonu sɔrɔnna yalɛ wonu tɔ.

Sakaraya 5:11

A ko, “Anu bi tala a la Babilɔn nyamanɛ rɔ, anu bi bɛsi-kɔ-tinɛ sɔla a ye kan min. Anu ba bɔn wo laban, anu si digi wo sigi a sigi-tinɛ rɔ nyɔ.”

Tɔn-Fɔɛ-Fila-Nyɔgɛ 32:30

Nfen ya a to, anu mɔgɔ kelan ya wo mɔgɔ waga kelan gbesi? Nfen ya a to, anu mɔgɔ filɛ ya wo mɔgɔ waga tan gben? Min ya a to, wonu mara bawo wota Fara-Kole Mari ya a bɔ wo fɛ.

Kɛlɛ-Kurugbɛnu 2:14

Woletɔ Mari fonde bɔra Isirɛla mɔgɛnu kan ma. Mari sɔnta ko kankannu ni bui anu ma. Anu yoge minnu bi anuna foolɛ rɔ, Mari sɔnta ko wonu ni Isirɛlanu nɔ. Wo le ya a ma, Isirɛla mɔgɛnu ma ke anu nyɛrɛma-kɛlɛ kɛla.

Kɛlɛ-Kurugbɛnu 3:8

Wo ya a ma, Mari fonde bɔra anu kuma. A sɔnta ko Mɛsopotemiya nyamani-tigi Kusan-Risatam ni anu nɔ. San segin, a ye anu kun na.

Kɛlɛ-Kurugbɛnu 4:2

Kenan Mansa Yebin min siginɛ Hesɔ soe burɔ, Mari sɔnta ko wo ni Isirɛla mɔgɛnu nɔ. Mansɛ wota kɛlɛ-den-kun-tigi Sisara, min siginɛ Harosɛti-Hagoyim soe burɔ,

1 Samuwɛli 5:2

Anu tara a la anuna bɛsi-kɔ-tinɛ anu si anuta bɛsi Degɔn kɔ kan min. Anu ya tɔn-kenkirɛ wo sigi anuta bɛsɛ wo dafɛ.