Daniyɛli 1:19 - ALLALA KUMƐ

¹⁹ Mansɛ kumara anu dama la. Kɔnɔ Daniyɛli wo, Hananaya wo, Misiyɛli wo, anubɛ Asaraya, wonu kuma-nya ya a diya don mansɛ rɔ ka tenbi doi wonu na. Mɔgɔ nanɛ wonu kofura mansɛla mɔgɔ-banu ma.

Daniyɛli 1:19 Iomraidhean Croise

1 Mansɛnu 17:1

Nɛbi do bɔra Tisiba soe burɔ Kaliyadi nyamanɛ rɔ. A tɔgɛ le Ilaya. Nɛbi wo tara a fɔ Mansa Ehabu ye ko, “N bi Isirɛlata Mari Alla-nimɛ min batola, n bara n keli wo tɔgɔ rɔ ko duri ti yigi, bandɛ ti na san-dande kɛ kɔrɔ Isirɛla nyamanɛ kɛ rɔ yan fɔ nde, Ilaya wa a fɔ ko bandɛ ni na.”

Hɛnkilimaya-Kumɛnu 22:29

Mɔgɔ-wo-mɔgɔ kusan wɔlila, wo ti to ata wɔlɛ kɛla dogɔn tɔ. Hali mansɛ, a si a bolo don a wara-koe rɔ ala wɔli-nyimɛ wola ko la.

Yɛrɛmaya 15:19

Mari ya nde, Yɛrɛmaya yabi ka le ko ni n sɛgira a wara la, a ko a si n yisi kurakuraya. Wo kɔma, a ko n si ke ata wɔlɛ kɛla le worɔ. A ko ni a sɔgɛ ye n na ka ma nɛbi-bɛrɛbɛrɛ la, fɔ n ba n fara kun-takolonya-kuma-fɔɛ la ka don hɛnkilimaya-kuma-fɔɛ rɔ. A ko a bɛnta, wole Yuda kɛnu ni na nde wara la kɔnɔ a ma bɛn, nde ni ta wole wara la.

Daniyɛli 1:18

Anuna san-sawa-karan wo bannɛ, Asipinasi ya mɔgɔ-yabɔnɛ wonu bi ka ta anu yira Nyamani-Tigi Nɛbukanasa la.

Daniyɛli 1:4

Kɔnɔ a ye min yatɔnbɔnna, anu ni kinya, anu ni ma hɛnkilimɛnu na, anu ni ma mɔgɔ-kolonɛnu na, anu ni ko nya-yen yona, ado fɛɛ kana taran anu na fanan. A bɛnta, wo mɔgɔ-sufanu ni sigi mansa-bolɔn la. Ale mansɛ ya a fɔ tun ko ale Asipinasi si to wonu karanna anuna Babilɔn kan anubɛ anuna buku-sɛbɛni-kɔrɛnu karan ma.

Daniyɛli 1:5

Mansɛ wo ya a fɔ tun ko ala mɔgɔ-banu bi dɔn-fan anubɛ baan min sufa sɔrɔnna, a bɛnta, Isirɛla mɔgɔ-yabɔnɛ wonu fanan ni wo nyɔgɔn sufa sɔrɔn. Yanni anu ni to kofula mansɛla mɔgɔ-banu ma, anu si karan san sawa dɛgɛdɛgɛ!

Daniyɛli 1:6

Mɔgɔ nanɛ minnu taranta mɔgɔ-yabɔnɛnu tɛma, wonu tɔgɛ le kɛnu na, Daniyɛli wo, Hananaya wo, Misiyɛli wo anubɛ Asaraya. Yuda bɔnsɔn-mɔgɛ le kɛ dama la.

Daniyɛli 1:7

Anu karan-mɔgɛ ya tɔgɔ-kura sa anu kuma. A ya Daniyɛli tɔgɔ yɛlɛma Bɛlitisasa. A ya Hananaya tɔgɔ yɛlɛma Sadiraki. A ya Misiyɛli tɔgɔ yɛlɛma Mɛsaki. A ya Asaraya tɔgɔ yɛlɛma Abɛdinigɔ.

Daniyɛli 2:13

Mansɛla kumɛ wo kera nyamanɛ wo tonke bɛɛ rɔ ko ka a makawandilɛ damasi faga. Wo le ya a ma, mansɛla mɔgɛnu tara Daniyɛli anubɛ a diyana-mɔgɛnu fanan bi tinɛ.

Daniyɛli 3:29

Ale mansɛ ya a fɔ tun ko, “N bara ban a latɛgɛla bi, n ko ni mɔgɔ-wo-mɔgɔ ya mɔgɔ sawɛ kɛnuta Alla lafɛya, wo tigi si gbegbe ka ala bɔn ma sundu-kunyɛ la. Bɛsi-wo-bɛsi sa nyɔ min si ke mɔgɛ latankala iko kɛnutɛ.”