Daniyɛli 1:17 - ALLALA KUMƐ

¹⁷ Alla ya hɛnkili di kemini-mɔgɔ nanɛ kɛnu ma ka buku-sɛbɛnɛ damasi kɔrɛ lɔn. Min sanɛ wo kuma, Alla ya a ma, Daniyɛli mara kiyo-kɔrɛ anubɛ ko-rayennɛ-takarannɛ la.

Daniyɛli 1:17 Iomraidhean Croise

1 Mansɛnu 3:12

Woletɔ n bi nala hɛnkili anubɛ lɔnnɛ dila i ma tɛban! Mɔgɔ-wo-mɔgɔ ti hɛnkili sɔrɔn duninya rɔ ka ke i rɔ.

1 Mansɛnu 3:28

Isirɛla mɔgɛnu ya kiti wo lamɔɛn tumɛ min, mansɛ ya min tɛgɛ, anu kawara mansɛ ma. Anu ko, “Alla le ya kiti-tɛgɛ-hɛnkili kɛ di a ma.”

2 Ko-Kɔrɔta-Karan 1:10

Woletɔ i ni hɛnkilimayɛ anubɛ ko-kɔrɔ-lɔn di n ma alako n ni nna mɔgɛnu bira boloko-nyimɛ-kɛ. Ni wo ma, nde si ke kunna mɔgɔ-siyamɛ kɛnu ma kama?”

2 Ko-Kɔrɔta-Karan 1:12

n si a ma, i ni wonu sɔrɔn. Min sanɛ wo kuma, i si ma nɔnfulu-tigi la ka fen-kolomɛnu nadɛn bui! Ka tenbi wo la, i mankan si ta pon ka tenbi mansɛ bɛɛ la duninya rɔ. I nyɔgɔn mansa ma bɔ wɛ, ado i nyɔgɔn mansa ti taran tun.”

2 Ko-Kɔrɔta-Karan 26:5

Sakaraya min ya Mansa Yusaya labila Mari wara-koe la, wo ye a niyi la tumɛ min, mansɛ ya Alla hɛnɛ, ado Allata duwɛ tora a kuma.

Yobu 32:8

Kɔnɔ Alla Sɛnbɛ-Bɛɛ-Tigita niyi min bi mɔgɛ rɔ, wo le si hɛnkili di mɔgɔ ma.

Hɛnkilimaya-Kumɛnu 2:6

Mari le si hɛnkilimayɛ anubɛ lɔnnɛ di mɔgɛ ma. Wo kɔma, a si a ma, i ni a nya-yen.

Makawandili Kumɛnu 2:26

Alla le ye hɛnkilimayɛ anubɛ ko-kɔrɔ-lɔn anubɛ sewɛ dila wo mɔgɛ ma min bi ale Alla hɛnɛna. Kɔnɔ Alla ye a mala, hakɛ-tiginu bi wɔlila ka anu sɔrɔn-fannu namara alako min bi anu bolo, wo ni to Alla-sako-kɛlɛnu ye. Wo bɛɛ ragbɛlɛ. Wo mani de iko mɔgɛ tenbi fɔnyɔ birala.

Aiseya 28:26

A kusan wɔlɛ kɛla bawo Alla le ya a karan wo la.

Isikiyɛli 28:3

A miri ko hɛnkili ye a bolo ka tenbi Danɛli la ko mɔgɔ ti gbundu-ko dogon a ma.

Daniyɛli 1:18

Anuna san-sawa-karan wo bannɛ, Asipinasi ya mɔgɔ-yabɔnɛ wonu bi ka ta anu yira Nyamani-Tigi Nɛbukanasa la.

Daniyɛli 1:20

Mansɛ kɛ wa nyinikalɛ sa, ni wo ma, ka hɛnkili nyini tuma-wo-tuma, mɔgɔ nanɛ kɛnu si wo nya-yen ka tenbi nyɔ-bolo-tafɛlɛnnɛnu anubɛ nyɔ-durinu na nyamanɛ wo bɛɛ rɔ pirr!

Daniyɛli 1:4

Kɔnɔ a ye min yatɔnbɔnna, anu ni kinya, anu ni ma hɛnkilimɛnu na, anu ni ma mɔgɔ-kolonɛnu na, anu ni ko nya-yen yona, ado fɛɛ kana taran anu na fanan. A bɛnta, wo mɔgɔ-sufanu ni sigi mansa-bolɔn la. Ale mansɛ ya a fɔ tun ko ale Asipinasi si to wonu karanna anuna Babilɔn kan anubɛ anuna buku-sɛbɛni-kɔrɛnu karan ma.

Daniyɛli 10:1

Pasiya Mansa Sairasila mansayɛ san sawa nyɔgɛ ma, Alla ya koe do yira nde, Daniyɛli la. N tɔgɛ le fanan Bɛlitisasa. Sarakanɛ wo, tonyɛ le kɔnɔ a ragbɛ ma di. Yanni n ni kɛ nya-yen, Mari ya ko-rayirɛ kɛ n ye.

Daniyɛli 2:19

Wulɔn suyi nyɛrɛ rɔ, Alla ya ko-dogonnɛ ragbɛ Daniyɛli ye ka kiyo wonubɛ a kɔrɛ yira a la. Daniyɛli ya Arinyɛnɛ-Tigi Alla matɔgɔ ko,

Daniyɛli 2:21

Ale le ye samɛ ladonna. Ale le ye telemɛ labɔla. Ale le ye mɔgɛ mala mansɛ la. Ale le ye mɔgɛ bɔla mansayɛ la. Ale le ye hɛnkili dila mɔgɛ ma, ado ale le ye a mala fanan, mɔgɛ ni ko nya-yen.

Daniyɛli 2:23

Woletɔ n benbanuta Alla, n bi i matɔgɔla ka i gbiliya. I wara hɛnkilimayɛ anubɛ fanka di n ma. I wara mata matarali-kan yabi. N bi minnu fɔla mansɛ ye, i wara wonu yira ma la.”

Daniyɛli 2:30

Alla ara ko-dogonnɛ wo le yira nde fanan na. Ka a fɔ ko a ya wo yira n na bawo n hɛnkili kolo mɔgɔ-damatɛ ko, wo ma de! A ya a yira n na le alako ma tigi ni ala kiyo anubɛ a kɔrɛ anubɛ a miriyanu lɔn.

Daniyɛli 4:6

Wo kɔma, n ya n hɛnkilimɛ bɛɛsi kele minnu bi Babilɔn nyamanɛ kɛ rɔ alako wonu ni nna kiyo wo kɔrɛ fɔ n ye.

Daniyɛli 5:14

Mansɛ wo ya a fɔ a ye ko, “N bara a lamɔɛn ko Allata sɛnbɛ anubɛ nyinɛnutɛ ye i fɛ. N bara a lamɔɛn fanan ko i ya hɛnkili-nyimɛ labɔ, ado ko i ya ko-lɔn bɛrɛkɛ!

Daniyɛli 7:1

Bɛlisasata mansayɛ san fɔlɔtɛ Babilɔn nyamanɛ rɔ, Daniyɛli kiyora. Ko-rayirɛ minnu kera a ye kiyo wo rɔ wulɔn suyi rɔ, a ya wonu sɛbɛ.

Daniyɛli 8:1

Bɛlisasata mansayɛ san fila, a sawa nyɔgɛ ma Babilɔn nyamanɛ rɔ, ko-rayira fila nyɔgɛ kera nde, Daniyɛli ye.

Yilan-Yilan Koe 12:6

Mari ya a fɔ anu ye ko, “Wo ni wo tole masɔ. Nɛbinu bi wo tɛma tumɛ min, n si ko-rayirɛ kɛ anu ye kiyo rɔ.

Luka 21:15

bawo n si kumɛnu don wo da rɔ ka hɛnkili di wo ma. Wo si min fɔ, hali wo yogo kelen ti ke wo sɔsɔla ka wo nɔ.

Kɛwɔlɛnu 6:10

Kɔnɔ Allata Ni-Sɛnimɛ ya hɛnkili di Sitifen ma kosɛbɛ! A wa kuma tumɛ min, anu ti ke a nɔla kumɛ rɔ.

Kɛwɔlɛnu 7:10

Alla ya a kandan ala tɔrɔyɛ bɛɛ rɔ. Yusufu sɔra Iyipiti mansɛ yakɔrɔ tumɛ min, Alla ya kɛ-nya-nyimɛ anubɛ hɛnkili di a ma. Mansɛ ya Yusufu ma kandɛ la ala nyamanɛ anubɛ ala denbayɛ bɛɛ kuma.

Kɛwɔlɛnu 7:22

A karanta Iyipiti kɛnuna hɛnkili bɛɛ la. A si kuma nya min wo, a si ko ladan nya min wo, a mara mɔgɔ-ba la wo bɛɛ rɔ.

Kɔlɔsi 1:9

Wo le ya a to, kebi ma ya wo wara-koe lamɔɛn, ma ye Alla matarala wo ye tumɛ bɛɛ. Ma ye a matarala ko Alla ye min fɛ wo bolo, wo ni wo lɔn. Ma ye a matarala fanan ko a ni Allata Ni-Sɛnimɛta hɛnkili anubɛ ata lɔnnɛ di wo ma.

Yemesi 1:17

Kɔ-fen-nyimɛ-bɛɛ anubɛ kɔ-fen-kanbalinɛ-bɛɛ ye bɔla Arinyɛni tɔ. A ye yigila ka bɔ Alla bolo min ya san-koleta wan-takɛ-fannu dan. Ale Alla ti yɛlɛma iko ninɛ yɛlɛmanɛ ye nya min.

Yemesi 1:5

Ni min hɛnkili dasanɛ, wo tigi ni Alla matara. A si hɛnkili di a ma bawo Alla le si mɔgɛ kɔ foninsereyɛ la. A si sewa wo tigi la, ado a ti mɔgɔ lafɛya.