Kɔlɔsi 2:9 - ALLALA KUMƐ

⁹ ado Alla wara-koe-mumɛ-bɛɛ taranta Kirasiti le tɔ.

Kɔlɔsi 2:9 Iomraidhean Croise

Aiseya 7:14

Woletɔ Mari nyɛrɛ ko a si tamasere yira i la. Sunkurun-nasɔlɔnɛ si buyi bi ka den-kei sɔrɔn. Wo si a tɔgɔ sa Imanuwɛli.

Matiyu 1:23

“Sunkurun-nasɔlɔnɛ si buyi bi ka den-kei sɔrɔn. Anu si a tɔgɛ rakele ko Imanuwɛli.” Tɔgɛ wo kɔrɛ le ko, “Alla ye ma fɛ.”

Luka 14:22

A ma mɛ, wɔli-kɛlɛ wo ko, ‘N fa, i ya min fɔ, n bara wo ma kɔnɔ sigi tinɛ donu bara to.’

Luka 3:22

Allata Ni-Sɛnimɛ yigira Yisa kuma kangbɔɛla muninyɛ rɔ. Kuman-kan bɔra Arinyɛni tɔ ko, “N diyana-dan le ile la. I wara n hɛnɛ feu!”

Yɔni 1:14

Ale min keleta Kumɛ, wo mara mɔgɔni-fin la. A sigira ma tɛma. Ma ya ala gbiliyɛ yen. A fanɛ hinɛ anubɛ tonyɛ la. Gbiliyɛ wo, Allatalata Den kelen pe le ale la min kɛ, a ya wo sɔrɔn a Fa bolo.

Yɔni 1:16

A ara ata duwɛ layigi ma bɛɛ kuma ka bɔ ala hina-waranɛ rɔ ka duwɛ kumasa ma ye.

Yɔni 10:30

Mabɛ n Fa, kelen de ma la.”

Yɔni 10:38

Kɔnɔ ni n ya n Fala kɛwɔlɛnu kɛ, a bɛnta, wo ni la kɛwɔli wonu denu na. Wo ni la wonu na, hali wo ma la nde la. Wo si a lɔn worɔ ko n Fa ye nde rɔ. Nde fanan bi ale rɔ.”

Yɔni 14:20

Wo tele wa ke tumɛ min, wo si a lɔn ko n bi n Fa Alla rɔ, wole fanan bi nde rɔ iko n bi wole rɔ nya min.

Yɔni 17:21

N bi madiyali kɛla ko anu bɛɛ ni ma kelen na. E, n Fa! Iko i ye nde rɔ nya min, anubɛ nde ye ile rɔ nya min, anu fanan ni taran nde rɔ wo nya le. Wo le si a ma, duninya-mɔgɛnu si la a la ko ile le ya n sɔ.

Yɔni 2:21

Kɔnɔ Yisa ye Alla-Bato-Bɔn min ma, a nyɛrɛ bagbuyi le wo la nun.

Kɛwɔlɛnu 17:29

Nba, ni ala dannu le male la, ma kana ma miri ko Allayɛ manɛ iko sɛnɛ anubɛ wodi-gbɛ, ni wo ma, kuri min lɛsɛnɛ mɔgɛnuna halliyɛ anubɛ hɛnkili la.

2 Kɔrɛnti 5:19

Ma ye a fɔla mɔgɛnu ye ko Alla ara mɔgɛ bɛɛ ma a diyana-mɔgɛ la Kirasiti baraka rɔ. Alla ti a miri anu hakɛ ma tun. A ya anu ma a diyana-mɔgɛ la nya min, a ara wo kumɛ di ma ma ka wo lake mɔgɛnu ma.

Kɔlɔsi 1:19

ado Alla le nyɛrɛ ya a latɛgɛ ko a nyɛrɛ kɛ-nya-bɛɛ ni to Kirasiti rɔ.

1 Timoti 3:16

Alla ya ma karan tonyɛ min na, mɔgɔ ti ke wo masɔsɔla mumɛ! Mɔgɛnu ya Kirasiti yen iko mɔgɔni-gbuyi. Allala Ni-Sɛnimɛ ya a lagbɛ ko a ara Alla hɛnɛ. Melikanu ya a yen fanan. Mɔgɛnu ya ala koe lake sibolo-gbɛrɛnu ma, ado mɔgɛnu dɛnkɛninyara a ma duninya kan tinɛ bɛɛ rɔ. A laban, Alla ya a layɛlɛ Arinyɛni tɔ.

Taita 2:13

Ma tenbi tele-makawanɛ wo makɔnɔna, ma ni to Alla gbiliyala duninya kɛ rɔ, ado ma yigi sanɛ tele wo kuma ko ma kisilɛ Yisa Kirasiti si na bɔ gbɛ rɔ wulɔn, mata Alla gbiliyanɛ, kɔni.

1 Yɔni 5:20

Min tugunnɛ wo la, ma ya a lɔn ko Allala dan ara na nun, ado a ara hɛnkili di ma ma alako ma ni Alla-bɛrɛ lɔn. Wo ara a yira ko mabɛ Alla anubɛ ala den Yisa Kirasiti min bi Allayɛ la, ma ara tugun ma nyɔgɔn na ka to ko kelen tɔ. Habadan-nimayɛ le ale la fanan.

1 Yɔni 5:7

ado sereya sawa ye nyɔ—