Kɔlɔsi 3:4 - ALLALA KUMƐ

⁴ Ka Kirasiti ma i Mari la, wo si ma nimaya-bɛrɛ la wo ye worɔ. Nba, Kirasiti wa bɔ gbɛ rɔ tumɛ min, wo dama si gbiliyɛ sɔrɔn wo nyɔgɔn fɛ.

Kɔlɔsi 3:4 Iomraidhean Croise

Yaburi 17:15

Kɔnɔ sɔn sa n na min kɛ, fɔ n ba i yen. N ba n yɛ laka, i yen-koe si a diya don n tɔ.

Yaburi 73:24

I ye n nabila-kilɛnu sala n kɔrɔ. Tɔ-a-la, i si n matɔgɔ ka n sɛnibɔ Arinyɛni tɔ.

Matiyu 13:43

Kɔnɔ Allala mɔgɛnu si malan iko tele anu Fa Allala mansayɛ rɔ. Ni min si ko nya-yen, a ni a tole masɔ.”

Luka 17:30

A si ma wo nya na le fanan nde, Hadama-dan wa bɔ gbɛ rɔ lunyɛ min.

Yɔni 11:25

Yisa ya a fɔ a ye ko, “Nde ye furinu nawulila ka niyi di anu ma. Min ba dɛnkɛninya n ma, hali a fagara, wo si sɛgi a niyi la,

Yɔni 14:3

N ba ta kan tinɛ wonu tabɛn wo ye, n si na tun ka wo bi ka ta wo la n bolo. Woletɔ n ba ta kan min, wo fanan si to n fɛ nyɔ.

Yɔni 14:6

Yisa ya a yabi ko, “Kilɛ le nde la anubɛ tonyɛ anubɛ niyi. Mɔgɔ-wo-mɔgɔ ti ta n Fa Alla warɛ nde kɔma.

Yɔni 17:24

“E, n Fa! I wara anu di n ma. N bi kan min, n bi a fɛ, anu ni to n fɛ nyɔ. I ya gbiliyɛ min di nde ma, n bi a fɛ, anu ni wo yen bawo yanni duninya ni dan, i ya n keni.

Yɔni 20:31

Kɔnɔ kɛnu sɛbɛnɛ alako wo ni la a la ko Yisa kɛ, Allala dan le, Alla ya min yabɔ ma kisi-koe la. Wo wa dɛnkɛninya a ma, wo si habadan-nimayɛ sɔrɔn a tɔgɛ rɔ.

Kɛwɔlɛnu 3:15

Ale min bi ni-bɛrɛ dila mɔgɛnu ma, wole ya wo faga kɔnɔ Alla le ya a lawuli ka bɔ furinu tɛma. Ata sereyɛ le male la.

Romu 8:18

N lanɛ a la ko ma ye tɔrɔyɛ min sɔrɔnna kaka, wo ti sanka gbiliyɛ wo ma min si na bɔ gbɛ rɔ ma ye.

Romu 8:19

A sɔgɛ ye dali-fannu na ka a lɔn ala dannu bi minnu na! Anu bi Alla makɔnɔna ka wonu yira anu na.

1 Kɔrɛnti 1:7

Wo le ya a to, wo tenbi Mari Yisa, Allata-Mɔgɔ-Yabɔnɛ makɔnɔna ko a ni na duninya kɛ rɔ tun, wo sa dasala nirɔ-kɔ-fen kelen bɛrɛn na.

1 Kɔrɛnti 15:43

Anu ba a togon tumɛ min, a mafɛlɛn ma di, a sɛnbɛ sa. Alla wa a lawuli tumɛ min, a mafɛlɛn si diya, ado a si sɛnbɛ sɔrɔn.

2 Kɔrɛnti 4:17

Nba, ma ara tɔrɔya-kundu-ni kɛ sɔrɔn min ti a laban kɔnɔ wo si habadan-gbiliya-belebele di ma ma, min kolo tɔrɔyɛ wo ko pirr!

Kalesiya 2:20

Woletɔ nde belini ma tun fɔ Kirasiti min belinɛ nde rɔ. N bi nya min kaka, n bi wo nya dɛnkɛninyɛ le fɛ Allala den Yisa rɔ. Wo le ya n keni ka faga ndela ko la.

Filipai 3:21

A si ma bagbu-rakolɔn kɛnu yɛlɛma ka anu ma iko a nyɛrɛ bagbu-sɛninyanɛ ye nya min. A si ata sɛnbɛ lawɔli alako a si fan bɛɛ don a nyɛrɛ fanka kɔrɔ nya min.

1 Tɛsalonaika 4:17

Nba, male min kɛndɛ wo wati, ma dama la si dɛn wonu fɛ san-kole rɔ tiriya ka Mari labɛn fɔnyɔ rɔ. Wo kɔma, ma si to Mari fɛ habadan!

1 Timoti 6:14

Alla ya i sɔ min ma-tinɛ, i ni wo bira ka a mara sɛninyɛ rɔ ha ma Mari Yisa, Allata-Mɔgɔ-Yabɔnɛ ni bɔ gbɛ rɔ tumɛ min. Ni i ya wo ma, mɔgɔ ti ke fɛɛ sala i la.

2 Timoti 1:1

Nde, Pɔli le ye kɛdi kɛ sɛbɛla. Alla ya n ma Yisa Kirasitila kilayɛ la bawo wo le di ale Alla ye. A ya nimayɛ di n ma iko a ya lanyiri kiri nya min. N ya wo sɔrɔn ka a lake mɔgɛnu ma bawo Yisa Kirasiti lamaranɛ n yisi rɔ.

2 Timoti 4:8

Nba kaka, nta duwɛ ye n makɔnɔna. Anu si mansa-telenbagɛta fulɛ di n ma. Duninya-kiti-tɛgɛ-latelennɛ si wo di n ma tele wo ma, Mari, kɔni. A ti a di nde dɔrɔn ma fɔ min bɛɛ ye ale Mari kenina ka a na-koe makɔni.

Taita 2:13

Ma tenbi tele-makawanɛ wo makɔnɔna, ma ni to Alla gbiliyala duninya kɛ rɔ, ado ma yigi sanɛ tele wo kuma ko ma kisilɛ Yisa Kirasiti si na bɔ gbɛ rɔ wulɔn, mata Alla gbiliyanɛ, kɔni.

Hiburunu 9:28

Kirasiti fanan mara sarakɛ la wo nya na le iko kelen pe. A ya mɔgɔ siyamanta hakɛ dunɛ bi anu ye. A wa na a fila nyɔgɛ rɔ, a sa nala hakɛla ko la tun. Minnu bi gbaranna a na-koe la, a si wonu denu kisi.

1 Pita 1:13

Nba, wo ni wo hɛnkili masɔ ka wo sɛbɛ don. Wo ni wo yɛ lakalan ka wo yigi sa Kirasitita duwɛ kuma, ado Kirasiti wa bɔ gbɛ rɔ tumɛ min, a si wo di wo ma feu!

1 Pita 5:4

Saga-Fɛ-Birala-kun-tigi wa bɔ gbɛ rɔ tumɛ min, a si mansaya-fulɛ di wo ma minna kinyɛ ti bɔ a su la mumɛ!

1 Yɔni 2:28

Ɔnde, n diyana-dannu, wo ni to ale rɔ. Woletɔ a wa bɔ gbɛ rɔ tumɛ min, ma si fa yisi-latɛgɛ la. A wa na wo tele rɔ, ma ti ma dogon a ma miliyɛ bolo.

1 Yɔni 3:2

N diyana-mɔgɛnu, Allala dan le male la kaka kɔnɔ ma si na ma nya min, wo ma bɔ gbɛ rɔ wɛ. Kɔnɔ ma ya kɛ le dɔrɔn lɔn, Kirasiti wa bɔ gbɛ rɔ tumɛ min, ma si ma iko ale ye nya min bawo ma si a yen de iko a ye nya min, yɔ!

1 Yɔni 5:12

Allata dan ye min bolo, nimayɛ kɛ ye wo bolo. Allata dan sa min bolo, nimaya sa wo tigi bolo.

Yude 1:24

Nba, ale Mari min si ke wo marala alako wo kana na bui, alamɛ wo sewanɛ sɔra a yakɔrɔ, fɛɛ-wo-fɛɛ sa wo la ala gbiliyɛ rɔ.

Lankɛnimayɛ 2:7

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la! “ ‘Minnu bara nɔlɛ kɛ, n si sarati di wonu ma alako anu ni nimaya-kɔlɔma-gbɔɛ dɔn min bi Allata nakɔɛ rɔ.’

Lankɛnimayɛ 22:1

Melika ya bɛ fanan yira n na min si nimayɛ di mɔgɔ ma. Bɛ wo gbɛnɛ iko daimon. A ye bɔla Alla anubɛ saga-danta mansaya-sigi-fan kɔrɔ.

Lankɛnimayɛ 22:14

Mɔgɔ-sewanɛ le wo mɔgɛnu na minnu bi anuna durukinu kula ka anu sɛninyanɛ mara. Anu si sɛnbɛ sɔrɔn ka nimaya-kɔlɔma-gbɔɛ dɔn anubɛ ka don soe wo burɔ a dɛnu na.