Daniyɛli 1:1 - ALLALA KUMƐ

¹ Mansa Yahoyakimta mansayɛ san sawa nyɔgɛ Yuda nyamanɛ rɔ, mansɛ min tɔgɛ Nɛbukanasa, wo ye Babilɔn nyamanɛ kun na. Wo wati rɔ, mansɛ wonubɛ ala kɛlɛ-dannu tara kurɔn don Yerusalɛm soe ma ka nyɔ-mɔgɛnu kɛlɛ.

Daniyɛli 1:1 Iomraidhean Croise

2 Mansɛnu 23:36

Yahoyakim ya mansayɛ sɔrɔn Yuda nyamanɛ rɔ a sɔrɔn-san mogan-ni-loli nyɔgɛ le ma. San tan-ni-kelen kɔrɔ, a ye mansayɛ la Yerusalɛm soe burɔ. A na le Pɛdayala den Sɛbuda ka bɔ Ruma soe burɔ.

2 Mansɛnu 24:13

Mansa Nɛbukanasa tara fen-kolomɛnu bi Mari Bato-Bɔn anubɛ mansɛla bolɔn la iko Mari ya a fɔ nya min nun. Mansa Silamɛni ara sɛnɛ sa Bato-Bon-miran minnu ma fɔlɔ, Mansa Nɛbukanasa ya sɛnɛ bɔ wonu ma ka ta anu na.

Aiseya 39:7

A ko hali ile mansɛ bɔnsɔn donu si ta. Wo donu si ma tɛgan la minnu si to wɔlila Babilɔn mansɛla bolɔn la.”

Yɛrɛmaya 25:1

Yosayala den Mansa Yahoyakimna mansayɛ san nanɛ ma Yuda nyamanɛ rɔ, Mari ya kilayɛ kɛ le don nde, Yɛrɛmaya bolo wole, Yuda mɔgɛnuna ko la. (Nɛbukanasala mansayɛ san fɔlɔtɛ le kɛ la Babilɔn nyamanɛ rɔ.)

Yɛrɛmaya 35:1

Yosayala den Yahoyakim ye mansayɛ la Yuda nyamanɛ rɔ tumɛ min, Mari kumara n ye tun.

Yɛrɛmaya 35:11

Mansa Nɛbukanasala bui nyamanɛ ma, wo le ya a ma, ma donta Yerusalɛm soe burɔ alako ma ni kanan Babilɔn anubɛ Siriya kɛlɛ-dannuna masibɛ ma. Wo le wara ma sigi Yerusalɛm yan.”

Yɛrɛmaya 36:1

Yosayala den Yahoyakim, wola mansayɛ san nani nyɔgɛ ma Yuda nyamanɛ rɔ, Mari ya a fɔ nde, Yɛrɛmaya ye ko

Yɛrɛmaya 45:1

Yosayala den Yahoyakimta mansayɛ san nani nyɔgɛ ma Yuda nyamanɛ kun na, Baruki ya n kan wo bɛɛ sɛbɛ iko nde, Yɛrɛmaya ya a fɔ a ye nya min. Wo kɔma, n ya a fɔ a ye ko

Yɛrɛmaya 50:1

Mari ya min fɔ nde, Yɛrɛmaya ye Babilɔn nyamanɛ anubɛ a mɔgɛnuna ko la, wo le kɛ la.

Yɛrɛmaya 52:12

Mansa Nɛbukanasala mansayɛ san tan-ni-kɔnɔntɛ, a karɛ loli, tele tan nyɔgɛ ma, ale Nɛbukanasala mɔgɔ-ba do donta Yerusalɛm soe burɔ, ado ala kɛlɛ-den-kunyɛ le fanan. Wo tɔgɛ le Nɛbusaradan.

Yɛrɛmaya 52:28

Nɛbukanasata san wɔrɔnfila nyɔgɛ ma mansayɛ la, a tara mɔgɛ minnu na biralɛ rɔ a bolo, wonu yatɛ le kɛnu na. Mɔgɔ waga sawa anubɛ mɔgɔ mogan-ni-sawa (3,023).

Daniyɛli 5:13

Ale Daniyɛli nanɛ, anu tara a la mansɛ wara. Mansɛ ya a manyinika ko, “Daniyɛli le ile la? N fa tara mɔgɛ minnu bira Yuda nyamanɛ rɔ, wo do le ile la, wa?” Daniyɛli ko, “Mansɛ, tonyɛ le wo la.”