Kɔlɔsi 3:2 - ALLALA KUMƐ

² Wo ni to wo mirila nyɔ-koenu ma dɛɛ! Wo kana wo miri dugu-kole kɛ-koenu ma dɔrɔn.

Kɔlɔsi 3:2 Iomraidhean Croise

1 Ko-Kɔrɔta-Karan 22:19

Wo ni wota Mari Allata wɔlɛ kɛ wo yisi bɛɛ la. Wo ni Bato-Bon-sɔɛ dabira. Wo wa wo laban tumɛ min, wo si Marita tɔn-kenkirɛ anubɛ fen-sɛnima-toenu nadon a burɔ wo ye a batola minnu na.”

1 Ko-Kɔrɔta-Karan 29:3

Wo bɛɛni-ata, n bara sɛnɛnu anubɛ wodi-gbɛnu bɔ n gbu rɔ ka a kofu doi kɛnu ma Bato-Bɔn sɔ-koe rɔ. N ya wo ma le bawo Allata Bɔn kɛ di n ye kati!

Yaburi 62:10

I kana i yigi sa kɛlɛ-nyɔgɔnyɛ kuma. I kana i hɛnkili latɛgɛ kankanya-fen-sɔrɔn ma. Hali ila nɔnfuli sabatira nya-wo-nya, i kana i hɛnkili latɛgɛ wo ma.

Yaburi 91:14

Alla ko ale di minnu ye, a si wonu nakisi. A ko minnu ya ale lɔn Mari la, a si wonu nakanan.

Hɛnkilimaya-Kumɛnu 23:5

Ni i ya wo ma, ila wodi si gban i bole tɔ iko kokɛ si gban nya min ka ta a ye pon!

Makawandili Kumɛnu 7:14

I wara-koe tenbi tala a kilɛ fɛ, i ni nyagalen. Ni tɔrɔyɛ fanan nara i ma, i ni a lɔn ko Alla le si kun-nadiyɛ anubɛ tɔrɔyɛ di mɔgɛ ma. Mɔgɔ ma a lɔn ni min bi nala mala a la yarɔ ma.

Matiyu 16:23

Yisa ya a yɛ lamunun Pita la, a ko, “Ile, bɔ n fɛ. I ye Setanɛta kumɛ fɔ tinɛ wo la! Lagbaran-fan le ile la kilɛ la nde ye bawo ila miriya kɛ, mɔgɛnu miriya le wo la kɔnɔ Allata miriya ma wo la!”

Matiyu 6:19

“Wo kana wola nɔnfuli lamara wola bɔnnu na duninya kɛ rɔ, kɔrɔkɔrɔyɛ anubɛ kisinu si a tinya kan min. Kankannu fanan si ila bɔn keri ka a kankan.

Luka 12:15

Wo kɔma, a ya a fɔ anu dama ye ko, “Wo ni a ma wo fɛrɛma wasabɛlɛnuna ko la bawo mɔgɔ niyi ti suma ka a bɛn a bolo-fannu ma, hali a bananyara nya bɛɛ ma.”

Luka 16:11

Ni wo ma lanayɛ kɛ duninya-kɛ-nɔnfuli la, yon si la wo la nɔnfulu-bɛrɛla ko la?

Filipai 1:23

N kɔndɔfilinɛ ko filɛ kɛnu tɔ. N bi a fɛ ka bɔ nimayɛ kɛ rɔ ka ta to Kirasiti fɛ. Wo le fisa bɛrɛkɛ!

Kɔlɔsi 3:1

Wobɛ Kirasiti la ara wuli wo nyɔgɔn fɛ min kɛ, nba, wo ni to wo mirila wo koenu ma minnu bi Arinyɛni tɔ, ado Kirasiti siginɛ nyɔ rɔ ala mansaya-sigi-fan kuma Alla kɔɛn-nyimɛ rɔ.

Kɔlɔsi 3:5

Duninya-nata min bi wɔlila wo rɔ, wo ni wo faga. Yɛlɛnyɛ wo, ko-kɔsɔnɛ wo, keni-yoge wo, nata-yogomɛnu wo, wonu fenfen kana sigi tina sɔrɔn wo yisi rɔ. Fan minnu bi duninya kɛ rɔ, wonu bi-sɔgɛ kana wo bira bawo bɛsi-kɔ-ko-su do le wonu na.